#hoxeenArousaPontevedraDíaaDía

#de12a1430

Tralo éxito das anteriores edicións, o Concello de Cambados volve a ofrecer un curso de defensa persoal feminino para as mulleres que queiran aprender técnicas de autodefensa ante posibles ataques.

Nesta iniciativa promovida dende a Concellería de Igualdade, poderán participar un total de 18 mulleres e desenvolverase do 1 ao 5 de abril, a partir das 19 horas no Salón Peña.

O curso de defensa persoal estará impartido por Santiago Otero, policía local especializado en defensa persoal que amosará nocións básicas de defensa e como evitar ataques mediante obxectos cotidiáns como chaves, bolígrafos ou paraugas.

A inscrición é totalmente gratuíta e debe realizarse a través da alcaldía ou das redes sociais da Concellería de Igualdade de Cambados.

A alcaldesa, Fátima Abal, e o profesor do curso, Santiago Otero, presentaron esta mañá a actividade con demostración práctica incluída.

#hoxeenArousaPontevedraDíaaDía

#de12a1430

O Concello de Cambados retoma este mércores as as mobilizacións contra o peche do Centro de Saúde polas tardes que a Xunta de Galicia ten previsto reanudar durante a Semana Santa.

Segundo anunciaron os Concelleiro de Somos, Tino Cordal e Xurxo Charlín, colocarase unha segunda pancarta reivindicativa no propio centro e iniciarase unha nova recollida de sinaturas.

Asimesmo, o responsable municipal de Sanidade e Servizos Sociais, Tino Cordal, xa se dirixiu a FEGAMP para reclamarlle os gastos de mantemento do Centro de Saúde do exercicio pasado, que ascenden a 48.522€, que asume Cambados cando “no PAC, a Xunta de Galicia, atende a veciños de Ribadumia, A Illa de Arousa e Meis”.

#hoxeenArousaPontevedraDíaaDía

#de12a1430

Os vándalos cebáronse esta fin de semana nos parques infantís de Beleco e Torrado de Cambados, ao pouco tempo de ser renovados.

Os delincuentes, non identificados, destrozaron varias pezas en dous elementos de xogo no primeiro caso e o columpio para persoas con discapacidade no de Torrado.

Os destrozos xa están a ser reparados polo Obradoiro de Emprego, que ademáis continuará co mantemento de todos os parques municipais.

O goberno municipal condena estes actos vandálicos e anuncia que para tentar evitar que no se reproduzan instalarase maior iluminación no entorno.

Nolo decían esta mañá o Concelleiro de Servizos Sociais, Tino Cordal, acompañado do edil de Somos Xurxo Charlín, que se achegaron a comprobar o acontecido.

#hoxeenArousaPontevedraDíaaDía

#de12a1430

“A escola do Convento” é o título dunha publicación de dous volumes editada polo Concello de Cambados como homenaxe ao Cincuentenario do Colexio Magariños.

Trátase dun traballo de investigación que recupera a historia da orixe deste centro educativo.

Editaranse 1.000 exemplares que despois da distribución institucional e a entidades colaboradoras poranse a venda a un prezo de 20 euros

A recadación irá destinada á ANPA do Colexio Magariños

Os Puntos de venda serán a propia ANPA e as librerías Contos e Cabanillas de Cambados.

Os detalles nolos contaban esta mañá o autor da publicación, Antonio Magariños, e o Concelleiro de Cultura, Victor Caamaño.

#hoxeenArousaPontevedraDíaaDía

#de12a1430

A Pousada de Ribadumia xa ten licencia de apertura pero previamente tense que executar a obra de urbanización do entorno que xa a Deputación sacou a licitación.

O alcalde de Ribadumia, David Castro, informou hoxe dos últimos trámites para a legalización do inmoble asegurando que o Concello rematou xa a súa xestión unha vez que concedeu a licencia de apertura.

Está xa licitado o expediente de contratación promovido pola Deputación para a necesaria urbanización previa do entorno da Pousada.

Concretamente, o goberno provincial prevé unha inversión duns 250.000 euros para acondicionar as rúas 1 e 4 da urbanización Santa Eulalia.

Con esta actuación realizaranse as pavimentacións dos viais, con creación de beirarúas na número catro, dotaranse de servizos as dúas rúas, e devolverase a Igrexa a zona de axardinamento previamente ocupada.

