#hoxeenArousaPontevedraDíaaDía

#de12a1430

O Concello de Cambados pon en marcha unha orixinal iniciativa para este sábado 16 de marzo, organizada polo Obradoiro de Monitor de Tempo libre, en colaboración co de Novas Tecnoloxías.

“Rastrexos Cambados” é o nome dunha Andaina pola Senda A Pastora-Umia, con nove probas que os participantes teñen que ir superando nun tempo cronometrado ao longo dos tres kilómetros do pecorrido.

Desenvolverase de 11 a 13.30 horas e está destinada ás familias, con menores de entre 8 e 13 anos, co fin de fomentar as actividades ao aire libre e educar en valores medioambientais e o respeto ao patrimonio municipal.

A Andaina partirá da Capela de A Pastora que, precisamente, foi obxecto de actos vandálicos nos últimos días mediante pintadas realizadas presuntamente por xóvenes.

A iniciativa foi presentada esta mañá polo Concelleiro de Emprego, Xurxo Charlín, e as responsables do Obradoiro de Tempo Libre, Raisa Charlín e Eva Castro.

#hoxeenArousaPontevedraDíaaDía

#de12a1430

O Partido Popular provincial critica a campaña da Deputación de Pontevedra “Construíndo a Provincia, Construíndo O Salnés”, reflexada nun cartel publicitario no que, segundo os populares, se anuncian obras do Plan Concellos que todavía non están executadas nin, nalgúns casos, contratadas.

Os deputados provinciais do PP, Angel Moldes, Luis Aragunde e Salomé Peña, denunciaban esta mañá en Cambados varias desas actuacións correspondentes aos Concellos de Cambados, O Grove e Ribadumia.

Concretamente, no primeiro caso encóntranse as obras anunciadas das Rúas Ourense e Pontevedra, o peche do colexio de Corvillón e as pistas de tenis de O Pombal.

No Grove, os populares denuncian a inclusión no cartel do proxecto de desdoblamento da Avenida Beiramar, o novo Auditorio, obras de accesibilidade na Casa de Cultura, Bibilioteca e Colexio de Rosalía de Castro, ademáis da cuberta do Edificio de Usos Náuticos.

Por último, en Ribadumia as actuacións son as correspondentes á mellora da seguridade viaria entre Os Castaños e Barrantes e a Pousada.

#hoxeenArousaPontevedraDíaaDía

#de12a1430

Vilagarcía volverá a ser escenario dos Xogos Autonómicos de Deportes Minoritarios para persoas con discapacidade intelectual.

O pabellón de Fexdega acollerá este sábado a competición organizada por Special Olympics Galicia en colaboración co Concello de Vilagarcía e promovida pola Asociación Con Eles.

Un total de 212 deportistas con discapacidade intelectual competirán en xogos individuais e colectivos dende as 10.45 horas ata a clausura que terá lugar ás 19 horas.

Estarán apoiados en todo momento por 60 adestradores e 70 voluntarios nun proxecto que une ás familias e que incrementa a súa participación cada ano.

Así o explicaba esta mañá o presidente de Special Olympics Galicia, Eladio Fernández, durante a presentación dos Xogos, acompañado do alcalde de Vilagarcía, Alberto Varela, a deputada provincial Digna Rivas e o vicepresidente de Con Eles, Xosé Luis Queiruga.

#hoxeenArousaPontevedraDíaaDía

#de12a1430

O Concello de Vilagarcía e o Coworking Dalle que Dalle poñen en marcha a quinta edición do programa “Emprende VGA”.

O proxecto, que se realizará do 22 de marzo ao 23 de maio, ofrece a oportunidade de formación e creación de negocios a emprendedores locais con 15 cursos sobre o desenvolvemento dunha empresa, mentorizacións e titorías individuais.

Este ano hai 15 prazas para proxectos de negocio pero ademáis outras 20 para persoas que desexen participan nos cursos.

A incripción xa está aberta na web [email protected] ou no teléfono 986188467.

Tanto o Concello como as organizadoras do proxecto animan á participación en vista dos resultados obtidos nas catro edicións anteriores.

#hoxeenArousaPontevedraDíaaDía

#de12a1430

O Concello de Vilagarcía disponse a actuar na Rúa O Freixo, en Vilaxoán, cun proxecto que suporá o ensanchamento da rúa, a renovación do saneamento e a creación de beirarrúas.

