#hoxeenArousaPontevedraDíaaDía

#de12a1430

O Concello de Vilanova rematou as obras de mellora realizadas nos diferentes centros educativos do municipio para que o curso escolar se inicie sen problemas.

A última actuación foi a realizada no colexio de San Roque de Corón coa reparación dos aseos.

Pintado, eliminación de humedades, acondicionamiento de exteriores ou sustitución de materiais foron parte das obras executadas polo Concello durante o verán.

Ademáis, cara o curso que está a piques de comezar o colexio Julio Camba terá servizo de comedor escolar, reclamado dende hai tempo pola comunidade educativa pero ata agora imposible de realizar por ser necesaria una ampliación do centro que no contaba coa autorización de Costas do Estado, titular dos terreos.

Pero agora, grazas á remodelación do Multiusos o comedor instalarase finalmente nunha das salas do edificio.

A ANPA xa contratou o cátering e segundo as previsións do alcalde, Gonzalo Durán, comezará a funcionar o próximo 1 de outubro con capacidade para 50 alumnos.

#hoxeenArousaPontevedraDíaaDía

#de12a1430

A Plataforma de Afectados polas listas de espera sanitarias na comarca de O Salnés reuníuse esta mañá no Auditorio de Vilagarcía, nun espazo cedido polo Concello, para poñer en marcha as súas reivindicacións.

De momento son dezaseis as persoas integrantes do colectivo pero agardan que pouco a pouco se vaian incorporando máis veciños da comarca que se vexan afectados polas demoras da sanidade pública.

Por eso, a plataforma convidou aos que se encontren nesta situación a acudir a esta primeira asemblea.

De principio a Asociación recibiu o apoio do Concello de Vilagarcía, que lle cede o uso dun dos espazos do Auditorio para as reunións, e tamén do deputado autonómico do PSOE, Julio Torrado, que os porá en contacto cun colectivo semellante de Santiago.

Así nolo explicaba o portavoz do colectivo Jaime Magalef.

#hoxeenArousaPontevedraDíaaDía

#de12a1430

O Concello de Vilagarcía considera que as festas de San Roque foron todo un éxito tanto de público como no apartado de loxística e limpeza.

O alcalde, Alberto Varela, e a Concelleira de Cultura, Sonia Outón, xunto co Concelleiro de Obras, Lino Mouriño, fixeron balance esta mañá das festas parroquiais nas que se investiron 278.109 euros cuns ingresos por patrocinios e subvencións de 72.000 euros.

O rexedor asegurou que “recibin moitas felicitacións pola programación pero tamén polo gran traballo nas rúas e pola boa imaxe que queda da cidade tras eventos multitudinarios como a Festa da Agua”, polo que agradeceu ao traballo de todo o persoal municipal.

Ademáis, segundo a Concelleira den Cultura “este ano notouse que non houbo coincidencia de citas na programación e para o ano que ven xa hai que pensar en cambios de espazos que quedan pequenos e que hai que valorar outros sitios”.

#hoxeenArousaPontevedraDíaaDía

#de12a1430

O PP de Cambados critica a situación da Escola Municipal de Música, que debería comezar o curso o vindeiro día 16, pero, segundo a formación popular, a día de hoxe os pais e alumnos ainda non teñen ninguna información nin constancia de que a súa matrícula fora aceptada.

Dende a formación popular, o seu portavoz Luis Aragunde amosaba esta mañá o seu descontento pola xestión do goberno local que “nestes tres meses de mandato non resolveu o contrato coa empresa para dar este servizo”.

Ademáis, a concelleira do PP, Sabela Fole, como unha das nais afectadas, lamenta o "agravio" xerado pola falta de información sobre o estado das matrículas e o "descontento inmenso" das familias dos 200 nenos que acuden á Escola Municipal de Música.

Dende o goberno local, as críticas populares tiveron rápida resposta por parte da alcaldesa.

Fátima Abal, asegura que o curso na Escola Municipal de Música comezará con normalidade o día 16 de setembro e que o martes xa deberían de estar colgados os listados de matrícula nos taboleiros.

Sobre a concesión do servizo, o contrato está pendente de adxudicación á espera de que se cumpran os prazos de exposición pública e estará resolto no mes de novembro.

O portavoz de Partido Popular de Cambados, Luis Aragunde, abordou tamén ás novas negociacións da esquerda para chegar a un posible tripartito.

Aragunde calificou esta situación de "esperpéntica" e asegurou entender ás desconfianzas do portavoz nacionalista, Víctor Caamaño, sobre os seus antigos compañeiros de goberno, xa que, entende Aragunde, "é moi difícil gobernar con algún dos concelleiros".

#hoxeenArousaPontevedraDíaaDía

#de12a1430

O Club Clásicos Salnés celebra este vindeiro domingo 8 de setembro a XVII Concentración de Clásicos do Albariño na que participarán 121 vehículos dos anos 60, 70 e 80.

