#hoxeenArousaPontevedraDíaaDía

#de12a1430

O vicesecretario nacional de Política Autonómica e Local do PP, Vicente Tirado, estivo hoxe no Salnés mantendo encontros con diversos sectores empresariais da comarca.

En Cambados, xunto ao candidato do PP á Alcaldía, Luis Aragunde, visitou as Cooperativas Horsal e Martín Codax.

Previamente, en Sanxenxo, Vicente Tirado e o candidato Telmo Martín reuníronse con representantes do CETS, Consorcio de Empresarios Turísticos.

Neste encontro abordáronse temas como a desestacionalización durante os 12 meses do ano como motor de emprego nun sector que fai de Sanxenxo “referente turístico a nivel nacional”, segundo sinalaba Vicente Tirado.

#hoxeenArousaPontevedraDíaaDía

#de12a1430

A Mancomunidade do Salnés celebrou esta mañá o "I Encontro Empresarial de Entidades da Comarca Colaboradoras no Programa Integrado de Emprego".

Na cita, que tivo lugar no Obradoiro de Hostelería do Salnés en Sanxenxo, estiveron presentes representantes municipais de toda a comarca así como o Conselleiro de Industria, que destacou a importancia da formación no futuro do tecido empresarial.

#hoxeenArousaPontevedraDíaaDía

#de12a1430

O pavillón de O Pombal de Cambados será o escenario este domingo do Campionato Provincial de idade escolar de Taekwondo, organizado polo Club de Taekwondo de Cambados, en colaboración co Concello e a Federación Provincial.

Un total de 250 deportistas, a maioría mulleres, de entre 8 e 16 anos e procedentes de 14 clubes da provincia participarán nesta proba que se desenvolverá de 9.30 a 14 horas con entrada de balde.

O obxectivo é promover o deporte base e dar cabida nas actividades municipais a disciplinas minoritarias.

Os detalles nolos contaba esta mañá a vicepresidenta da Federación, acompañada do Concelleiro de Deportes, Victor Caamaño, e a representante do club organizador.

#hoxeenArousaPontevedraDíaaDía

#de12a1430

A conselleira do Mar, Rosa Quintana, acompañou hoxe aos alumnos do IES Valle Inclán de Pontevedra na súa visita á lonxa de Portonovo no marco do programa O sabor da aventura está no mar.

Mediante esta iniciativa os 60 estudantes que formaban a comitiva, xunto aos seus mestres, puideron afondar en como se desenvolve a actividade nos portos, a venda nas lonxas e a comercialización nos mercados.

Pero sobre todo o programa, que botou a andar en 2010, pretende impulsar o consumo dos produtos do mar entre os máis pequenos e ampliar o coñecemento dos seus beneficios para a saúde, tal como destacaba a Conselleira do Mar, Rosa Quintana.

#hoxeenArousaPontevedraDíaaDía

#de12a1430

As instalacións de Nauta Sanxenxo acolleron esta mañá a sinatura do convenio entre Cogami e a Asociación Galega de Actividades Náuticas Agán + para o desenvolvemento do proxecto SANA en Galicia.

Trátase dunha niciativa de ámbito europeo que pretende mellorar a oferta de deportes de natureza para persoas en situación de discapacidade, promovendo á súa inclusión social.

O proxecto, no que agora se involucra Cogami, conta xa coa participación de entidades da Bretaña Francesa e Portugal.

O obxectivo é organizar no mes de setembro un gran evento deportivo na Bretaña Francesa coa participación de equipos deportivos mixtos procedentes de Galicia, Francia e Portugal.

Así o explicaba o responsable de Agan + no acto de sinatura do convenio.

#hoxeenArousaPontevedraDíaaDía

#de12a1430

O Concello de Cambados continúa coas actividades programadas para o mes de marzo con motivo do Día da Muller e nesta ocasión, organiza un Torneo de Golf Feminino.

A “Friends Cup Feminina” consiste nun campionato de golf no que participan 15 parellas formadas por un/a experto/a e unha muller que queira aprender a xogar ao golf.

O obxetivo de este torneo feminino, organizado pola Concellería de Igüaldade e o Clube Chan do Fento do Campo de Golf de Meis, é visibilizar a muller no mundo do golf, así como achegar este deporte aos veciños para demostrar que non é elitista.

A cita terá lugar este sábado 16 de marzo de 10 a 14 horas, e o custe será de 10 euros por parella, ainda que no caso das mulleres afeccionadas será o Concello quen abone as entradas.

Ademáis, o domingo 17 de marzo o Campo de Golf de Meis tamén celebra o II Torneo da Camelia e un concurso - exposición.

A Friends Cup Feminina foi presentada esta mañá en Cambados pola alcaldesa, Fátima Abal, e o Presidente do Club Chan do Fento, José Carlos Otero.

#hoxeenArousaPontevedraDíaaDía

#de12a1430

A fibra óptica chega ao norte da parroquia vilanovesa de Baión, tras cruzar a gran parte do municipio.

Os alumnos do Obradoiro de Innovación Tecnolóxica instalaron esta mañá as liñas no entorno do centro de saúde e a partir de agora iranse distribuíndo os ramais para outros lugares da parroquia.

Un importante avance que destacaba esta mañá o alcalde, Gonzalo Durán.

#hoxeenArousaPontevedraDíaaDía

#de12a1430

As obras de renovación da rede de abastecemento de auga na Avenida Doutor Tourón de Vilagarcía xa comezaron co fin de que non se repitan as contínuas roturas que se estaban producindo pola antigüedade e mal estado da canalización.

A concesionaria Espina e Delfín calcula que os traballos estén rematados nuns quince días.

En todo caso, o goberno municipal asume que as redes secundarias van seguir tendo roturas, ainda que menos, debido aos cambios bruscos de presión.

Por elo a súa intención é ir destinando partidas en cada orzamento para renovar paulatinamente toda a rede de auga municipal, tal como explicaban esta mañá o Concelleiro de Obras, Lino Mouriño e o alcalde, Alberto Varela.

#hoxeenArousaPontevedraDíaaDía

#de12a1430

O Concello de Vilanova valora como un gran éxito a Festa do Momo celebrada este domingo, marcada pola novidade da retransmisión en streaming a través das redes sociais, que se volverá a repetir a partir de agora.

Unha edición na que a figura emblemática do Entroido vilanovés, este ano Pedro Sánchez, o Falcón e a exhumación de Franco, non era do parecer do alcalde, Gonzalo Durán, que non quería polémicas.

Polo demáis, un total de 50 carrozas desfilaron polas rúas de Vilanova entre unhas 15.000 persoas que presenciaron o evento e milleiros de visitas nas redes sociais.

#hoxeenArousaPontevedraDíaaDía

#de12a1430

Cambados abre un novo ciclo de primavera de "Alternatívate”, un programa de ocio alternativo nocturno para xóvenes que se desenvolverá as noites dos venres e sábados dende o 15 de marzo ao 11 de maio.

Tras analizar os cursos que maior éxito obtiveron en pasadas edicións, nesta ocasión farase fincapé nos talleres formativos, especialmente nos de cociña, iniciándose en receitas de comida mexicana, sushi ou hamburguesas veganas.

O “Alternatívate” de primavera contará cun total de 16 actividades entre as que tamén haberá cine, ioga, defensa persoal, fotografía milenial ou talleres de personalización textil, fieltro, encuadernación e caixas sorpresa.

Todas as actividades son de carácter gratuito ainda que é necesario inscripción previa por motivos de organización.

Así o explicaba esta mañá a alcaldesa Fátima Abal na presentación do programa.