#hoxeenArousaPontevedraDíaaDía

#de12a1430

Vilagarcía volverá a soar a música clásica a partir deste sábado.

A Sociedade Filarmónica de Vilagarcía abre a súa tempada 2019/20 con sete concertos que se celebrarán no Auditorio municipal ata o mes de maio.

As entradas terán un prezo de 18 euros para o público en xeral e serán gratuitas para os integrantes da Sociedade Filarmónica.

Serán concertos de gran nivel, tal como comentaba a Concelleira de Cultura de Vilagarcía, Sonia Outón, na presentación dos ciclos, acompañada do presidente da Sociedade Filarmónica, José Luis Sanz, e o alcalde Alberto Varela.

O presidente da Sociedade Filarmónica tamén aproveitou a ocasión para facer un chamamento á cidadanía ante o seu reto de “ atraer á xente de menor edad que garanta o futuro da sociedade”.

Formar parte da mesma ten un custe de 10 euros ao mes e permite aos seus membros acceder libremente a numerosos concertos.

#hoxeenArousaPontevedraDíaaDía

#de12a1430

Portonovo celebra esta fin de semana a II Festa da Empanada Mariñeira, organizada polo Club de Piragüismo e a Confraría de Pescadores San Roque.

A cita gastronómica terá lugar o sábado 28 e o domingo 29, co fin de dar un novo impulsa á promoción dos productos do mar da ría, con degustacións de ata 15 especialidades de empanada: dende xarda, congrio, volandeira ata percebes, anguía ou mesmo algas.

Ademáis, os asistentes poderán disfrutar de todo tipo de actividades lúdicas, showcookings, obradoiros e actuacións musicais.

Asimesmo, celebrarase o Concurso da Empanada Mariñeira nas súas dúas modalidades, unha premiará as propostas presentadas polas diferentes confrarías de pescadores e outra popular.

Os detalles nolos contaba o Presidente do Club de Piragüismo, Alberto Rodríguez, na presentación da Festa.

#hoxeenArousaPontevedraDíaaDía

#de12a1430

A Xunta de Galicia está a punto de rematar as obras que se están a realizar no Centro Ocupacional de Saiar, en Caldas de Reis destinadas a mellorar a comodidade e o benestar dos usuarios e incrementar a eficiencia enerxética do inmoble.

As actuacións, iniciadas xa no primeiro trimestre do ano, supoñen un investimento de preto de 500.000 euros.

As obras contemplan o cambio do tellado, a renovación do chan e dos aseos e o aillamento térmico da fachada.

O Centro Ocupacional de Saiar ten 40 usuarios e imparte actualmente obradoiros de cesteria; encadernación; carpinteria; pintado e vernizado; xardineria e horticultura, costura; bixutería; tecidos e reciclaxe de papel.

Ademáis conta con servizos de aula educativa, departamento de psicoloxía e actividades deportivas, culturais, de ocio e de tempo libre.

Os detalles nolos contaba esta mañá a Conselleira de Política Social, Fabiola García, durante unha visita ao centro.

#hoxeenArousaPontevedraDíaaDía

#de12a1430

O Concello de Meaño adhírese, a través da Deputación. ao Plan Europeo de Eliminación de Enerxía Fósil, de cara ao uso de enerxía renovables no 2050.

Deste xeito, unha actuación conxunta entre goberno provincial e local permitirán o cambio de 315 luminarias por tecnoloxía led cun investimento de 100.000 euros, procedentes nun 80% de fondos europeos e o restante de partidas da Deputación -7.500 euros- e o Concello -12.500 euros-.

Os puntos de luz que sustituirán están ubicados na PO 303 no tramo entre Simes e Castrelo e permitirán un aforro do 50% na factura eléctrica.

Esta iniciativa forma parte dos 4 millóns de euros de fondos europeos recibidos pola Deputación para investimentos na provincia en materia de eficiencia enerxética.

Os detalles nolos contan o Deputado provincial Santos Héctor e o alcalde de Meaño, Carlos Vieitez.

#hoxeenArousaPontevedraDíaaDía

#de12a1430

O Concello de Sanxenxo márcase o reto de conseguir tres novas bandeiras azuis nas praias do municipio, que se sumarían as 14 xa existentes.

O obxectivo do goberno municipal é que o vindeiro ano luzan a insigna medioambiental as praias compartidas de Areas Gordas e Lapa e Nosa Señora e Foxos.

Para elo, efectuarase un desdobramento dos areais, dotándoos dunha torre de salvamento e mellores accesos.

A terceira bandeira azul estará destinada para Area de Agra, onde o Concello mercará dúas leiras próximas para dotar á praia de prazas de aparcamento, un módulo de salvamento e a finalización do saneamento das vivendas da contorna.

Segundo o Concelleiro de Medio Ambiente, Juan Deza, Sanxenxo inviste cada verán nas praias 685.000 euros e o Concello contratará a seis operarios para o mantemento dos areais durante todo o ano.

