#hoxeenArousaPontevedraDíaaDía

#de12a1430

O alcalde de Vilagarcía, Alberto Varela, responde as críticas de PP e EU pola reubicación baixo a futura escola infantil de Vilaxoán do transformador que actualmente se encontra ao carón do lavadoiro.

Segundo o rexedor, ambas formacións están creando unha alarma social que responde a connotacións electoralistas, xa que o novo transformador estará soterrado nun bunker de formigón totalmente aillado.

Ademáis, a instalación contará cos informes favorables e autorización da Consellería de Industria da Xunta.

#hoxeenArousaPontevedraDíaaDía

#de12a1430

A Plataforma en Defensa da Sanidade Pública do Salnés visibilizou esta mañá o seu apoio á concentración convocada polo Concello de Cambados contra o peche do centro de saúde polas tardes dende o 10 de decembro ao 14 de xaneiro.

A mobilización terá lugar este sábado ás 12 do mediodía cunha cadea humana que rodeará o ambulatorio.

A esta acción súmase unha recollida de sinaturas e unha moción que o Somos Cambados levará ao pleno da corporación.

A Plataforma denuncia que esta situación é consecuencia da reforma da Lei de Saúde da Xunta e lembra que ademáis da precariedade laboral do Hospital do Salnés non hai reforzo para o PAC de Cambados e so se conta cun pediatra para Cambados, Ribadumia e a Illa.

O Concelleiro de Sanidade de Cambados, Tino Cordal, e a portavoz da Plataforma, Rosa Casal, resumían esta mañá as reclamacións, acompañados de todo o goberno municipal, a deputada do BNG Montse Prado, Mar Vila da CIG e Emilio González de UXT.

#hoxeenArousaPontevedraDíaaDía

#de12a1430

O Concello porá en marcha o vindeiro ano un proxecto de mellora da rede de saneamento (residuais e pluviais) no lugar do Río da Ucha, en Corvillón.

A actuación está valorada en preto de 80.000 euros, que serán financiados a través do Plan Concellos 2019.

O proxecto incluirá a instalación de novas canalizacións de fecais e pluviais ao longo dun tramo de 400 metros para acabar coas filtracións que se suceden debido á antigüidade das tubaxes, instaladas polos veciños hai máis de cincuenta anos.

Ademáis, pavimentaranse as zonas de escorrentías de pluviais, de tal xeito que se conseguirá unha ampliación do vial.

Ao tempo, todas as vivendas do entorno estarán conectadas ao novo saneamento.

Os detalles nolos contaba esta mañá o Concelleiro de Obras e Servizos, José Ramón Abal.

#hoxeenArousaPontevedraDíaaDía

#de12a1430

Cambados completa a súa programación de Nadal con actividades nas parroquias.

Talleres, xogos, animación, circo ou música son algunas das propostas que a Concellería de Cultura ten preparadas para as casas de cultura de Oubiña, Vilariño, Castrelo e Corvillón, os días 23 e 30 de decembro e 3 e 4 de xaneiro, todas elas ás 18 horas.

Ademáis, como novidade este ano, a Concellería de Cultura ten preparada una Gala de Reis, presentada pola actriz Isabel Risco e que contará con espectáculos de máxia e circo.

Será o 6 de xaneiro ás 18:30 horas no Salón Peña e con entrada de balde.

Nolo conta o Concelleiro de Cultura, Victor Caamaño.

Falamos con Tita Álvarez, veciña do Grove, para coñece-las súas experiencias a raíz da instalación na súa casa dun composteiro individual dentro do Plan Revitaliza da Deputación de Ponteveddra. Tita, que está afeita ao sector da comunicación, gravou un vídeo de como instalar un composteiro e vai dando consellos de como montalo e o cómodo que resulta para dar saída dun xeito sostible e en harmonía co medio ambiente aos residuos orgánicos que produce a súa familia.

Na conversa profundizamos sobre a satisfación persoal que produce o feito de poder contribuir dun xeito individual e cun pequeno xesto á conservación do medio ambiente. Tita Álvarez confesa que está ansiosa por ver como pasa o tempo e consolida os procesos do composteiro para botarlle ás súas plantas e hora o compost elaborado por ela e a súa familia.

#hoxeenArousaPontevedraDíaaDía

#de12a1430

O Concello da Illa presentou esta mañá o programa de Nadal que comeza este sábado e ademáis pecha as actividades do X aniversario do Auditorio.

Día de Demostración dos máis pequenos da Escola de Música, Papa Noel, a Apalpadora, cine para os máis cativos, Uxía en concerto e María Fumaça acompañarán a Papa Noel e os Reis Magos este ano.

Así o explicaba a concelleira Rosi Viana no acto de presentación, acompañada do alcalde, Carlos Iglesias, e da cantante Uxía.

#hoxeenArousaPontevedraDíaaDía

#de12a1430

A Media Maratón Solidaria do pasado novembro, organizada por Zona Aberta de Vilagarcía en favor de Cáritas, conseguiu unha recadación de 2.514 euros, 10 euros máis que o ano pasado.

A asociación de comerciantes de Vilagarcía fixo entrega do cheque esta mañá á representante do Cáritas, Mar Viqueira, que agradecía a donación.

