Un dos establecementos hosteleiros máis coñecidos da comarca do Salnés como é O Tío Benito tamén participa no Plan Revitaliza da Deputación de Pontevedra cun composteiro que atenden directamente desde o seu persoal de cociña.

Para coñecer máis en profundidade o Plan Revitaliza falamos con Vicky Fariña Bermúdez quen nos animou a colaborar con este proxecto medioambiental que converte o exercizo cívico da compostaxe en abono orgánico de calidade para as nosas plantas.

Vicky Fariña explicounos de xeito moi didáctico como se encargan de manter operativo o composteiro asignado a O Tío Benito e da facilidade con que se pode poñer en marcha esta iniciativa medioambiental que recomendan a tódolos veciños do Salnés e tamén aos establecementos hosteleiros da comarca.

#hoxeenArousaPontevedraDíaaDía

#de12a1430

Os organizadores do Torneo Arosa Fultbol Sete reuniranse este venres co seu presidente de honra e principal patrocinador, Ramiro Carregal, para abordar con el o futuro da competición.

Siguen decididos abandonar Vilagarcía e danse de plazo ata o 10 de xaneiro para tentar conseguir algún acordo.

En caso contrario, o presidente do Torneo, Manuel Diz, mesmo avanza que a competición non se celebraría: “Vilagarcía é o pasado, hai que pensar no futuro”.

#hoxeenArousaPontevedraDíaaDía

#de12a1430

O Torneo Indoor do Arosa Fútbol 7 celebrarase esta fin de semana, 29 e 30 de decembro, pero nunha ubicación diferente á tradicional.

A sexta edición non será en Fexdega senon no pabillón de A Senra, en Ribadumia, cuxo Concello acolle de bo agrado a actividade deportiva que se agarda atraia ao municipio a unhas 1.500 persoas.

Un total de 42 equipos de Pontevedra e A Coruña e 450 nenos e nenas de entre 4 e 7 anos participarán na competición que pretende fomentar os valores do deporte.

O alcalde David Castro agarda que Ribadumia continúe acollendo este torneo Memorial Daniel Angustia, na honra do membro da entidade que faleceu hai dous anos nun accidente de tráfico,

O evento deportivo foi presentado esta mañá en Ribadumia polo Presidente do AF7, Manuel Diz, o Presidente do Ribadumia CF, Antonio Serantes, e polo alcalde, David Castro.

#hoxeenArousaPontevedraDíaaDía

#de12a1430

A familia do historiador Luis Rei cedeu ao Concello de Cambados o seu legado e estudos sobre a biografía do escritor Ramón Cabanillas.

O fondo Luis Rei está composto por 11 arquivadores que reúne numeroso material escrito e audiovisual que Luis Rei obtivo tras anos de investigación, creando unha gran base de datos sobre a vida e historia de Ramón Cabanillas.

A documentación estará ubicada nunha sección propia na Biblioteca Luis Rei e posteriormente será trasladada ao futuro museo Cabanillas que o concello de Cambados ten proxectado para que futuros investigadores poidan acceder a ela.

Así o explicaban o concelleiro de Cultura, Víctor Caamaño, e a filla de Luis Rei, que aseguraba que esta doazón ao concello sería a vontade do seu pai.

#hoxeenArousaPontevedraDíaaDía

#de12a1430

A Xunta pon en marcha a licitación dun novo tramo das sendas peonís e ciclistas na P0-308 e Sanxenxo.

Concretamente, a Consellería de Infraestructuras e Mobilidade anunciou esta mañá o proxecto entre Major e Portonovo de cinco kms de lonxitude.

As obras saen a licitación cun orzamento de 3,4 millóns de euros, un prazo de execución de 12 meses e a previsión de que comecen na primavera.

Así o detallaba a Conselleira de Infraestructuras e Mobilidade, Ethel Vazquez, trala reunión mantida previamente no Concello de Sanxenxo co alcalde, Telmo Martín, o delegado territorial da Xunta, Cores Tourís, e ténicos do departamento autonómico.

#hoxeenArousaPontevedraDíaaDía

#de12a1430

Vilagarcía quere celebrar por todo o alto o vinte aniversario da toma das uvas do día 31 dende a Praza de Ravella ás 12 horas.

Por eso, este ano retransmitirase o evento a través de streaming e unha pantalla xigante instalada na mesma praza.