Asimesmo, nos vindeiros días comezará a reforma de Punta Vicaño, coa creación dun estanque e a reestruturación dos itinerarios peonís, mellorando a drenaxe da ladeira.

#hoxeenArousaPontevedraDíaaDía

#de12a1430

O Concello de Cambados estuda a posibilidade de instalar cámaras de control de vehículos nas zonas peonís do centro urbano para permitir o acceso únicamente aos residentes.

Sería unha das novidades que incorporaría o Plan de Mobilidade que unha empresa especializada está elaborando para o Concello.

As cámaras, que realizarían un control de matrículas, ubicaríanse en principio no entorno de Fefiñáns para ir introducíndose posteriormente noutros entornos xa peonalizados, tal como explicaba o Concelleiro de Mobilidade e Seguridade Cidadá, Tino Cordal.

.

#hoxeenArousaPontevedraDíaaDía

#de12a1430

O Concello de Vilagarcía elaborou unha guía do seu programa “Vas? Vai” que reune todos os seus servizos de mobilidade.

Alí se informa sobre o Vaibike, o Vaibus, o Vaibus+ e, ademáis, como novidade o Vaiapé, un metrominuto coas rutas para percorrer a cidade camiñando.

A guía distribuirase entre todos os fogares de Vilagarcía mediante 15.000 exemplares editados e do seu reparto encargaranse diferentes colectivos sociais como Bata, Con Eles ou Lar que se contratarán mediante o Plan Socio Laboral.

Así o explicaba esta mañá a Concelleira de Mobilidade, Paola María, na presentación deste programa municipal.

#hoxeenArousaPontevedraDíaaDía

#de12a1430

A Mancomunidade do Salnés lidera un proxecto tecnolóxico que permitirá converter aos municipios da comarca en Concellos Intelixentes.

Trátase do Proxecto Interreg Europa, financiado con 1 millón de euros de fondos europeos, que creará laboratorios, un deles na comarca, onde se desarrollarán tecnoloxías innovadoras destinadas ás pemes, dentro do concepto “Smart City”.

Con elas poderase ter coñecemento de datos como o número de persoas que entran nun lugar ou establecemento privado ou público ou mesmo as que se paran a contemplar un escaparate.

A iniciativa ponse en marcha conxuntamente coa Deputación e o Concello de Ourense e a Universidade de Vigo e a Xunta de Galicia que hoxe tiveron a primeira reunión de seguimento na sede da Mancomunidade, en Exposalnés en Cambados.

O Proxect Interreg ten un plazo de execución de dous anos e será especialmente beneficioso para concellos como Sanxenxo ou O Grove que xa son Destinos Turísticos Intelixentes.

Os detalles nolos contaba esta mañá o xerente da Mancomunidade, José Ramón Guinarte.

#hoxeenArousaPontevedraDíaaDía

#de12a1430

A firma alimentaria Gadis, unha das patrocinadoras do Torneo Encestarrías de Baloncesto, celebrado a pasada semana en Vilagarcía, entregou esta mañá 800 kilos de alimentos a Cáritas Interparroquial conseguidos no marco da celebración do Torneo.

Así o explicaban o presidente da Asociación organizadora, Diego Doval, o delegado da Área de Gadis en Pontevedra, Pablo Louro, e o director de Cáritas Interparroquial de Arousa, Francisco Fernández, durante o acto de entrega.

#hoxeenArousaPontevedraDíaaDía

#de12a1430

Os alcaldes de Vilagarcia e Caldas, Alberto Varela e Juan Manuel Rey, explicaron esta mañá a súa valoración do encontro mantido este luns en Portas coa Conselleira de Medio Ambiente, Angeles Vázquez, sobre o proxecto da Vía Verde do Salnés.

Nesa xuntanza, a Conselleira aseguraba que a Xunta mantiña a reserva de 175.000 euros da súa aportación económica pero sinalaba que era necesario un novo estudo da situación para ver en que maneira se pode artellar a participación do Goberno galego na execución do proxecto.

Os rexedores de Vilagarcía e Caldas califican a reunión de “desagradable e brusca” e reclaman á Xunta que rectifique, que ainda está a tempo.

Insisten en que a Xunta debe aportar o 35% real do proxecto contando o IVE, é dicir os 200.000 euros comprometidos inicialmente pola predecesora de Angeles Vázquez, e que se cumplan os prazos.

Asimesmo, aseguran non entender as declaracións do novo alcalde de Portas que acusaba á Deputación de deixar descolgado do proxecto ao seu municipio, xa que, afirman, a administración provincial é a única que está cumplindo.

Ademáis, reflexan o esforzo económico que ambos concellos terán que facer para asumir a diferencia da aportación inicial de Portas, que finalmente quedará nun 10% do orzamento.

Así se pronunciaban Juan Manuel Rey e Alberto Varela.