#hoxeenArousaPontevedraDíaaDía

#de12a1430

A Xunta financiará nun 80% a adquisición por parte do Concello de Vilanova dos dous baixos de As Sinas incautados aos Charlíns que o goberno local quere destinar a usos municipais.

Os dous inmobles saen a venta por 110.000 euros ive incluido e a intención do executivo municipal é trasladar alí o arquivo municipal, actualmente ubicado nunha planta da praza de abastos.

Este traslado permitirá, ao tempo, levar a cabo unha posterior reforma do mercado que o Concello xa ten en mente.

Ademáis, nos baixos de As Sinas tamén se creará unha zona para ubicar a maquinaria de limpeza de praias e outro espazo que será destinado a un uso social.

Os detalles nolos contaban esta mañá o alcalde, Gonzalo Durán, e o Vicepresidente da Xunta, Alfonso Rueda, que quixo coñecer persoalmente os inmobles.

#elecciónsxerais28a

Os candidatos socialistas ao Senado Daniel Chenlo e Margarita Adrio fixeron campaña esta mañá en Caldas para as eleccións xerais.

Acompañados polo alcalde e candidato ás municipais, Juan Manuel Rey, visitaron o mercado da vila destacando as políticas progresistas do goberno de Pedro Sanchez.

Pola súa banda, Juan Manuel Rey sinalaba que Caldas é o único municipio que conseguiu rematar a lexislatura con débeda cero.

#elecciónsxerais28a

En Marea comprométese a traballar para dignificar e mellorar as condicións do conxunto de traballadoras do mar.

O voceiro, Luís Villares, e as candidatas ao Congreso e ao Senado por Pontevedra, Iris Malvido e Mari Camiña, visitaron este venres Vilanova xunto a Elena Cores, membro da Coordinadora de En Marea e concelleira nese municipio.

Tras conversar no mercado con distintos autónomos e comerciantes, os representantes da formación achegáronse ata o porto para amosar o seu compromiso coa xente do mar.

#hoxeenArousaPontevedraDíaaDía

#de12a1430

O Porto de Vilanova conta dende hoxe cunha nova gasolineira que dará servizo a embarcacións profesionais e deportivas.

A nova estación de servizo inagurouse hoxe e o seu propietario Pedro Barros contábanos os detalles.

#hoxeenArousaPontevedraDíaaDía

#de12a1430

O Concello de Vilanova procede á renovación dos equipos do Centro de Proceso de Datos da rede Wifi municipal.

I é que tras once anos de implantación do servizo o aumento ata os 16.000 usuarios fai necesario o cambio, que xa está en fase de contratación para que as empresas presenten as súas ofertas.

A adquisición sae a licitación por 70.000 euros e inclue dous servidores, unha cabina de almacenamento e un sistema de copia de seguridade.

Os novos equipos aumentarán a memoria de 16 gigas a 256, terán capacidade de almacenamento dez veces maior e o sistema será un 120 por cento mái potente que o actual.

Así o decían esta mañá o alcalde de Vilanova, Gonzalo Durán e o técnico do Centro de Proceso de Datos, Francisco Sánchez.

#hoxeenArousaPontevedraDíaaDía

#de12a1430

Os taxistas de Cambados e o Concello colaboran nunha iniciativa para velar pola seguridade dos usuarios deste transporte público.

No servizo que así llo indique o cliente, o taxista manterá un tempo de espera ata que o usuario se introduza no seu punto de destino, evitando que teña que quedar só na rúa, sobre todo en zonas peonís ou alonxadas da vía pública.

A iniciativa forma parte do Plan de Renovación dos taxis do municipio que incorpora vehículos para minusválidos, de sete prazas e eléctricos.

Nolo contaban esta mañá a alcaldesa, Fátima Abal, e o Presidente dos Taxistas de Cambados, Francisco Sierpein.

#elecciónsmunicipais26m

Marea da Vila lamenta que a Xunta de Galicia faga do novo Plan de Transporte unha oportunidade perdida para a vertebración da comarca ao non ter en conta a moción aprobada no pleno da corporación de Vilagarcía.

A candidata de Marea da Vila, María de la O Fernández, considera que “a suba de prezos formulada pola Xunta non se corresponde coa realidade social e co feito de que a calidade do servizo baixe, ou a necesidade de potenciar a Estación de Autobuses de Vilagarcía favorecendo a implantación da intermodalidade”.

“Parécenos especialmente grave que na actualidade os percorridos internos por Vilagarcía están en 1,20€ e no Plan da Xunta se elevan a 1,50€. Isto supón un prexuízo para as persoas usuarias que só se poderá evitar con esforzos por parte das administracións locais a través da subvención de abonos, o que volve a cargar nas arcas municipais responsabilidades que debían ser da Xunta”.

Ademáis sinala que “se queremos un transporte público que sexa unha alternativa real ao vehículo privado ten que responder aos hábitos de desprazamento das persoas usuarias tanto en frecuencias como en rutas, algo no que retrocede o novo Plan de Transporte da Xunta, pero tamén á realidade económica dunha sociedade moito máis vulnerable froito dunha mal chamada crise económica”.

#elecciónsxerais28a

O BNG reivindicará dende o Congreso unha liña de tren de proximidade en Galicia.

Unha proposta que anunciaba esta mañá na estación de ferrocaril de Vilagarcía a cabeza de lista do BNG pola provincia de Pontevedra, Carme da Silva, acompañada da deputada galega Montse Prado, e da candidata á alcaldía de Vilagarcía, Lucía César Veloso.

#hoxeenArousaPontevedraDíaaDía

#de12a1430

O sindicato CIG promove unha Iniciativa Lexislativa Popular para a xestión pública dos aproveitamentos hidroeléctricos de Galicia.

Para elo, a central nacionalista inicia unha recollida de sinaturas, que se levará a cabo durante este mes de abril, co fin de conseguir as 10.000 rúbricas que permitan a presentación da Iniciativa no Parlamento de Galicia.

O obxectivo é o retorno dos recursos enerxéticos e saltos hidráulicos na medida en que vaian rematando as concesións, coa participación directa da Xunta ou a través de empresas mixtas, tal como explicaba esta mañá o secretario comarcal da CIG, Xoan Xosé Bouzas Aboi.

#hoxeenArousaPontevedraDíaaDía

#de12a1430

O Concello de Cambados prepara para esta Semana Santa un ciclo de catas comentadas do 16 ao 21 de abril, co fin de poñer en valor e dinamizar o Museo do Viño.

Baixo o nome de “Apaixónate”, nun guiño á Semana Santa, un total de 8 adegas, Martín Codax, Terras de Asorey, Don Olegario, Paco&Lola, Lagar de Costa, El Secreto de Candela, Just B Wines e Anónimas Viticulturas, estarán presentes nesta iniciativa.

A participación é gratuita cun aforo de 20 persoas e as inscripcións poden realizarse a partir de mañá a través da oficina de Turismo de Cambados.

Os detalles nolos explicaban o Concelleiro de Enoturismo, José Ramón Abal, e o responsable da empresa Enoturismo Rías Baixas, Jacobo Aragunde, acompañados de parte das adegas.