#hoxeenArousaPontevedraDíaaDía

#de12a1430

O Campo de A Bouza en Barrantes acollerá mañá primeiro de maio un orixinal e solidario encontro deportivo.

Será un partido de fútbol que se xogará ás 11.30 horas entre políticos e membros da Garda Civil co fin de recadar fondos para a Asociación de Axuda a nenos Oncolóxicos de Galicia.

O donativo de acceso ao partido é de dous euros.

Unha iniciativa promovida dende o Concello de Ribadumia coa colaboración da Mancomunidade do Salnés e a Garda Civil para visibilizar o traballo deste colectivo, tal como indicaba o alcalde, David Castro, na presentación do evento.

#hoxeenArousaPontevedraDíaaDía

#de12a1430

Vilagarcía estrea a cuarta edición do "Ágora Vermú", o ciclo de concertos matutinos ao aire libre que enche os domingos de música na vila.

Este ciclo de concertos organizado pola Concellería de Cultura comezará o domingo 12 de maio coa actuación de Mad Mission ás 13 horas na Praza da Liberdade de Carril.

Este ano, os concertos continúan percorrendo diferentes parroquias da Vila, e, ademáis da céntrica Rúa Valentín Viqueira e a Praza de Ravella, tamén se repetirán actuacións na Praza de Rafael Pazos en Vilaxoán, na Praza da Liberdade de Carril e no Piñeiriño. Asimesmo, nesta ocasión, os concertos chegan por primera vez ao Parque da Coca e ao Parque Dr. Carús de Trabanca Badiña.

A Mad Mission, seguiranlle Moon Cresta, Cachas and Cousins, Flip Corale y los Macabros, Boyanka Kostova, Best Boy e Plazoleta.

Así o explicaba está maña a Concelleira de Cultura, Sonia Outón, xunto co alcalde Alberto Varela, acompañados do grupo vilagarcián Plazoleta que pechará o 23 de xuño este novo "Agora Vermú".

#hoxeenArousaPontevedraDíaaDía

#de12a1430

Vilanova volve a converterse un ano máis, e xa van once, na capital da francofonía.

Un total de 1.600 xóvenes de 19 institutos de toda Galicia participarán dende o luns 6 de maio ao xoves 9 en numerosas actividades organizadas para que os estudantes se sumerxan durante eses días na cultura e língua francesas.

Ademáis, como novidade, este ano o evento retransmitirase a través de internet.

Así o sinalaba na presentación do Festival da Francofonía o alcalde de Vilanova, Gonzalo Durán, que tamén resaltaba a capacidade de promoción do municipio que ten este evento.

#hoxeenArousaPontevedraDíaaDía

#de12a1430

O Concello de Cambados ten preparado un amplo programa de Igualdade que se desenvolverá durante os meses de maio e xuño.

Serán actividades contra a violencia de xénero, obradoiros de empoderamento feminino e de xogos en igualdade, charlas de sensibilización destinadas á Educación Primaria e formación sobre a Diversidade en centros de secundaria.

Os detalles nolos explicaba esta mañá a alcaldesa de Cambados, Fátima Abal, na presentación do programa.

#hoxeenArousaPontevedraDíaaDía

#de12a1430

O alcalde de Sanxenxo, Telmo Martín, fixo balance esta mañá das actuacións e proxectos postos en marcha dende que hai dous anos chegou a alcaldía.

Foron un total de 119 actuacións que superan os 25 millóns de euros aportados polas diferentes administracións.

Un balance co que, segundo Telmo Martín, se lle deu volta en positivo á lexisltura e que lle permite manterse confiado cara ás eleccións municipais do 26 de maio.

#hoxeenArousaPontevedraDíaaDía

#de12a1430

Reaccións en Arousa tralos resultados das eleccións xerais.

Dende Vilanova, o alcalde popular Gonzalo Durán chamaba ao seu partido á reflexión para “deixarse de fracturas e de tentar parecerse a algo que non é o PP”.

Neste sentido, considera que durante a campaña electoral "déronse plantexamentos de hai 50 años, houbo determinados temas nos que non se debeu entrar e eso acabou castigando ao PP".

Considera, en todo caso, que o golpe electoral non afectará ao PP da comarca nas municipais.

#hoxeenArousaPontevedraDíaaDía

#de12a1430

O Concello de Vilanova prevé novas excavacións no Castro de Calágo que se realizarían nos meses de xuño e setembro, segundo os cálculos do alcalde, Gonzalo Durán.

Unha nova fase dos traballos arqueolóxicos que se dividirá en dúas campañas: a primeira, máis breve, para excavar a tumba que apareceu na anterior actuación, e unha segunda, no mes de setembro que estará destinada a consolidar as estructuras atopadas o pasado verán para que poidan ser visitadas.

O alcalde de Vilanova, Gonzalo Durán agarda que estas novas excavacións dean os seus froitos para atopar a necrópole e o Monasterio de Cálago, ademáis de servir de aprendizaxe para os escolares sobre a historia da vila, que se remonta a máis de 2.400 anos.

#hoxeenArousaPontevedraDíaaDía

#de12a1430

As “Catas Clandestinas” organizadas por Catorce Electrodomésticos, de Cambados, e o Restaurante Villa Rolendis, de O Grove, empezan este xoves 2 de maio a súa segunda edición.

A adega Martín Codax será a primeira en presentar os seus viños coa maridaxe que elaborará o restaurante grovense.

Ademáis, este ano as Catas teñen unha vertente solidaria e destinarán o recadado coas inscripcións á diversas organizacións benéficas.

Os organizadores agardan reunir 4.000 euros no caso de que se cubran todas as prazas previstas en cada unha das citas.

Para coñecer todos os detalles falamos esta mañá cun dos organizadores, o responsable de Catorce Electrodomésticos, Carlos Piñeiro.

#hoxeenArousaPontevedraDíaaDía

#de12a1430

O aumento de persoas maiores con graos de dependencia obriga ao Concello de Vilanova á contratación dunha empresa de Axuda no Fogar que complemente ás traballadoras municipais.

O valor estimado do contrato ascende a 641.538,46 euros máis ive.

Dada a necesidade inminente do inicio da prestación do servizo, a Xunta de Goberno Local acordou aprobar o expediente de licitación con tramitación urxente en procedemento aberto

Os motivos nolos contaba a Concelleira de Servizos Sociais, Ana Carballa.

#hoxeenArousaPontevedraDíaaDía

#de12a1430

Ribadumia celebrará en xuño o II Mes da Diversidade, cunha ampla programación organizada pola Concellería de Servizos Sociais, en colaboración cos centros educativos do municipio e a Asociación Gotas.

Dende o 10 de xuño, día inaugural coa colocación da bandeira LGTBI no balcón da casa consistorial, irán sucedéndose numerosas actividades: exposicións, cine e obradoiros afectivo sexuais.

O día central será o 22 de xuño coa celebración da Festa da Diversidade.

Os motivos de todo elo nolos contaba o alcalde de Ribadumia, David Castro, na presentación da iniciativa, acompañado dos representantes dos colectivos colaboradores.