#hoxeenArousaPontevedraDíaaDía

#de12a1430

O Partido Popular de Cambados solicitará a convocatoria dun pleno extraordinario para que a a alcaldesa, Fátima Abal, aclare a información publicada esta fin de semana nun medio de tirada nacional.

A noticia relaciona a alcaldesa cun familiar do seu home investigado pola súa suposta vinculación co contrabando.

O portavoz do PP local, Luis Aragunde, asegura que a súa formación non quere facer xuizos de valor senon que a rexedora explique unha situación que ao seu entender vai en contra dela e fai dano á imaxe de Cambados

#hoxeenArousaPontevedraDíaaDía

#de12a1430

O Concello de Cambados acaba de rematar as obras de construcción da nova rotonda creada no intersección dos viais de Tragove e Corvillón co fin de mellorar a seguridade viaria no entorno.

a actuación foi executada pola empresa Coto de Uz cunha inversión de 8.000 euros sufragados por fondos municipais.

Os detalles nolos conta o Concelleiro de Obras e Servizos, José Ramón Abal. O

#hoxeenArousaPontevedraDíaaDía

#de12a1430

O Concello de Cambados sigue traballando a prol das mulleres e agora organiza un curso de autocoñecemento para que mulleres de todas as idades poidan mellorar a súa autoestima.

Baixo o nome de “Amándome, Coidándome” o taller teórico práctico, promovido pola Concellería de Igualdade, desenvolverase durante o mes de febreiro de martes a venres de 10 horas a 12 horas en Exposalnés.

A iniciativa ten carácter gratuito e poderán participar un máximo de 20 mulleres inscribíndose previamente a través da Oficina de Turismo de Cambados.

Os detalles nolos contaban esta mañá a Alcaldesa, Fátima Abal, e a tutora do curso, Ana Freire, na presentación da iniciativa.

#hoxeenArousaPontevedraDíaaDía

#de12a1430

A Plataforma en Defensa da Sanidade Pública da Área do Salnés retoma as actividades, centrando agora as súas reivindicacións na demanda dunha “Atención Primaria Digna”.

O colectivo convoca para este vindeiro martes 29 de xaneiro concentracións simultáneas en todos os centros de saúde da Área Sanitaria do Salnés que terán lugar ás 12 do mediodía.

Ademáis, fai un chamamento de cara á manifestación convocada pola Plataforma de Galicia para o vindeiro 10 de febreiro en Santiago.

Neste caso, para facilitar a asistencia saldrán autobuses dos Concellos de toda a área, agás Vilanova, con inscripción previa nos teléfonos habilitados para elo en cada concello.

Unhas mobilizacións coas que se pide á Xunta que remate coa precariedade na atención primaria, tal como explicaban esta mañá a portavoz da Plataforma, Rosa Casal, e o representante da CIG, Anxo Lúa, na presentación das mesmas no Centro de Saúde de San Roque, en Vilagarcía.

#hoxeenArousaPontevedraDíaaDía

#de12a1430

A reforma da Praza de Abastos de Cambados volve a suscitar as críticas do PP municipal.

O portavoz da formación local, Luis Aragunde, acusa ao cuatripartito de desinterés en levar a cabo o proxecto asegurando que demoraron dez meses en dar resposta ao Plan Especial de Portos de Galicia.

Asimesmo, pide ao Concelleiro de Economía e Facenda que faga públicos os documentos de entrada en rexistro nas administracións que demostren os trámites realizados.

As declaracións de Aragunde tiveron xa inmediata resposta por parte do goberno local.

O Concelleiro de Economía e Facenda, Xurxo Charlín, asegura que o cuatripartito tivo que realizar previamente as xestións adecuadas para garantir a financiación do proxecto e agora estase atopando con contínuas trabas por parte de Patrimonio e Infraestructuras da Xunta, con peticións contrarias.

Neste sentido insiste en que non se lle pode exixir ao cuatripartito unha xestión inmediata cando Portos de Galicia tardou catro anos en remitir o Plan Especial, que xa tiña que estar en Cambados no 2014 e non foi remitido ao Concello ata o 2018.

#hoxeenArousaPontevedraDíaaDía

#de12a1430

Vilagarcía escolleu á celebración dunha Gala oficial para presentar públicamente o primeiro número da revista Anaco, promovida pola Mesa das Verbas e coa que se estrea o servizo de publicacións do Concello.

O evento, aberto ao público, terá lugar este venres 25 de xaneiro ás 21 horas no Salón García.

