#hoxeenArousaPontevedraDíaaDía

#de12a1430

O BNG elixiu esta mañá o entorno de San Sadurniño en Cambados para presentar a candidatura nacionalista ao Congreso pola provincia de Pontevedra.

A proposta encabezada pola pontevedresa Carme da Silva integra unha diversa representación da comarca do Salnés, coa actual concelleira nacionalista de Cambados Mª José Cacabelos no posto número seis.

Ademáis, inclúe como suplentes a David Otero de Sanxenxo, Marta Ferreiro de Vilagarcía e David Torres de O Grove.

Unha candidatura coa que o BNG pretende ter voz en Madrid para defender os intereses de Galicia nos seus sectores productivos, como o mar e o agro, tal como decía esta mañá a cambadesa Mª José Cacabelos no acto de presentación.

#hoxeenArousaPontevedraDíaaDía

#de12a1430

O alcalde de Vilanova, Gonzalo Durán, mantivo esta mañá unha xuntanza en Santiago coa Conselleira do Mar, Rosa Quintana, para coñecer en qué estado se atopan os expedientes de cesión ao Concello de todas as zonas que non son de uso portuario, como é o caso dos parques e a pasarela do Terrón.

O Concello xa se está facendo cargo do mantenemento de estas zonas e coa cesión incrementaríase o patrimonio municipal, tal como explicaba o alcalde, Gonzalo Durán, tralo encontro coa Conselleira.

#hoxeenArousaPontevedraDíaaDía

#de12a1430

O Grupo Municipal de Cambados Pode promove unha iniciativa para que o Consello Regulador incremente os cupos máximos de producción de uva albariña ata os 15.000 kg por hectárea, en base ás estimacións de colleita, aos stocks das adegas e á calidade da uva de cada tempada.

Como primeiro paso, a formación municipal presenta a moción ante o pleno da corporación de Cambados e posteriormente buscará máis apoios noutros concellos da comarca como Ribadumia ou Meaño.

Cambados Pode entende que co límite de 12.000 kgs establecidos en colleitas record dos anos 2017 e 2018 “moitos viticultores superaron os cupos tendo que deixar nas parras grandes cantidades de uva que acaban nun mercado paralelo a prezos moi baixos ou destinados ao autoconsumo”.

O incremento ata os 15.000 kgs, que xa está recollido no regulamento do Consello, tería un impacto económico de case 6 millons de euros no sector vitivinícola da comarca do Salnés, segundo as estimacións do portavoz do grupo municipal, José Ramón Abal.

#hoxeenArousaPontevedraDíaaDía

#de12a1430

Somos Cambados presenta ás eleccións municipais unha candidatura que conxuga experiencia e renovación e coa que pretende liderar o goberno municipal despóis do 26 de maio.

A formación de esquerdas proponse "consolidar o cambio nos próximos catro anos con persoas moi formadas e representativas de todas as parroquias e de todos os sectores productivos”.

O cabeza de lista, Tino Cordal, destacaba esta mañá, durante a presentación realizada no parque das palmeiras do Paseo da Calzada, que Somos Cambados foi a verdadeira alternativa ao PP hai catro anos e agora volve a ser decisivo para facerlle fronte aos populares”.

Asimesmo, incidía en que foi o grupo municipal que máis acordos de goberno conseguiu para levar a pleno e o que máis mocións presentou ante a corporación.

A candidatura de Somos Cambados está encabeza por Tino Cordal, actual Tenente de Alcalde e responsable das áreas de Servizos Sociais, Sanidade e Terceira Idade.

Natural de Fefiñáns e veciño de Oubiña, é Doutor en Ciencias Políticas e Socioloxía pola Universidade Complutense, Master en Administración Pública pola Universidade de Lovaina (Bélxica), e Profesor da Área de Ciencia Política e da Administración da Universidade de Vigo e Vicedecano da Universidade de Vigo.

Nestes catro anos compaxinou a docencia no campus de Pontevedra e Ourense coa actividade municipal, sendo o único dos candidatos á alcaldía que non percibiu ningún salario pola a súa actividade política.

 

O empresario e actual Concelleiro de Economía e Facenda e Promoción Económica, Xurxo Charlín, mantén o número dous da candidatura.

A número 3 é Carolina Aragunde Laya, natural de Vilariño e veciña de Corvillón. Licenciada en Xornalismo e empresaria.

 Traballou durante 5 anos no Reino Unido en diferentes empresas do ámbito da comunicación, as ventas e a comercialización dixital.

Fernando Rey, natural de Castrelo, é o 4º integrante da candidatura de Somos. Directivo dunha cooperativa vitivinícola e presidente do Club de Atletismo Cambados, na actualidade traballa como axente inmobiliario.

 

Noelia Gómez, veciña de Cambados, ocupa o número 5 de Somos Cambados.

É fundadora e presidenta do Club INNAE Cambados de Taekwondo, cinturón negro Terceiro Dan e árbitro nacional.

Noelia foi a organizadora do Campionato provincial de taekwondo para escolares, celebrado en Cambados hai unhas semanas.

A candidata número 6 é Teresa Piñeiro Morrazo, natural de Corvillón e veciña de Fefiñáns. Representante das mariscadoras na Confraría de pescadores de Cambados e membro do Cabildo.