A actuación será posible trala compra á empresa Coimba dunha parcela de 551 metros cadrados por importe de 15.000 euros, que se incluirán nos orzamentos deste ano.

O proxecto redactarase de inmediato para atender así a unha demanda dos veciños do entorno, tal explicaba o alcalde, Alberto Varela.

#hoxeenArousaPontevedraDíaaDía

#de12a1430

O Centro de A Merced en Cambados estrea Aula de Informática, con equipos actualizados e velocidade de navegación de 300 megas.

A actuación, promovida polo Concello, foi realizada polos alumnos do Obradoiro Emprende Xoven, que tamén executaron outras melloras nos diferentes centros culturais das distintas parroquias, así como na Biblioteca Luis Rey.

A nova aula de A Merced dispón de 4 ordenadores reacondicionados polos alumnos e unha rede actualizada de fibra óptica de 300 megas.

Estará aberta en horario de mañá para que calqueira persoa poda acceder a internet e realizar as súas consultas.

Os detalles nolos contaba esta mañá o docente de Informática do Obradoiro, Rubén Cornes, durante unha visita o Centro de A Merced, acompañado do Concelleiro de Promoción Económica, Xurxo Charlín, que non deu declaracións en cumprimento da Lei Electoral.

#hoxeenArousaPontevedraDíaaDía

#de12a1430

O Concello de Vilagarcía súmase a outros concellos e entidades da comarca e tamén presenta alegacións ao Plan de Transporte da Xunta que entrará en vigor o vindeiro ano.

O alcalde Alberto Varela e a Concelleira de Urbanismo, Paola María, argumentaban esta mañá os motivos das súas reclamacións a un proxecto que califican de decepcionante para Vilagarcía e para a comarca.

Aseguran que o plan da Xunta “incumple os seus propios obxectivos e resulta totalmente lesiva para os cidadáns e para o desenvolvemento de toda a zona”.

#hoxeenArousaPontevedraDíaaDía

#de12a1430

O Grupo Parlamentario do BNG presentou na Cámara Galega unha Proposición non de lei instando á Xunta a que convoque un novo concurso para o Servizo de Transporte Sanitario Urxente Terrestre que a Fundación Pública que dote á comarca do Salnés dunha ambulancia de soporte vital avanzado de xeito permanente.

A formación nacionalista considera imprescindible non seguir poñendo en risco a saúde e vida d@s veciñ@s da comarca, tal como explicaba esta mañá a deputada Montse Prado.

#hoxeenArousaPontevedraDíaaDía

#de12a1430

O comercio de Cambados fai unha nova aposta para tentar ser un referente do sector na comarca mediante unha iniciativa novidosa baixo a denominación de “Desmarket”.

Está promovida pola Asociación Zona Centro e o Concello e celebrarase do 29 ao 31 de marzo no Salón Peña e trata de “desmarcarse” do tradicional, de ahí o seu nome.

Trátase dun multiespazo de diferentes disciplinas de comercio, moda e deseño, que dará cabida a deseñadores e artesáns emerxentes, zona gastronómica, música en directo e obradoiros.

De momento hai 20 establecementos locais inscritos e o prazo sigue aberto.

Os detalles nolos contaban esta mañá Bárbara Abal, da empresa organizadora, Nordelaina, e o Concelleiro de Comercio, Xurxo Charlín, acompañados do Presidente de Zona Centro, Juan Rey, na presentación do evento.

#hoxeenArousaPontevedraDíaaDía

#de12a1430

As prazas de abastos de Sanxenxo, Vilanova e O Grove dan o salto a internet a través dunha páxina web de venda on line de todos os productos que se encontran nos mercados.

Trátase dunha iniciativa conxunta entre catorce prazas de toda Galicia a través dun convenio entre a Federación Galega de Prazas de Abastos e a Xunta de Galicia, no que se investiron 150.000 euros.

O sistema permite a compra on line e recibir o pedido en calquera parte de España en 24 horas con sete euros por gastos de envío.

Os detalles nolos contaban esta mañá o presidente da Praza de Abastos de Portonovo, Egidio Barral, e a Directora Xeral de Comercio da Xunta, Sol Vazquez, na presentación da nova web.