Será unha gala multidisciplinar coa actuación da Coral Cortegada e do actor Al Guanella que porá en escea a súa faceta de ventrílocuo na representación de “Conversas con Tana”.

Ademáis, todos os asistentes recibirán como agasallo un exemplar desta publicación na que se recollen poemas de 24 autores locais.

Os detalles nolos contaban esta mañá a concelleira de Cultura, Sonia Outón, e o representante da Mesa das Verbas, Xermán Torres, na presentación da gala acompañados do actor Al Guanella e da presidenta da Coral Cortegada, Eliana Lorenzo.

#hoxeenArousaPontevedraDíaaDía

#de12a1430

Era previsible pero esta mañá confirmouse.

Telmo Martín será de novo o candidato do PP á alcaldía de Sanxenxo.

Anunciouno esta mañá o propio Telmo Martín avanzando dous dos retos que se pon por diante para a vindeira lexislatura: consolidar Sanxenxo como destino turístico os doce meses do ano e conseguir que descenda o desemprego no municipio a través dos 2.000 empregos directos que estima vai crear o Parque Empresarial de Nantes cando estea en pleno funcionamento.

Precisamente, a posta en marcha do Polígono de Nantes é un dos proxectos que Telmo Martín destaca dende que él asumiu a alcaldía. O outro, a construcción do novo colexio de Vilalonga, que, segundo os plans da Xunta estará en funcionamento para o curso 2020-21.

Polo demáis, Telmo Martín non quixo pronunciarse sobre posibles integracións de SAL dentro do PP ainda que non desbotou incluir na súa lista a persoas independentes que non militen na formación popular.

#hoxeenArousaPontevedraDíaaDía

#de12a1430

O futuro auditorio de O Grove proxectado en Monte da Vila será unha realidade “sí ou sí, pese a quen lle pese e o queira parar quen o queira parar”.

Así o dixo esta mañá a presidenta da Deputación, Carmela Silva, despois de que a Xunta de Galicia rexeitase o expediente de contratación dos traballos e o Concello tivese que empezar os trámites dende cero.

Pese a todo, Carmela Silva garantiu esta mañá a inversión da Deputación por importe de 1.5 millóns de euros dentro do Plan de Reequilibrio.

#hoxeenArousaPontevedraDíaaDía

#de12a1430

A Mancomunidade do Salnés inaugurou esta mañá a séptima edición do seu Plan de Inserción Laboral, con financiación da Xunta de Galicia.

Nesta ocasión, un total de 100 persoas desempregadas, máis que o ano pasado, beneficiaranse durante prácticamente todo o ano-once meses- de 35 cursos de formación, talleres, orientación laboral e prospección e busca activa dun posto de traballo.

Por todo elo, o Emprega Salnés da Mancomunidade segue sendo unha exitosa iniciativa xa que consigue unha alta inserción laboral.

Así o decía esta mañá o Xerente da entidade, Ramón Guinarte, acompañado do presidente da Mancomunidade, Gonzalo Durán, e a responsable do programa, Begoña Veríssimo, na presentación desta nova edición.

#hoxeenArousaPontevedraDíaaDía

#de12a1430

O PP valora os orzamentos xerais do Estado como “un evidente castigo aos galegos fronte a outros españois como os cataláns, que saíron notablemente favorecidos polos novos criterios políticos e partidistas postos en marcha polo Executivo central”.

O deputado nacional Tomás Fole e a senadora Marta Lucio denunciaron esta mañá a ausencia de partidas específicas “con nomes e apelidos”, tanto para Vilagarcía como para o resto da comarca do Salnés e botaron en falta algúns proxectos que “estaban comprometidos e que desapareceron na proposta do PSOE”.

O deputado enumerou casos concretos de Vilagarcía como o Cuartel da Garda Civil, o paseo da praia ou o proxecto da N-120 “que non aparecen reflectidos, a pesar de existir compromiso para levalos a cabo”.

Na mesma liña, a senadora fixo reconto de proxectos a nivel comarcal, facendo especial fincapé “no da remodelación da praza de abastos de Cambados (baixada de 1 M€ a 200.000€) ou o convenio coa Deputación dos 18 castros da provincia, que se conxela”.

A isto engade Lucio que “os Orzamentos non inclúen ningún proxecto novo para O Salnés” e pregúntase “ onde están os socialistas da comarca, que quedan calados ante estes orzamentos?”.