 

No posto número 7 sitúase Antón Cordal Barreiro, veciño de Cambados e director administrativo dunha empresa depuradora de moluscos en Castrelo. Xa formou parte da anterior candidatura.

 

Silvia Vozza Chazo é a número 8. Veciña de Corvillón é técnica en atención sociosanitaria a domicilio.

A filóloga de Vilariño e profesora do IES Asorei, Inma Castro González, ocupa o noveno lugar da candidatura.

 

E no décimo posto sitúase o profesor de ensino Manuel Fariña, licenciado en Ciencias Políticas e Diplomado en Maxisterio. Colaborador do fútbol base do Club Juventud Cambados e membro de varias asociacións culturais.

#hoxeenArousaPontevedraDíaaDía

#de12a1430

A Illa de Arousa pon en marcha a V edición do Carreirón 10k que terá lugar o domingo 5 de maio, coincidindo co Día da Nai.

O obxetivo principal desta Carreira Popular, organizada pola Fundación Deportiva municipal, é misturar deporte, familia e a natureza do entorno de A Illa de Arousa.

A carrerira absoluta ten un percorrido de 10 km que transcorrerán por O Cabodeiro, O Xufre, O Campelo, O Faro de Punta Cabalo e Area da Secada.

A inscripción, cun límite de 350 participantes, xa está aberta e pódese facer na web www.emesports.es ou durante a primera semana na Fundación o na administración de lotería.

O custe será de 6 euros ata o 21 de abril, e subirá ata os 9 na última semana.

Ademáis haberá trofeos e agasallos para os gañadores e para todos os nenos e nenas participantes e entregaráse un ramo de flores á primeira nai que chegue á meta.

Os detalles nolos contaban a concelleira de deportes, Rosy Viana, e a representante da Fundación Deportiva, acompañadas do alcalde de A Illa, Carlos Iglesias, no acto de presentación da proba.

#hoxeenArousaPontevedraDíaaDía

#de12a1430

O Concello de Cambados e a Asociación Zona Centro están ultimando as actividades que se desenvolverán esta fin de semana no “Desmarket”, unha iniciativa novidosa que dende mañá venres misturara no Salón José Peña comercio, moda e deseño con obradoiros, música en directo e un espazo gastronómico.

O evento será retransmitido en streaming a través da web municipal e, ademáis, poranse á venda 200 bolsas de tea a un prezo de tres euros cuxa recadación irá destinada á Asociación Naiciña en prol da igualdade.

Son as últimas novidades que nos contaba esta mañá o Concelleiro de Promoción Económica, Xurxo Charlín.

#hoxeenArousaPontevedraDíaaDía

#de12a1430

O portavoz do PP de Cambados, Luis Aragunde, tamén se refería esta mañá ao peche definitivo do tráfico no entorno de Fefiñáns anunciado onte polo Concelleiro de Obras e Servizos.

Aragunde aposta polo peche pero cun plan de acción estratéxico, consenso con veciños, hosteleiros e comerciantes e de forma gradual e programada.

#hoxeenArousaPontevedraDíaaDía

#de12a1430

O PP de Cambados está preparando unha renovada candidatura para as eleccións municipais con gran presencia feminina e integrantes implicados na sociedade cambadesa.

Un novo proxecto co que os populares pretenden recuperar a maioría absoluta e volver a gobernar Cambados.

Así o avanzaba esta mañá o candidato á alcaldía Luis Aragunde, que presentou a que será a número dous da lista, a avogada cambadesa Sabela Fole Trigo.

#hoxeenArousaPontevedraDíaaDía

#de12a1430

O Concello de Cambados segue apostando pola igualdade e nesta ocasión faino a través de Obradoiros de Corresponsabilidade no Fogar que se desenvolverán do 9 ao 12 de abril, co fin de modificar os estereotipos dos roles que deben desempeñar homes e mulleres.

Son catro cursos gratuitos de catro horas cada un destinados a mulleres e homes sobre nocións básicas de mecánica, electricidade, fontanería e cociña, que serán impartidos por especialistas en cada unha das materias.

En cada un deles poden participar 25 persoas que poden inscribirse dende xa na Concellería de Igualdade.

Os motivos e contidos destes Obradoiros de Corresponsabilidade no Fogar nolos contaban esta mañá a alcaldesa, Fátima Abal, e a técnica de igualdade, Mónica Novas.

#hoxeenArousaPontevedraDíaaDía

#de12a1430

O grupo municipal de Somos Cambados comezou esta mañá unha nova recollida de sinaturas en contra do novo peche do centro de saúde polas tardes durante Semana Santa.

Ademáis, con esta nova campaña reclaman ao Sergas a mellora dos servizos que se prestan no ambulatorio cambadés.

I é que, segundo explica o Concelleiro de Servizos Sociais, Tino Cordal, o servizo de pediatría queda con dous especialistas trala xubilación dun deles cuxa sustitución o Sergas non preveu.

Ademáis, indica, tampouco se cubren as baixas en atención primaria alongando os días de espera nas citas.

En principio, a recollida de sinaturas desenvolverase todos os mércores pero xa están barallando en repetila durante os sábados, tal como nos comentaba esta mañá o Concelleiro de Servizos Sociais, Tino Cordal.