#hoxeenArousaPontevedraDíaaDía

#de12a1430

O Centro de Información á Muller de O Salnés ten elaborada toda a programación para a conmemoración do 8 de Marzo.

Ademáis das actividades nos centros educativos durante o curso, o CIM prepara para todo este mes de febreiro un taller de autoestima destinado a mulleres que terá lugar nos catro concellos integrados.

No mes de marzo serán diversas as actividades adicadas ao emprendemento feminino, como o “III Fast Dates entre Mulleres” que terá lugar o 7 de marzo no edificio de Exposalnés ou os “Almorzos de Emprendemento Feminino” en cada un dos municipios asociados.

Xa o 8M conmemoraráse o Día da Muller Traballadora coa lectura do Manifesto ás 12 horas, na Praza do Concello de Cambados, no colexio Julio Camba de Vilanova, no CPI Xulia Becerra Malvar de Ribadumia e en Meis.

Para rematar o mes de marzo, o día 28 en Ribadumia terá lugar o Simposio Igualdade sen Fronteiras onde mulleres de diferentes países explicarán a realidade da Igualdade noutras partes do mundo.

Unha completa programación que presentaban esta mañá a técnica do CIM, Mónica Novas, acompañada de representantes municipiais dos concellos integrados e da Mancomunidade do Salnés.

#hoxeenArousaPontevedraDíaaDía

#de12a1430

O Concello de O Grove ten xa a cesión da parcela provincial que permitirá a construcción do Centro Social para a Terceira Idade de Reboredo, en San Vicente.

O alcalde, José Antonio Cacabelos e a presidenta da Deputación, Carmela Silva asinaron esta mañá o convenio que ratifica o traspaso a titularidade municipal dun terreo de 163 metros cadrados expropiado hai varios anos pero que finalmente non foi utilizado.

Agor o Concello sumará esta parcela ao terreo cedido tamén por unha familia do municipio para poder construir o Centro Social nun proxecto que saldrá en breve a licitación e no que o goberno municipal investirá 90.000 euros financiados en parte con fondos provinciais.

Ademáis, o alcalde tamén anunciaba trala sinatura do convenio que o futuro Auditorio Municipal de Monte da Vila someterase de novo a proceso de licitación o vindeiro luns tras a correspondente aprobación en Xunta de Goberno,

#hoxeenArousaPontevedraDíaaDía

#de12a1430

O entroido de Cambados queimará o polémico VAR que tanta confusión está a xerar no mundo do fútbol.

A Concellería de Cultura que dirixe Victor Caamaño ten xa preparado o programa das festas máis divertidas do ano, o Entroido, que este ano recae máis tarde e celebrarase do venres día 1 ao mércores 6 de marzo.

Os técnicos de cultura xunto cos alumnos do obradoiro de emprego serán os encargados de realizar a representación do VAR que será queimado xunto coa sardiña no remate das festas cunha cerimonia oficiada pola actriz Isabel Risco a partir das 19 horas.

Ademáis, como novidade este ano, o desfile de carrozas que se celebrará o domingo 3 de marzo, se o tempo o permite, mudará o seu itinerario e terá un percorrido similar á cabalgata de Reis.

De tal xeito, sairá ás 17 horas da Escalinata de San Tomé, pasando pola Avenida de Galicia, Praza do Concello, Avenida de Madrid e rematando por primeira vez na Praza de Fefiñáns.

O resto da programación será a habitual. O pistoletazo de saída será o venres as 22:30 horas na Praza de Alfredo Brañas, coa adaptación cambadesa en clave de humor do coñecido programa de televisión "A túa cara soame"

Xa o luns de entroido será o turno dos máis pequenos co baile infantil e o concurso de disfraces. Ademáis, tamén se celebrará o tradicional concurso de filloas. Todo elo desenvolveráse no Salón Peña dende as 17:00 horas.

O martes de entroido Cambados acolle na Praza de Alfredo Brañas o gran concurso de disfraces de adultos e o concurso de comparsas, que nesta edición, incrementa a cantidade dos premios que, desta volta, serán abonados en vales compra do comercio local.

