O Concello de Vilagarcía organiza unha charla informativa sobre as “cinco claves para o éxito das finanzas persoais”.

A charla-coloquio será este xoves 21 de setembro ás 20 horas no Auditorio, impartida pola economista e asesora financeira Patricia Roldán, na que se analizará qué facer cos aforros evitando decisións que podan arruinar o futuro.

Durante o acto abordaranse temas sobre débedas, aforro, xubilacións, nivel de vida ou patrimonio, dando claves sobre a toma de decisións sobre asustos de diñeiro e educación financeira.

Para asistir non é necesaria inscripción previa pero pode facerse, quen así o desexe, mediante Facebook, Patricia Roldán asesora, e por WhatsApp 677457870.

Así o explicaban esta mañá o Concelleiro de Consumo, Juan Antonio Pérez Callón e a economista Patricia Roldán, nunha rolda de prensa que recollemos en AROUSA PONTEVEDRA DIA A DIA.

O Festival Bule na Noite, celebrado en Cambados este pasado sábado como despedida de verán dos máis pequenos do municipio, conseguiu recadar máis de 700 unidades de material escolar entre mochilas, libretas, lápices ou estuches.

A aportación era o único requisito para participar nesta iniciativa, promovida dende a Concellería de Servizos Sociais en colaboración con Nordalaina e o Clube de Atletismo de Cambados, e na que se inscribiron 150 pequenos.

O material recadado repartirase agora entre unhas 50 familias do municipio, que tamén son receptores do banco de alimentos.

Os detalles explicábaos esta mañá o concelleiro de Servizos Sociais, Tino Cordal, acompañado de Bárbara Abal, da empresa organizadora, e María Casal, do departamento de Servizos Sociais, nunha rolda de prensa que recollemos en AROUSA PONTEVEDRA DIA A DIA.

O Concello de Vilanova cree que chegou o momento de invertir en ocio e cultura unha vez cubertos os sevizos básicos e conseguir así unha sociedade máis preparada.

Por tal motivo, o goberno local está promovendo novas instalacións no recén estrenado pabillón multiusos, coa creación de dúas novas salas de 200 metros cadrados cada únha.

A primeira delas, que xa está en execución, acollerá un ximnasio de cardio e musculación cun investimento de 45.000 euros e estará lista para o seu uso a principios do ano que ven.

A segunda sala, que se creará no 2018, estará destinada a diversas actividades.

A maiores, o Concello tamén inicia a posta a punto dos campos de futbol do municipio e instalacións deportivas cunha inversión total de máis de 100.000 euros.

Así o explicaban esta mañá o alcalde, Gonzalo Durán, e o concelleiro Javier Tourís, nunha visita ás obras que recollemos en AROUSA PONTEVEDRA DIA A DIA.

A Conselleira do Mar reiterou esta mañá a súa postura sobre a proposta do alcalde Alberto Varela para que Vilagarcía acollera a sede do laboratorio de moluscos europeo, que abandonará Gran Bretaña tralo Brexit.

Rosa Quintana incidiu na importancia dunha proposta común de país e evitar os localismos, tal como recollemos en AROUSA PONTEVEDRA DIA A DIA.

Pola súa banda, o alcalde Alberto Varela entende que solicitar para Vilagarcía o laboratorio europeo de moluscos “non é localismo senon pura lóxica”.

O rexedor argumenta que “Vilagarcía conta cun prestixioso laboratorio con décadas de experiencia dedicado ao control técnico-sanitario dos productos do mar e con especial atención aos moluscos bivalvos, circunstancia que, simplemente por eficacia e eficiencia, sería un erro obviar”

Ademáis, Varela considera que “unha conselleira non lle pode aconsellar a un alcalde que non pida para a súa cidade, máximo cando en Vilaxoán se atopa un centro punteiro en Europa en materia de análise e control do Medio Mariño como é o Intecmar”

Por último, o alcalde está convencido de que “na consellería  tamén opinan que o Intecmar e o lugar idóneo para acoller este servizo e o que temos que facer é traballar ombro con ombro para conseguilo”.

Paralelamente, no Parlamento de Galicia, a Comisión de Pesca aprobou hoxe unha proposta do PSdG para pedirlle á Xunta que se presente como “candidatura formal do Estado” a acoller ao Laboratorio Comunitario de Control Bacteriolóxico de Bivalvos.

A Conselleira do Mar, Rosa Quintana, desbota que a talla da ameixa se rebaixe a 35 milimetros en varias zonas extractivas da ría de Arousa.

