#hoxeenArousaPontevedraDíaaDía

#de12a1430

Finalmente a corporación municipal de Cambados non celebrará o pleno extraordinario solicitado polo PP para que a alcaldesa Fátima Abal explicara as supostas vinculacións do seu home cunha empresa relacionada presuntamente co contrabando.

Así o decidiu a rexedora tras analizar as conclusións dun informe elaborado polo Presidente de secretarios e interventores da provincia de Pontevedra e vicesecretario da Diputación.

Nese documento, segundo Fátima Abal, indícase que a convocatoria sería ilegal e “de celebrarse incorreríase nunha ilegalidade, posto que os plenos son un órgano de control e fiscalización ao grupo de goberno, e neste caso a motivación non é esa”.

O informe sinala que o control que pretende exercer o PP non procede porque non fiscaliza a actuación do cargo de alcaldesa ao fronte do Concello.

Resalta, neste aspecto que “unha cousa é controlar a acción de goberno e outra a vida privada dos titulares dos órganos de goberno, desconectada da anterior, ao non dirixirse, senon tanxencialmente, á propia rexedora senon aos seus familiares, e ao centrarse en exclusiva sobre valoracións de índole penal ou sancionable administrativamente”

Explicacións que argumentaba deste xeito esta mañá a alcaldesa Fátima Abal.

#hoxeenArousaPontevedraDíaaDía

#de12a1430

O Concello de Vilanova comeza a mellora da iluminación pública nas parroquias coa instalación de bombillas Led en cincuenta puntos lumínicos, cun investimento de 15.000 euros.

A medida suporá un aforro enerxético dun 40% e prevese que quede completada en dous anos, tal como nos explicaba esta mañá o alcalde, Gonzalo Durán.

#hoxeenArousaPontevedraDíaaDía

#de12a1430

O Club de Xubilados converterase nun Centro Social Interxeneracional cando dentro de mes e medio estean rematadas as obras de reforma que se están realizando nas instalacións.

Un proxecto de conciliación entre os maiores e os máis novos que o Concello pretende extender ás parroquias.

Así o avanzaban esta mañá o alcalde, Gonzalo Durán, e o Xerente do Consorcio Galego de Benestar Social, Perfecto Rodríguez, durante unha visita aos traballos.

#hoxeenArousaPontevedraDíaaDía

#de12a1430

O Partido Popular de Cambados lanza unha proposta para recuperar os grandes concertos do Albariño contratando artistas de importante relevancia no eido musical.

O portavoz da formación, Luis Aragunde, presentou esta mañá unha selección de dez grupos como Gente de Zona, Morat, Juanes, Carlos Baute, Bustamante, Chenoa ou The Pretenders con cuxos representantes o grupo popular municipal asegurou que xa mantivo contactos.

De estar gobernando, Aragunde contrataría a catro deles co obxectivo de revitalizar o Albariño, promover a economía local durante eses días e non deixar que outros concellos como Sanxenxo lle leve a dianteira a Cambados.

Así o decía esta mañá o portavoz do PP, Luis Aragunde, pensando xa nos posibles resultados das eleccións municipais de maio.

#hoxeenArousaPontevedraDíaaDía

#de12a1430

O Grupo Municipal de Somos Cambados presentará alegacións ao anteproxecto do Plan de Transporte de Viaxeiros por Estrada, elaborado pola Xunta de Galicia e que actualmente está en exposición pública.

Ademáis tamén trasladará as súas reclamacións ao grupo de En Marea no Parlamento de Galicia.

Somos Cambados considera que a vila do albariño queda desamparada e ao marxe da proposta da Xunta, tal como afirmaban esta mañá Tino Cordal e Xurxo Charlín.

Os concelleiros de Somos entenden que Cambados debería integrarse na liña que o Plan da Xunta establece entre O Grove-Sanxenxo e Vigo, incrementando ao tempo deste xeito os usuarios da mesma a priori deficitaria económicamente.

Asimesmo, lamentan que a vila do albariño non conte cunha liña circular polas parroquias como sí vai ser o caso de O Grove e creen que neste caso Cambados tamén sae perxudicado ao ter que facer uso dos escasos servizos de transporte escolar.

