#hoxeenArousaPontevedraDíaaDía

#de12a1430

O Concello de Cambados estará presente de novo en Fitur cun vídeo promocional que se proxectará o 24 de Xaneiro ás 17.30 horas no espazo de TurGalicia.

Baixo o nome de “Cambados debuxado na inmensidade” o vídeo amosa os recursos enoturísticos, gastronómicos e patrimoniais da vila coa intención de desestacionalizar a presencia de visitantes cara o inverno.

Asi o explicaba esta mañá o Concelleiro de Enoturismo, José Ramón Abal, na presentación do audiovisual.

#hoxeenArousaPontevedraDíaaDía

#de12a1430

A familia Lantero, propietaria dos terreos de Rosalía de Castro nos que antigamente se ubicaba a fábrica, levará ao Concello de Vilagarcía ante a xustiza polo incumplimento do convenio urbanístico asinado en 2004.

Afirman que o Concello non lles deixou outra saída que presentar un contencioso-administrativo para exixir a incorporación do convenio ao Plan Xeral de Ordenamento Municipal que se está tramitando.

Os propietarios aseguran que eles cumpliron coa sua parte trasladando a fábrica ao polígono industrial pero agora o documento inicial do PXOM que o Concello enviou á Xunta para o informe medioambiental non inclue o seu convenio.

Ademáis, sosteñen que a Xunta ainda non determinou que as condicións de edificabilidade da parcela son contrarias á Lei do Solo e afirman que a inclusión nos seus terreos da parcela de O Ramal da Autoridade Portuaria reduce todavía máis a altura de edificabilidade a menos da metade do 2,7 m2 pactados no seu día.

Por todo elo Lantero reclamará ante a xustiza que o convenio se inclua no PXOM e que despois sexa a Xunta quen determine a súa viabilidade ou posibles modificacións.

Así o denunciaba esta mañá a familia Lantero, acompañada do director da fábrica naquel momento, Francisco González Cubeiro e o abogado Javier García.

#hoxeenArousaPontevedraDíaaDía

#de12a1430

O alcalde de Vilanova, Gonzalo Durán, e o portavoz do PP de Cambados, Luis Aragunde, expresaron esta mañá a súa decepción porque os orzamentos do Estado non incluen ningunha partida para dous proxectos.

Por un lado, a creación dunha pequena ponte de 60 metros no lugar de Rego do Alcalde, que forma parte da senda entre Tragove e a praia vilanovesa de As Patiñas.

Trátase dunha zona pola que decorre a Ruta do Padre Sarmiento pero cando está a marea alta non se pode pasar e é necesario dar un rodeo.

Segundo Gonzalo Durán, esta actuación fora comprometida pola anterior xefa de Costas do Estado por valor de 80.000 euros e agora queda fora dos orzamentos estatais.

Por outra banda, o portavoz popular de Cambados, Luis Aragunde, recrimina ao goberno de España que deixe de lado a construcción dun novo cuartel da Garda Civil.

Aragunde califica de “maquillaxe” a mellora que se realizará nas dependencias por importe de 180.000 a través de fondos provinciais.

#hoxeenArousaPontevedraDíaaDía

#de12a1430

O Concello de Cambados ven de acondicionar novos viais do rural dentro do Plan Marco da Xunta de Galicia.

Desta volta a obra centrouse no asfaltado dun tramo de 600 metros entre as parroquias de Castrelo e Dena, por importe de 42.500 euros dos que o Concello só tivo que aportar os 7.500 euros de ive.

A actuación, beneficia a un cento de veciños, favorece o acceso ás fincas e, ao tempo, tamén reduce o tránsito de vehículos agrícolas pola estrada xeral.

Ademáis, tamén se realizaron ampliacións de viais no entorno de A Pastora.

Con estas actuacións o Departamento de Obras e Servizos leva actuado en 25 kms de viais do rural no que vai de lexislatura, segundo aseguraba esta mañá o Concelleiro José Ramón Abal durante a supervisión das últimas obras en Castrelo.

#hoxeenArousaPontevedraDíaaDía

#de12a1430

O sindicato CIG retoma as mobilizacións en demanda dunhas pensións dignas e garantidas e convoca accións para este mércores 16 a nivel comarcal e unha manifestación en Santiago o próximo día 26.

Concretamente, o mércores realizarán unha manifestación en Vilagarcía que saldrá da sede da central ás 11.30 horas ata o Instituto Nacional da Seguridade Social de San Roque, onde rematarán cunha concentración.

A central nacionalista considera que as últimas propostas do goberno de España non melloran o camiño senon que, pola contra, reducen dereitos.