Os vehículos clásicos, chegados dende diferentes puntos de Galicia, Madrid e mesmo de Valladolid, concentraránse na Praza de Fefiñáns de Cambados de 9 a 11:30 horas da mañá e posteriormente percorrerán a comarca do Salnés cun roteiro por todos os municipios.

Os detalles explicábaos esta mañá un dos organizadores Laureano Piñón, do Club Clásicos Salnés, acompañado do teniente de alcalde de Cambados, Tino Cordal.

#hoxeenArousaPontevedraDíaaDía

#de12a1430

Vilanova foi o lugar elexido este ano pola Asociación Nacional de Gardas Civis para celebrar a súa homenaxe ás víctimas das Forzas Armadas, Corpos de Seguridade e Seguridade Privada, caidas en acto de servizo ou por terrorismo.

O acto será o 28 de setembro, tal como explicaba esta mañá o vicepresidente do colectivo na presentación do evento, acompañado do alcalde, Gonzalo Durán.

#hoxeenArousaPontevedraDíaaDía

#de12a1430

En Cambados, volve a haber contactos para un goberno tripartito

Tres meses despóis da brusca ruptura das negociacións, PSOE, Somos e BNG retoman as conversas para reconducir a situación e tentar devolver a gobernabilidade ao municipio.

Este pasado martes foi o primeiro encontro e as tres formacións manterán unha nova reunión o vindeiro martes para tratar de avanzar cara a un tripartito de esquerdas.

O portavoz de Somos Cambados, Tino Cordal, expresaba nas súas impresións sobre a primeira toma de contacto que pese ao acordo asinado co PSOE previo á investidura sempre se mantivo aberta a posibilidad de entrada do BNG no goberno.

#hoxeenArousaPontevedraDíaaDía

#de12a1430

Vilanova reune este domingo a 300 deportistas de toda Galicia con motivo da Regata da Liga Galega de Piragüismo na categoría Infantil, K1 e C1.

A regata celébrase un ano máis no Esteiro de Vilanova, a partir das 11:00 horas, e a saída será dende a pasarela peonil de O Terrón.

Así o explicaba José Manuel Vázquez, director deportivo do Club Náutico "O Muiño" de Ribadumia, acompañado do alcalde de Vilanova, Gonzalo Durán e do presidente da Federación Galega de Piragüismo, Alfredo Bea, na presentación da Regata.

#hoxeenArousaPontevedraDíaaDía

#de12a1430

A Asociación Galega de Atrofia Muscular Espinal (AME) GaliciAME, convoca por segundo ano consecutivo unha beca económica para fomentar a investigación desta enfermidade, tanto a nivel nacional como internacional.

O obxectivo é seguir avanzando neste campo no que todavía a investigación é escasa, tentado así facilitar a posta en marcha de proxectos novidosos que melloren a calidade de vida dos afectados e as súas familias.

Nesta ocasión, o importe da beca é de 40.000 euros, recadados a través dos diferentes eventos e festivais benéficos organizados pola Asociación.

Os fondos van dirixidos a proxectos relacionados con aspectos relevantes da enfermedade.

O importe son 10.000 euros menos que o ano pasado pero suficentes para que se poida cumplir o obxectivo..

Así o decía esta mañá a presidenta de GaliciAme, Merchi Alvarez, na presentación da beca acompañada da alcaldesa de Cambados, Fátima Abal, e o Concelleiro de Servizos Sociais, Tino Cordal.

Poderán optar á axuda profesionais implicados na atención aos pacientes con AME (investigadores básicos, farmacólogos, neurólogos, pediatras, enfermeiras, mestres, fisioterapeutas, inxenieiros biomecánicos, informáticos, psicólogos, terapeutas ocupacionais, logopedas, traballadores sociais, etc.), ben sexa de forma independente ou multidisciplinaria.

O orzamento total do proxecto pode ser para un ou varios.

O prazo de presentación de ideas ábrese hoxe e rematará o 8 de novembro de 2019 ás 24 horas

O gañador da beca darase a coñecer na semana do 18 ao 22 de novembro e deberá estar presente na V Gala benéfica a prol da AME, que terá lugar en Cambados o 6 de decembro, onde se realizará o acto de entrega de forma presencial.

Todos os proxectos recibidos serán valorados por un xurado composto por catro persoas cualificadas neste campo de investigación, elexido pola directiva da Asociación.

#hoxeenArousaPontevedraDíaaDía

#de12a1430

A piscina municipal de Cambados abrirá de novo as súas portas a mediados deste mes de setembro tralas obras de reforma realizadas pola Deputación e o Concello e que se alongaron máis do previsto.

A alcaldesa Fátima Abal estima que as instalacións entren de novo en funcionamento co inicio do curso escolar ainda que será sen o equipamento definitivo ainda pendende de licitación debido o período vacacional tanto nas empresas como na administración.