Os concelleiros de Somos animan ao resto de grupos da comarca a presentar as súas propias alegacións ao Plan de Transporte da Xunta que divide ao Salnés en tres áreas: Sanxenxo-O Grove-Poio, Cambados-Meaño e Vilagarcía-Vilanova-Catoira.

#hoxeenArousaPontevedraDíaaDía

#de12a1430

Portos de Galicia está a realizar diferentes actuacións de mantemento nos peiraos de Tragove, O Xufre, Vilaxoán e Vilanova.

Trátase de renovacións da madeira dos pantaláns, das barandas de seguridade e escaleiras e reparacións eléctricas e de elementos de amarre.

A intervención de maior calado será a que a partir do luns se inicie nos pantaláns de terceira lista do porto de O Xufre, na Illa de Arousa, por importe de 40.000 euros.

En todo caso, dende Portos de Galicia o seu presidente, José Juan Durán, fai un chamamento aos titulares das concesións dos portos para que asuman as súas obrigas sobre o mantemento dos espazos portuarios que, finalmente, redundan na seguridade dos mesmos.

#hoxeenArousaPontevedraDíaaDía

#de12a1430

O goberno local proxecta unha nova actuación no colexio de Corvillón para executar un peche exterior.

Nolo anunciaba esta mañá o Concelleiro de Servizos Sociais, Tino Cordal, ao tempo que lembraba as obras feitas polo cuatripartito neste centro educativo ao longo da lexislatura: o parque infantil, vallados, aillamento da porta do ximnasio ou a eliminación do trafico pesado do entorno.

#hoxeenArousaPontevedraDíaaDía

#de12a1430

Os escolares de Cambados participan nas Xornadas de Alimentación Saudable “Come Ben Medra Mellor” que organiza o Obradoiro de Emprego de Garantía Xuvenil do Concello para inculcar aos máis pequenos bos hábitos a través de xogos.

A iniciativa xa tivo lugar no colexio de San Tomé, hoxe tocoulle a quenda ao de Corvillón e extenderase polos demáis centros educativos.

Os detalles nolos contaba esta mañá Raisa Charlín na Xornada celebrada no colexio de Corvillón, acompañada do Concelleiro de Servizos Sociais, Tino Cordal.

#hoxeenArousaPontevedraDíaaDía

#de12a1430

O Concello de Cambados está a mellorar a seguridade viaria en tres camiños das parroquias de Vilariño e Castrelo, concretamente en Samieiro, Sartaxes e o Facho.

A actuación, executada a través do Plan Concellos por importe de 35.000 euros, permite a ampliación dos camiños ata conseguir un máximo de oito metros grazas ás cesións veciñais.

Ademáis, en Samieiro tamén se leva a cabo a instalación de iluminación pública, tal como nos conta o Concelleiro de Obras e Servizos, José Ramón abal.

#hoxeenArousaPontevedraDíaaDía

#de12a1430

A celebración de San Valentín chega a Cambados cunha iniciativa novidosa, organizada por Zona Centro e o Concello.

A campaña dos namorados trata este ano de incentivar o comercio local durante o mes de febreiro a través das redes sociais e concertos de grupos locais.

Os participantes deberán fotografarse coa súa parella nos tres photocalls, elaborados polo Obradoiro de Cambados, distribuidos en tres zonas do casco histórico, nas prazas do Concello, Asorey e Alfredo Brañas.

Despóis só hai que subila as redes sociais co hastag #cambadosnamora.

A fotografía máis votada en Facebook, Twiter ou Instagram gañará un pack romántico e a segunda unha cea para dous.

A iniciativa complétase cos concertos románticos que se celebrarán do 15 ao 17 de febreiro en diferentes prazas de Cambados, con Take it Easy, The Velvet Crab, The Artrosic Monkeys e Pauliña.

Os detalles nolos contaban esta mañá o Concelleiro de Promoción Económica, Xurxo Charlín, e o Presidente de Zona Centro, Juan Rey.