#hoxeenArousaPontevedraDíaaDía

#de12a1430

A rehabilitada Igrexa da Pastoriza xa está a punto para acoller as primeiras actividades programadas dentro das Sonatas de Primavera organizadas polo Concello.

Só faltan uns últimos detalles de iluminación para que poida ser o escenario do Concerto dos Amigos do Acordeón Rías Baixas, que terá lugar este sábado 13 de abril ás 20 horas e dunha representación teatral infantil o domingo á mesma hora.

O alcalde, Gonzalo Durán, amosaba a súa satisfacción pola recuperación deste espazo que, estima, contará cun aforo de 130 persoas.

#hoxeenArousaPontevedraDíaaDía

#de12a1430

O pavillón municipal de Ribadumia acolle este domingo o “VI trofeo de baile deportivo Ribadumia” clasificatorio para o ranking da Federación Española e para o Campionato Galego de Ritmos Caribeños.

A proba desenvolverase ao longo de toda a xornada, dende as 9 da mañá ás 9 da noite.

Os detalles nolos contaba esta mañá o director deportivo do club de baile B Troula, Breogán Pérez, organizador do evento en colaboración co Concello de Ribadumia.

#hoxeenArousaPontevedraDíaaDía

#de12a1430

Un total de vintedous equipos de baloncesto de diferentes partes do país, participarán no XVI Memorial Miguel Ángel Estévez que se celebra esta fin de semana en Fexdega.

O evento deportivo contará coa presencia de máis de 300 deportistas de categoría infantil masculina e feminina con rapaces e rapazas de 12 e 13 anos.

A novidade de este ano e un dos grandes atractivos é a participación do equipo masculino do clube Obradoiro de Santiago.

Tanto os xogadores como os equipos técnicos e os árbitros aloxaranse durante estos tres días nos hoteis de varios municipios da comarca.

A organización agarda que se acheguen a Vilagarcía unhas 1.200 persoas cada día para disfrutar dos partidos de baloncesto.

O Memorial foi presentado esta mañá polo directivo do CLB Jesús Quintáns, o responsable das competicións, Ricardo López, o alcalde de Vilagarcía, Alberto Varela e o director técnico da Fundación de Deportes, Juanmi Doval.

#hoxeenArousaPontevedraDíaaDía

#de12a1430

A Mancomunidade do Salnés e o Concello de Sanxenxo queren dar a coñecer entre os veciños da comarca a Ruta do Padre Sarmiento, unha oferta que se consolida a nivel turístico pero que todavía segue estando pouco descuberta por parte da veciñanza.

Para elo, a Concellería de Servizos Sociais, a través do Taller da Memoria, organiza “Os Venres de Camiñata”, dende Pontevedra a Santiago con 14 etapas de 10 kilómetros cada unha.

A primeira saida será o 3 de maio nunha excursión en autobús de Pontevedra a Dorron e a primeira Camiñata propiamente dita será o día 10 de maio.

Todas as saídas serán ás 9 horas dende Servizos Sociais de Sanxenxo.

A Mancomunidade porá a disposición dos participantes un autobús que os trasladará dende Sanxenxo ao inicio de cada etapa e o seu regreso ao finalizar á mesma.

As inscripcións, abertas a todos os veciños de calquera municipio, pódense realizar dende mañá nos Servizos Sociais do Concello de Sanxenxo.

Os detalles explícanolos Mª José Pérez, responsable do Taller de Memoria de Sanxenxo na presentación da iniciativa, acompañada do Delegado de Turismo da Mancomunidade Gonzalo Pita, e a Concelleira de Servizos Sociais, Silvia Freire.

#hoxeenArousaPontevedraDíaaDía

#de12a1430

A conversión do Camiño Francés que cruza Baión, en Vilanova, nunha estrada de seis metros de ancho estará rematada este ano.

Así o prevé o alcalde de Vilanova, Gonzalo Durán, tras reunirse hoxe en Santiago co responsable da concentración parcelaria, Miguel Dubois, para coñecer o avance das obras.

Esta nova vía, de case cinco kilómetros de longo, partirá de Pontearnelas e conectará coa PO 531 que enlaza Vilagarcía e Pontevedra.

#hoxeenArousaPontevedraDíaaDía

#de12a1430

A Lonxa de Portonovo volverá a acoller un ano máis a Festa da Raia que este ano se celebrará o 4 e o 5 de maio.

O evento, que nesta ocasión conta cun incremento dun 30% do orzamento municipal, incluirá un amplo programa de actividades deportivas, musicais e gastronómicas.