A maiores tamén se plantean diversas actuacións no aparcamento interior.

E ante as críticas do PP, o alcalde defende as xestións realizadas durante estes catro anos polo seu equipo de goberno para legalizar un proxecto heredado do anterior goberno provincial cheo de erros.

Entre eles, a construcción de plantas que non figuraban no proxecto, a falta de xustificación de diversas actuacións ou a ocupación de solo pertencente á Igrexa que agora é necesario devolver.

#hoxeenArousaPontevedraDíaaDía

#de12a1430

O Concello de Vilanova proxecta a creación dun Auditorio ao aire libre, destinado a actividades no verán, na parcela adquirida recentemente en O Terrón.

Para elo, e coa axuda do Obradoiro de Xardinaeria, reutilizarase, a modo de gradas, a pedra que constituía o peche doutra finca mercada anteriormente fronte á Pasarela e instalarase un escenario móvil en cada ocasión.

Segundo o alcalde, Gonzalo Durán, este auditorio ao aire libre, que estará listo en dous meses, está pensado sobre todo para actividades da xuventude e acollerá unhas 500 persoas de aforo.

#hoxeenArousaPontevedraDíaaDía

#de12a1430

A Mancomunidade do Salnés quere potenciar o turismo de compras para manter o éxito que o destino está a ter nos mercados internacionais como o chinés ou o ruso.

Por eso, o experto a nivel mundial neste ámbito, Antonio Santos, estivo durante tres días no Salnés para comprobar os nosos recursos e dar pautas aos empresarios da comarca.

I é que, segundo os seus datos, o 96,8% dos turistas que viaxan compran.

Así nolo explicaban esta mañá o delegado de Turismo da Mancomunidade, Gonzalo Pita, e o experto en turismo de compras Antonio Santos.

#hoxeenArousaPontevedraDíaaDía

#de12a1430

As declaracións da Concelleira non Adscrita Vanessa Rodríguez Búa sobre a legalización en comisión de Urbanismo da vivenda dun familiar do edil de SAL Daniel Fernández tiveron hoxe resposta.

Rodríguez Búa afirmaba que a legalización do inmoble “é a evidencia de que o pacto de goberno entre SAL e Telmo Martín non foi polo ben dos veciños senon por outro tipo de intereses, traicionando aos seus votantes”.

A Concelleira non adscrita calificaba de “vergonzoso ainda que poida ser legal” o cambio de uso da edificación para camping co fin de esquivar á APLU.

En resposta, o Concelleiro de SAL atribue as acusacións a un intento de desprestixiar o pacto de goberno, que para o Presidente da formación, Gonzalo Pita, está sendo un rotundo éxito.

Ademáis, considera Daniel Fernández que a edil non adscrita está doida e asegura que a modificación de uso é totalmente legal segundo a Lei do Solo de 2016.

#hoxeenArousaPontevedraDíaaDía

#de12a1430

O Concello de Sanxenxo disporá de 25.000 euros donados pola Obra Social de La Caixa para a compra dun novo vehículo de transporte destinado aos usuarios do Centro de Día.

A delegada de Relacións Institucionais da entidade, Patricia Romaní, fixo entrega esta mañá do cheque ao alcalde, Telmo Martín, que agradecía a donación efectuada.

#hoxeenArousaPontevedraDíaaDía

#de12a1430

Ribadumia será sede e punto de partida do II Derby Rías Baixas, una proba internacional de pombas mensaxeiras organizada polo Clube Colombófilo Ribadumia.

O calendario do Derby comezará no mes de xullo cos primeiros adestramentos para alcanzar a forma física das pombas, incrementandóse en cada saída a distancia a percorrer.

Xa o 21 de setembro terá lugar a proba final, cun percorrido de 410 kilómetros en liña recta ata Villacastín, en Segovia.

Na primeira edición contouse coa participación de 100 afeccionados e 647 palomas de España e Portugal e a organización agarda que este ano se supere con creces esta cifra dados os bos resultados obtidos na anterior proba.

Os detalles do Derby explicábaos esta mañá o organizador Guillermo Barrallo, acompañado do alcalde de Ribadumia, David Castro, na presentación da proba.