#hoxeenArousaPontevedraDíaaDía

#de12a1430

A directiva da comunidade de Montes de Rubiáns enfróntase este domingo a unha moción de censura promovida por un particular residente na Coruña que no seu momento reclamaba uns terreos como seus.

Os comuneiros reuniránse en Asamblea ás 18 horas para debatir a moción que contaría co apoio de 50 socios e 20 veciños máis que solicitaron ser novos comuneiros.

De sair adiante, a iniciativa rematará coa presidencia de Xurxo Abuín na comunidade de Rubiáns e posiblemente tamén, na Mancomunidade de Montes de Vilagarcía.

Xurxo Abuín lamentaba esta mañá a situación creada.

#hoxeenArousaPontevedraDíaaDía

#de12a1430

Cambados somente terá patrullas nocturnas en días concretos deste Nadal, como as fins de semana, Noiteboa, Fin de Ano ou Reis.

Así o anunciaba a alcaldesa, Fátima Abal, quen lembra que, tal como se confirmou na reunión coa subdelegación do goberno, Cambados e unha vila segura e non necesita un servizo nocturno diario.

Segundo a rexedora, este servizo suprimírase a principios deste ano a petición dos sindicatos para facilitar a conciliación da vida laboral e familiar dos axentes.

Neste sentido, a alcaldesa nega as declaracións do portavoz do PP, Luis Aragunde, nas que aseguraba que a policía local rexeitaba realizar servizos nocturnos porque o Concello lles adebedaba horas extra.

Fátima Abal acusa ao portavoz popular de considerar aos axentes como “mercenarios” e de confundir os conceptos retributivos de “productividade” e “gratificación”.

#hoxeenArousaPontevedraDíaaDía

#de12a1430

O delegado territorial da Xunta en Pontevedra, Cores Tourís, reiterou esta mañá ao alcalde de Vilanova que a Consellería de Sanidade sigue traballando para conseguir o traslado dos usuarios da residencia Valle-Inclán, trala orde de peche decretada pola Fiscalía.

Cores Tourís runiuse con Gonzalo Durán e co tenente de alcalde de Vilanova trala resolución do pleno da corporación celebrado esta pasada noite.

O acordo alcanzado por unanimidade, a raiz dunha moción presentada por Gañemos Vilanova, solicita á Xunta unha reunión urxente para tentar encontrar unha solución á residencia Valle-Inclán que evite o seu peche.

A Conselleira do Mar, Rosa Quintana, e o Presidente de Portos de Galicia, José Juan Durán, visitaron esta mañá Portonovo para coñecer de primeira man o proxecto de reordenación da vila e o seu porto que o Concello quere poñer en marcha.

O plan darase a coñecer mañá ante os medios de comunicación e porteriormente, o goberno local, manterá unha xuntaza cos colectivos da localidade para explicar cómo será a reordenación e crear un plan de usos da zona.

Para Rosa Quintana é unha proposta innovadora, que axudará a potenciar o sector do mar e integrar a actividade pesqueira co turismo da vila.

#hoxeenArousaPontevedraDíaaDía

#de12a1430

O Concello de Vilanova asinou esta mañá un convenio de colaboración coa Asociación O Castro de Baión para o desenvolvemento das súas actividades culturais e de apoio aos maiores.

O convenio ten un importe económico de 6.000 euros e renovarase o vindeiro ano cunha cantidade ainda sen concretar, tal como avanzaba esta mañá o alcalde, Gonzalo Durán no acto de sinatura do mesmo.

#hoxeenArousaPontevedraDíaaDía

#de12a1430

A comisión municipal de Patrimonio aprobou esta mañá o proxecto de ampliación do soterramento do cableado no entorno da Rúa Real.

Trátase dunha segunda fase, valorada nuns 30.000 euros, que afecta concretamente á Rúa Asorey e que completará a actuación en todo o entorno de Fefiñáns.

Os detalles nolos conta o Concelleiro de Obras e Servizos, José Ramón Abal.

#hoxeenArousaPontevedraDíaaDía

#de12a1430

A Mancomunidade do Salnés ten xa todo preparado para que mañá e o sábado os alumnos dos centros educativos da comarca poidan viaxar polo espazo a través do programa “O Salnés Mirando ao Cosmos”.

Poderán facelo mediante o Planetario Móvil da Ruta Quetzal que xa está instalado no Multiusos de Vilanova.

Dende as 9 da mañá, os nenos poderán ir entrando en quendas de 25 alumnos e, ademáis, intercambiar impresións co cosmonauta Mikhail Korniyenko da Axencia Espacial Rusa, que posteriormente pronunciará unha conferencia.

O presidente da Mancomunidade, Gonzalo Durán, agarda que máis de 400 nenos e nenas difruten cada día dunha actividade que pretende achegarlles as leccións de astronomía que aprenden no colexio, tal como nos explicaba esta mañá o promotor da Ruta Quetzal, Iñigo de La Quadra Salcedo.

#hoxeenArousaPontevedraDíaaDía

#de12a1430

O Concello solicitará unha reunión coa subdelegación do goberno para abordar, xunto coa asociación de comerciantes local, as posibilidades de incrementar a presencia policial durante a noite ante os últimos roubos rexistrados.

En todo caso, o goberno municipal quere transmitir unha mensaxe de tranquilidade xa que o autor do acontecido esta pasada fin de semana, un mozo de 18 anos, ten xa unha orde de detención domiciliaria.

Así o explican a alcaldesa e o Concelleiro de Promoción Económica, Xurxo Charlín.

#hoxeenArousaPontevedraDíaaDía

#de12a1430

Preocupación en Vilagarcía pola vaga de roubos rexistrados nas últimas semanas.

O último o atraco rexistrado no bar Sabores.

A Policía Nacional busca ao autor, que entrou coa coa cara cuberta sobre as nove da noite do luns, cando apenas quedaban clientes no local.

Tras ameazar cunha navalla á camareira, colleu uns 800 euros da caixa rexistradora e fuxiu correndo.

Dende o goberno municipal, o alcalde, Alberto Varela recoñece que aumenta a preocupación cidadá e apunta a posibilidade de solicitar unha Xunta Local de Seguridade Extraordinaria.

#hoxeenArousaPontevedraDíaaDía

#de12a1430

Cáritas Interparroquial de Arousa quere darlle visibilidade ás persoas sen fogar a través dunha campaña promovida dende a Casa de San Cibrán, que actualmente acolle a nove residentes.

Baixo o nome de “Estou tan preto que non me ves” a iniciativa reflexa siluetas blancas con mensaxes ubicadas en diferentes lugares públicos de Vilagarcía, como o Instituto Cotarelo Valedor, o Centro de Saúde, o Concello ou a Praza de Abastos.

Ademáis, este xoves realizarase unha xornada de Portas Abertas na Casa de San Cibrán, en conmemoración do Día das Persoas sen Fogar, coa lectura dun manifesto ao mediodía e un obradoiro de atrapasonos pola tarde.

Trátase dun xeito de concienciar á sociedade dunha situación da que ninguén está libre, tal como nos contaba esta mañá a educadora social de San Cibrán, Mila Hermida, na presentación da campaña.

Asimesmo, a directora da Casa de San Cibrán, Montserrat Rosales, reclamaba a modificación da política de vivenda pública, a regularización do mercado de aluguer e a prestación mínima con garantía.

No acto tamén estivo presente o director de Cáritas Interparroquial de Arousa, Francisco Fernández.