No caso de choiva, as actividades trasladaránse ao Salón Peña, agás o desfile de carrozas que mudaría ao martes ou, se fora necesario, ao seguinte sábado.

Os detalles deste entroido cambadés explicábaos esta mañá o concelleiro de Cultura, Victor Caamaño.

#hoxeenArousaPontevedraDíaaDía

#de12a1430

O "Destapa Vilagarcía", o concurso de tapas organizado por Ahituvi regresa o próximo venres día 15 de febreiro.

Nesta ocasión, serán 14 hosteleiros da cidade os que ofrezan as súas propostas gastronómicas ata o 24 de febreiro a un prezo de 2,50 euros. Se se acompaña de cervexa serán 3,50 euros e con viño 4 euros.

O luns, martes e mércores non haberá ruta pero o xoves terá lugar o Día do Tapeador con descontos.

A novidade desta IX edición será a colaboración do concesionario Vepersa que suma aos tradicionais premios do concurso a cesión durante unha fin de semana dun Audi Qw ou dun Volkswagen T-Roc, unha tostadora Volkswagen e unha caixa isotermo Audi.

A maiores estarán os premios habituais , 3 de 100 euros en metálico, 2 lotes de albariño Eidosela e 2 lotes de mencia Campaza.

Como en cada edición, a iniciativa comezará co habitual concurso de tiraxe de cañas e xa pola tarde os clientes terán a súa disposición os platos elaborados.

Así nolo contaba o presidente de Ahituvi, Richard Santamaría, na presentación do evento, acompañado do alcalde, Alberto Varela.

#hoxeenArousaPontevedraDíaaDía

#de12a1430

O Concello de Vilanova quere acondicionar para o uso veciñal e de visitantes a fachada marítima da praia de As Sinas.

Para elo, a vindeira semana iniciará unha actuación co fin de construir unha senda de madeira e zahorra ao longo duns 250 metros do areal coa instalación dunhas escaleiras de acceso.

O proxecto, que conta coa aprobación de Costas, suporá un investimento duns 50.000 euros financiados a través do Plan Concellos da Deputación e agárdase que esté rematado antes de Semana Santa.

O pequeno paseo servirá, ademáis, para unir a praia de A Braña, que o goberno municipal pretende rexenerar coa aportación de area, co barrio de San Pedro, tal como nos explicou esta mañá o alcalde Gonzalo Durán na presentación do proxecto.

#hoxeenArousaPontevedraDíaaDía

#de12a1430

As obras de humanización da Rúa Progreso avanzan a bo ritmo e segundo os prazos previstos.

Así o confirmaba esta mañá, durante unha visita ás mesmas, o alcalde Telmo Martín.

O rexedor tamén reafirmaba que a intención é que os traballos queden listos para a tempada de verán.

#hoxeenArousaPontevedraDíaaDía

#de12a1430

O Concello de Cambados cumple a petición dos hosteleiros do entorno de Fefiñáns e instala indicadores informativos da situación dos aparcadoiros públicos e gratuitos próximos ao casco histórico.

Concretamente, colocáronse catro carteis nas entradas de Cambados pola Avenida de Vilariño e a Avenida de Vilagarcía, así como dúas frechas de dirección nos entronques coa variante de O Salnés.

Ademáis da nova sinalización, ampliouse o horario de carga e descarga na Praza de Fefiñáns en dúas horas pola tarde e prevese a implantación dunha zona de aparcamento con limitación horaria nun tramo da avenida de Madrid para promover a rotación de vehículos.

O goberno municipal destaca que en total leva investido preto de 200.000 euros no último ano en melloras de seguridade no entorno de Fefiñáns, co soterramento dos cableado e melloras do firme e dos servizos de limpeza.

A Concellería de Obras e Servizos responde así ás demandas presentadas polos hosteleiros do entorno da Rúa Real, que se opoñen á peonalización da Praza de Fefiñáns, tal como nos conta o edil responsable do departamento, José Ramón Abal.