Tal é o caso, aseguran, da reforma da xubilación parcial co contrato relevo pactado en decembro entre o goberno de España e os sindicatos UXT e CCOO.

Unha modificación que, segundo a CIG, restrinxe o dereito a traballadores de empresas manufactureiras que realizan esforzos físicos ou que están en cadeas de producción.

Así o explicaba esta mañá o secretario comarcal da CIG, Xoan Xosé Bouzas Aboi.

#hoxeenArousaPontevedraDíaaDía

#de12a1430

A nova estrada que cruzará Baión polo Camiño Francés aproveitando as actuacións de concentración parcelaria disporá, ademáis dun vial de 6 metros de ancho, dunha zona peonil.

Tras unha petición veciñal, o novo espazo de paseo inclúese no proxecto que está a realizar a Consellería de Medio Rural coa apertura de viais da parcelaria por un importe global de dous millóns de euros.

Así o desvelaban esta mañá o alcalde, Gonzalo Durán, e o director xeral de Desenvolvemento Rural, Miguel Pérez Dubois, durante unha supervisión das obras.

#hoxeenArousaPontevedraDíaaDía

#de12a1430

Ribadumia e A Illa de Arousa inician accións conxuntas para demandar á Xunta o restablecemento do servizo de pediatría.

Ambos concellos solicitarán unha entrevista co Conselleiro de Sanidade, ao tempo que iniciarán unha recollida de sinaturas e presentarán mocións nos respectivos plenos.

I é que a baixa laboral do médico infantil compartido está a ocasionar un grave problema na asistencia pediátrica en ambos municipios, tal como explicaban esta mañá ambos alcaldes, David Castro e Carlos Iglesias, nunha comparecencia conxunta.

#hoxeenArousaPontevedraDíaaDía

#de12a1430

O goberno de Cambados quere aumentar o número de veciños que se beneficien das numerosas bonificacións fiscais actualmente implantadas no Concello.

Ademáis das existentes a nivel estatal, os veciños de Cambados dipoñen dunha vintena de exencións de carácter municipal, aprobadas polo cuatripartito no ano 2017, referidas ao IBI, o IAE, o ICIO, a taxa de recollida do lixo, o Imposto de Tracción Mecánica ou o de Licencias Urbanísticas,

Segundo o goberno local, este amplo paquete de Bonificacións vai dirixido a buscar unha maior igualdade social, mellorar as políticas ambientais, o impulso da promoción económica e a creación de emprego.

Por eso, co fin de que cheguen ao maior número de beneficiarios, o Concello organiza, en colaboración coa Deputación de Pontevedra a través do ORAL, unha Xornada Informativa sobre todas estas Bonificacións Fiscais que terá lugar o próximo xoves 17 de xaneiro ás 20 horas en Exposalnés.

Os detalles nolos contaban esta mañá a alcaldesa, Fátima Abal, e os Concelleiros de Servizos Sociais e Economía e Facenda, Tino Cordal e Xurxo Charlín, respectivamente.

#hoxeenArousaPontevedraDíaaDía

#de12a1430

Os alumnos do Obradoiro de Emprego do módulo de Xardinería de Vilanova traballan estes días no entorno do Museo do Cuadrante, onde ao tempo realizan as súas accións formativas.

Trátase dun espazo onde se atopan exemplares centenarios, como un magnolio que podería chegar aos 400 anos de vida.

Os detalles nolos conta o monitor do Obradoiro, Iván Pérez Berjano.

#hoxeenArousaPontevedraDíaaDía

#de12a1430

O Concello de Cambados ten deseñado un Plan Estratéxico de Enoturismo para os anos 2019-2023 co fin de aproveitar e consolidar os resultados conseguidos nos últimos catro anos.

Sobre todo, segundo o Concelleiro de Enoturismo, José Ramón Abal, Cambados necesita un gran evento para o inverno.

Por eso, a idea é que a Festa do Albariño de Inverno, celebrada este ano por primeira vez, se traslade á ponte da Constitución co obxectivo de que intentar atraer a unhas 20.000 persoas.

Ademáis, o proxecto inclue a reformulación do Museo do Viño, por terse quedado obsoleto, con poucas visitas e infrautilizado.

A pretensión é enchelo de contidos, poñéndoo o servizo do sector para eventos de adegas e viticultores,e dotándoo de medios e persoal.

Ademáis, o Plan Estratéxico tamén pretende dar maior promoción ao Enobús, consolidar a Festa do Albariño de Cuxhaven, fomentar as actividades coas cidades irmanadas de Cigales e Bretaña Francesa, así como a promoción en Feiras Internacionais.