Ademáis irá precedido por unha nova edición da “Ruta Gastronómica Pincho e Raia” que se celebrará do 20 de abril ao 5 de maio coa participación dunha ducia de establecementos hosteleiros.

Todo elo para conseguir o beneficio da hostelería local e a implicación da veciñanza ao tempo que se promociona un producto as veces un tanto descoñecido, tal como explicaban na presentación o alcalde, Telmo Martín, o Concelleiro de Turismo, Jesús Sueiro, e o patrón maior da confraría de Portonovo.

#hoxeenArousaPontevedraDíaaDía

#de12a1430

A Concellería de Obras de Cambados pretende realizar a reforma integral do campo de fútbol de Castrelo cunha inversión de 282.000 euros que se executaría no 2020 a través do Plan Concellos.

Un proxecto que anunciaba esta mañá o edil responsable do departamento, José Ramón Abal, que aseguraba será realidade mesmo tendo en conta a cita electoral do vindeiro maio.

#hoxeenArousaPontevedraDíaaDía

#de12a1430

O PP de Cambados presentou esta mañá a que será a número tres na candidatura popular ás eleccións municipais de maio.

Será a veciña de Vilariño e Vicepresidenta da Asociación O Batuqueiro, Silvia Fernández Pérez, que, asegura, se suma ao proxecto do PP coa intención de traballar polo desenvolvemento das parroquias.

A mellora das Casas de Cultura e a promoción de actividades para os maiores son dúas das súas inquedanzas.

Así o expresaba esta mañá Silvia Fernández na súa presentación, na que o candidato á alcaldía Luis Aragunde resaltaba a súa implicación co proxecto popular.

#hoxeenArousaPontevedraDíaaDía

#de12a1430

O Concello de Cambados, as organizadoras do Desmarket e os comercios participantes pensan xa nunha próxima edición deste innovador evento que se celebrou a pasada fin de semana cun gran éxito de público.

Unhas cinco mil persoas, segundo o balance municipal, achegáronse ao Salón Peña para ver as novas tendencias de moda, facer as súas compras, participar nos obradoiros de estilismo e disfrutar dos concertos en directo e das catas de albariño e vermú.

O Concello estima que co mesmo presuposto co que se realizaba antes a Feira de Oportunidades de Verán pódese agora, a maiores, poñer en marcha este novidoso proxecto que dinamiza ainda máis ao comercio local.

Así o valoraban esta mañá o Concelleiro de Promoción Económica, Xurxo Charlín, a representante da empresa organizadora Nordelaina, Bárbara Abal, e unha das participantes das tendas locais.

#hoxeenArousaPontevedraDíaaDía

#de12a1430

A Mancomunidade do Salnés conseguiu, por fin, a financiación para poñer en marcha a finais de ano dous proxectos de mellora e eficacia da Estación de Tratamento de Auga Potable da comarca, ubicada en Treviscoso.

Son dúas importantes actuacións de alta innovación que asceden a case 700.000 euros subvencionados nun 80% polo IDAE, Instituto para a Diversificación e Aforro da Enerxía adscrito ao Ministerio de Transición Ecolóxica.

O resto tería que ser asumido polos Concellos integrados na Mancomunidade ainda que a entidade comarcal prevé que finalmente as partidas municipais se amorticen co aforro que se consiga mediante a implantación dos novos sistemas.

En principio, prevese unha reducción do 38% da enerxía e unha diminución de 600.000 kilos de CO2.

Asimesmo, con esta obra preténdese buscar unha solución á presencia da alga Egeria Densa que obstrue as canalizacións puidendo provocar a rotura do sistema de bombeo.

Son, concretamente, dous proxectos.

O primeiro, de Eficiencia Enerxética, ten un custe de 300.000 euros destinados á mellora do equipo de bombeo: cambiaranse os motores trifásicos e instalaranse motores de frecuencia.

O segundo proxecto, de Enerxías Renovables, está valorado en 364.000 euros, e consiste na ubicación dun pozo ranulado, a instalación dunha turbina de hélice e un sistema tecnolóxico para os depósitos de cabeceira.

Novas medidas que suporán a optimización da planta de Treviscoso aproveitando a forza do caudal do Umia como efecto turbina.

Ambos proxectos foron presentados esta mañá polo

técnico da Mancomunidade, Carlos Vieites, e o inxenieiro da obra, Luis Varela, acompañados do presidente comarcal, Gonzalo Durán e o delegado de Turismo, Gonzalo Pita.