#hoxeenArousaPontevedraDíaaDía

#de12a1430

A Xunta de Galicia porá en marcha un Plan de Dinamización das cinco Denominacións de Orixe do viño de Galicia a través das Consellerías de Medio Rural e Turismo.

Anunciábao esta mañá o Conselleiro de Medio Rural, José González, nunha visita á adega Condes de Albarei en Cambados e tras unha reunión coa D.O Rías Baixas.

O proxecto pretende mellorar a coordinación público-privada para fomentar o desenvolvemento territorial a partir do sector vitivinícola.

A iniciativa botará a andar cun estudo e diagnóstico socioeconómico dos territorios implicados, analizando as súas infraestruturas, os servizos públicos e a súa situación demográfica, así como o tecido asociativo e empresarial, entre outros factores.

O Conselleiro tamén avanzou as últimas axudas á elaboración e comercialización de productos vitivinícolas por máis de tres millóns de euros,

Unha das adegas beneficiarias será Condes de Albarei, que recibirá máis de 424.000 euros correspondentes a convocatoria de 2018 para mellorar as súas instalacións, cun investimento total que ascende a 1,4 millóns de euros.

En concreto, nas súas instalacións de Cambados renovarase o alumeado exterior da bodega, instalarase unha batería de condensadores e construirase unha nova liña de embotellado completa xunto coa instalación eléctrica, entre outras melloras.

Paralelamente, en Vilanova de Arousa (no pazo Baión) farase o acondicionamento dun almacén de 36 metros cadrados para viño embotellado e a adquirirase dun depósito de cemento de 17,3 hectolitros.

#hoxeenArousaPontevedraDíaaDía

#de12a1430

A corporación municipal de Vilagarcia aprobará esta tarde en pleno unha moción histórica para reverter “a mala imaxe creada en España sobre o tráfico de drogas no Salnés, que nada ten que ver coa realidade”.

A iniciativa foi asinada por todos os grupos municipais, PSOE, PP, BNG, EU, Somos Maioría e o concelleiro non adscrito, tras unha reunión mantida coa Fundación Galega contra o Narcotráfico.

Segundo explica a entidade arousá, “a emisión de programas e informacións vertidas sobre o contrabando de tabaco e tráfico ilícito de drogas creou unha lenda de permisividade social, riqueza e violencia que non reflicten o ocorrido na Ría de Arousa”.

No pleno intervirá un membro da FGCN que avalará, mediante documentos oficiais, que Arousa foi pioneira en España nesta loita, logrando arrebatar os bens aos narcos.

Á sesión, que comezará ás cinco da tarde, están convidados todos os alcaldes que presidiron a corporación vilagarciá, ademáis de alcaldes do Salnés e O Barbanza, así como outras autoridades.

Sen embargo quen non estará nesa sesión plenaria será o alcalde de Vilanova.

Gonzalo Durán anunciou esta mañá que non acudirá porque considera que o tema debería tratarse dentro da Mancomunidade e non nun pleno de Vilagarcía.

Ademáis, volve a arremeter contra a alcaldesa de Cambados e dí que “non está disposto a blanquear a Fátima Abal”.

#hoxeenArousaPontevedraDíaaDía

#de12a1430

A Mancomunidade do Salnés amplía o seu parque de maquinaria coa adquisición dun novo tractor desbrozador multifunción de alto rendemento e cun brazo de cinco metros

A entidade comarcal investiu un total de 118.000 euros a través dunha subvención de Vicepresidencia da Xunta de Galicia.

A Mancomunidade aumenta así os efectivos que están a disposición de todos os concellos de forma rotativa durante o ano mediante o traballo de 13 operarios.

A nova desbrozadora únese ás dúas retroexcavadoras, dúas motoniveladoras, catro minipás de limpeza de beirarrúas, un camión de servizo contra a velutina e dous camións de bacheo.

Os detalles explicábanos o presidente da Mancomunidade, Gonzalo Durán, o delegado da entidade Gonzalo Pita e o técnico Carlos Vieitez.