#hoxeenArousaPontevedraDíaaDía

#de12a1430

O deputado provincial de Cooperación, Carlos López Font, e o alcalde de Sanxenxo, Telmo Martín, visitaron esta mañá as obras que se están executando para a construción dunha nova pista polideportiva cuberta no CEIP Nantes. Trátase dunha obra financiada a través do Plan Concellos 2017, cun investimento total da Deputación de 253.131,76 euros. Os traballos comezaron fai unhas semanas e prevese que estean finalizados antes de que remate o ano, polo que o novo espazo xa estaría dispoñible para a volta das vacacións escolares de Nadal.

A actuación consiste na construción dunha nova pista polideportiva cuberta no CEIP Nantes. O centro educativo xa tiña outra pista polideportiva exterior, pero á intemperie e moi deteriorada. De aí que agora, con esta actuación, se pretende dotar ao colexio dunha nova pista, cuberta e con todas as melloras necesarias. “É unha gran satisfacción que os plans que, dende a Deputación poñemos a disposición dos concellos, estes os invistan en obras que reverten na mellor calidade de vida dos veciños e veciñas, e neste caso, na poboación máis nova e no fomento do deporte, unha das apostas máis importantes tamén deste Goberno provincial”, destacou Font.

Pola súa banda, o alcalde Telmo Martín agradeceu á Deputación o investimento nunha obra tan necesaria coma esta, “na que estamos cumprindo os prazos e agardamos poder completala cunha segunda fase de peche do perímetro, para o que agardamos contar tamén co apoio da institución provincial, da que sabemos que hai vontade de colaboración”.

Máis polo miúdo, esta actuación permitirá que o CEIP Nantes conte cunha nova pista polideportiva cuberta. A superficie en planta da construción é de 1.239 metros cadrados, cunhas dimensións exteriores de 43 metros de longo, 28 metros de ancho e 7 metros de altura. A pista polideportiva terá unhas dimensións exteriores de 43x28 metros, formada por unha soleira de formigón armado de 20 centímetros de espesor, executada sobre explanada mellorada. A cuberta será a dúas augas con instalación dos correspondentes canlóns e baixantes para a recollida de augas pluviais da cuberta. Esta obra corresponde ao Plan Concellos 2017, no que a Deputación puxo a disposición do concello de Sanxenxo algo máis de 1,1 millóns de euros.

#hoxeenArousaPontevedraDíaaDía

#de12a1430

Os viños espumosos de 9 adegas da D.O. Rías Baixas estarán presentes na I Festa do Albariño de Inverno de Cambados que se celebrará este sábado 15 de decembro e terá como pregoeira a Merchi Álvarez.

Co mesmo formato que na tradicional Festa do Albariño, no evento poderanse degustar as variedades de viños espumosos das adegas Terra de Asorey, Novavila, Martín Códax, Pablo Padín e Pepa a Loba do Salnés, Señorío de Rubiós, Eidosela e As Laxas do Condado e Altos de Torona de O Rosal.

Ademáis, está festividade de inverno terá un carácter solidario e o prezo da copa de cristal, de 2 euros, irá destinado íntegramente á asociación GaliciAme, que preside Merchi Álvarez, para a investigación de esta enfermidade.

En canto ao prezo dos espumosos, o mínimo por copa será de 2'5€ e por botella estará establecido por cada adega.

A I Festa do Albariño de Inverno celebrarase o sábado 15 de decembro no Salón Peña en horario de 11:30 a 14:30 e de 18:00 a 21:30 horas pola tarde.

A inauguración será ás 11:30 horas da mañá, co pregón e posteriormente coa actuación do violonchelista ruso Vladimir von Litvikh, e xa pola tarde, a música estará a cargo do grupo Galifunk Brass. Tamén haberá obradoiros e zona de xogos para os máis pequenos.

Tanto dende o Concello como dende a Mancomunidade de O Salnés, destacan a importancia de crear este tipo de eventos que axudan a desestacionalizar o turismo e tamen promocionan o consumo de viños espumosos no Nadal.

Así o explicaba o edil de enoturismo de Cambados, José Ramón Abal, durante a presentación da Festa do Albariño de Inverno na que estivo acompañado do delegado de Turismo da Mancomunidade do Salnés, Gonzalo Pita, e representantes das adegas participantes.

Falamos con Quique Pintos, mestre composteiro que realiza o seu traballo no Grove e é un perfecto coñecedor do Plan Revitaliza da Deputación de Pontevedra.

Pintos falounos da importancia de poder recuperar o aporte dos orgánicos que producimos no noso fogar para poder devolvelo ao medio ambiente en forma de compost, dun xeito natural e en harmonía co medio ambiente.

O Plan Revitaliza da Deputación de Pontevedra suma xa a 42 dos 61 concellos da provincia e é un sistema de aproveitamento natural dos residuos orgánicos domésticos que está a ser recoñecido en todo o Estado Español polo seu alto nivel de eficacia e idoneidade como solución de cara ao futuro en consonancia coas directivas da Unión Europea sobre o tratamento de residuos sólidos urbanos onde se fixa, para os concellos de máis de 5.000 habitantes, a data do 31 de decembro do ano 2020 como prazo máximo para que as administracións locais procedan a recoller e tratar o 100% dos residuos no seu municipio de forma separada.