Ademáis, como sempre estará o performance Pablo Méndez pero desta volta cun espectáculo aéreo, antes e despóis das uvas, inspirado en Julio Verne cunha máquina especial do tempo que simboliza a Vilagarcía como un pobo que se adianta o futuro.

Haberá sorpresas, animación dun dj e, cómo non, o reparto de 60 kilos deuvas e 600 botellas de champán para un evento singular no que este ano o Concello agarda que se superen as máis de 2.500 persoas do ano pasado.

Os detalles nolos contaban esta mañá a Concelleira de Xuventude, Sonia Outón e Pablo Méndez, director do espectáculo

#hoxeenArousaPontevedraDíaaDía

#de12a1430

O BNG de Sanxenxo cambia a súa cabeza de cartel para as vindeiras eleccións autonómicas.

Sandra Fernández Agraso, exconcelleira de Cultura no goberno tripartito, tomará o relevo de David Otero nun momento en que, segundo recoñece a formación nacionalista local, son tempos diferentes e se facía necesaria a renovación.

Así o anunciaban esta mañá o actual portavoz do BNG, David Otero, e a nova candidata Sandra Fernández Agraso.

David Otero amosouse convencido de que coa nova candidatura “é posible conformar un novo goberno no que o BNG sexa a forza principal”.

Pola súa banda, a nova candidata asegurou estar satisfeita do traballo feito durante a etapa de goberno e dixo que “a miña experiencia adquirida fai que me sinta preparada e decidida para continuar cos proxectos”.

#hoxeenArousaPontevedraDíaaDía

#de12a1430

O Concello de Vilanova e a Xunta de Galicia crean unha alternativa ao proxecto de ampliación da estrada de Baión, que ainda permanece paralizado dende a Deputación.

Aproveitando os traballos de concentración parcelaria, o goberno municipal e a Consellería de Medio Rural están xa executando un novo vial de seis metros de ancho entre a rotonda da gasolinera de Pontearnelas, únese ao camiño francés e remata na estrada de Vilagarcía -Pontevedra.

A obra é financiada ao completo por Medio Rural dentro das inversións de 2 millóns de euros destinados á concentración parcelaria de Baión.

Os traballos xa comezaron na ponte de Paradela e a previsión é que rematen en menos de un ano, tal como anunciaba esta mañá o alcalde de Vilanova, Gonzalo Durán.

#hoxeenArousaPontevedraDíaaDía

#de12a1430

O Concello de Cambados decretou tres días de loito, suspendendo toda actividade oficial, as bandeiras están a media asta, e o alumeado de Nadal permanecerá apagado.

Un minuto de silencio cubriu esta mañá a multitude de veciños que se congregaron este mediodía na Praza do Concello en sinal de dó.

Os acordes de “Negra Sombra” de Rosalía de Castro coa voz de Luz Casal acompañaron un emotivo acto no que a alcaldesa, Fátima Abal, acompañada do equipo de goberno e de membros de toda a corporación, leu unha declaración de pésame e apoio ás familias.

Un día dos máis duros en Cambados, en palabras da alcaldesa, Fátima Abal, dos concelleiros de goberno, Víctor Caamaño, Tino Cordal e José Ramón Abal, e do portavoz do PP, Luis Aragunde.

Palabras de pesar tamén dende o goberno de España e dende a Xunta.

O Delegado do Goberno en Galicia, Javier Losada, e o Delegado Territorial da Xunta en Pontevedra, Cores Tourís, estiveron tamén presentes tamén no acto e sumáronse as condolencias.

A Deputación de Pontevedra tamén trasladou esta mañá o pesar do goberno provincial a través da presidenta Carmela Silva, que decidiu cancelar a súa axenda oficial tras gardar un minuto de silencio en Soutomaior onde, en sinal de dó, as autoridades non participaron no acto de inauguración dunha exposición

#hoxeenArousaPontevedraDíaaDía

#de12a1430

Segundo as primeiras informacións ofrecidas polo Delegado do Goberno, Javier Losada, barállase a posibilidade de que a causa do afundimento fose un golpe de mar.

As declaracións dos supervivintes apuntan a que forza da auga puido ter arrastrado ao fondo do barco unhas redes de cuberta, que acabaron enganchadas nas hélices, provocando un parón da máquina e o envorcamento do barco.