A petición partíu do patrón maior de Carril, José Luis Villanueva, que levará a proposta a semana que ven ante a xunta xeral do pósito para despois trasladar o debate ás demáis confrarías da ría e poder realizar unha demanda conxunta ante a Consellería do Mar.

Sen embargo, Rosa Quintana avanza xa a súa resposta negativa a que se rebaixe o tamaño mínimo da ameixa que se captura nun entorno natural.

Así o explicaba nunhas declaracións en A Illa de Arousa que recollemos en AROUSA PONTEVEDRA DÍA A DIA.

O Concello de Cambados segue realizando actuacións dentro do Plan de Optimización Enerxética 2015-2019.

A última é o cambio de 150 luminarias na recta de Castrelo con tecnoloxía led, que conseguirán un aforro de 12.000 euros anuais, ademáis dun menor impacto ambiental e mellor iluminación.

A inversión foi de algo máis de 32.000 euros financiados a través do Plan Concellos da Deputación de Pontevedra.

Con esta nova medida, o Concello estima gastar en consumo eléctrico 100.000 euros menos ao ano, é dicir un 22% de aforro con respecto as cifras de 2015.

A próxima actuación, tamén a través do Plan Concellos, será na Avda de Vilariño, para chegar así a unha reducción do gasto enerxético do 30% en 2019.

Os detalles de todo elo explicabao o concelleiro de Obras e Servizos, José Ramón Abal, acompañado polo director da obra, durante a supervisión dos traballos en Castrelo que recollemos en AROUSA PONTEVEDRA DIA A DIA.

O persoal da área sanitaria do Salnés volveu concentrarse este mediodía en protesta pola reforma da Lei de Saúde.

Será a última concentración semanal que se realice xa que a xunta de persoal do Hospital do Salnés, prefire, a partir de agora, adicar todas as forzas á preparación das novas accións acordadas na Plataforma pola Defensa da Sanidade Pública, reunida nas últimas horas.

Entre elas, unha gran manifestación o próximo día 29 de setembro que saldrá dende a Casa do Mar de Vilagarcía ás 20.30 horas.

Ademáis, tamén editarán 10.000 folletos informativos para repartir entre a cidadanía aproveitando días de gran afluencia en Vilagarcía ou Cambados, como os mercadillos semanais.

A maiores, a Plataforma do Salnés prepara tamén unha convocatoria dirixida a todas as asociacións dos seis concellos que forman parte desta área sanitaria, que coa reforma será eliminada para converterse nun distrito con Pontevedra.

Todo elo o explicaba esta mañá a representante da xunta do persoal do Hospital do Salnés, Celia Iglesias, durante a concentración realizada ante as portas do centro de Rubiáns, que recollemos en AROUSA PONTEVEDRA DIA A DIA.

A última concentración semanal coincidiu coa sesión de control no Parlamento de Galicia na que o portavoz do Grupo Socialista, Xoaquín Fernández Leiceaga, reclamou a Feijóo que “volva á casilla de saída” e retire o anteproxecto de reforma da Lei de Saúde concebido, asegurou, para reducir servizos.

O responsable socialista dedicou a sesión de control ao presidente no Pleno de hoxe para cuestionar unha reforma que entende “só beneficia á sanidade privada”.

Unha sesión que foi seguida de preto polo alcalde de Vilagarcía, Alberto Varela, que se trasladou a Cámara Galega ao igual que outros alcaldes de áreas sanitarias afectadas.

Os máis pequenos de Cambados teñen este sábado unha festa de despedida do verán e adaptación ao novo curso escolar que acaba de comezar.

Trátase do Festival “Bule na Noite” que terá lugar no entorno de San Tomé a partir das 20 horas con tres actividades distintas: clase de zumba, carreira infantil e unha actuación musical.

A iniciativa, promovida dende a Concellería de Servizos Sociais, terá ademáis unha finalidade solidaria coa entrega de material escolar para poder participar.

O recadado será entregado ás familias máis necesitadas do municipio.

Así o explicaban esta mañá o concelleiro Tino Cordal e unha das organizadoras de Bule na Noite, Bárbara Abal, na presentación do Festival que recollemos en AROUSA PONTEVEDRA DIA A DIA.

O PP de Ribadumia faise eco dun problema que os veciños de Barrantes e Sisán teñen cos recibos da auga.

Segundo asegura a edil popular Salomé Peña, o Concello non leeu os contadores o ano pasado e agora os residentes nesas zonas deben pagar recibos co consumo de dous anos.

Un importe que se ve incrementado considerablemente polo canon da auga que penaliza o consumo elevado.

Deste xeito, algúns veciños que pagaban 90 euros ao ano agora deben abonar 2.600 euros.

A solución que aporta o Concello, indica a concelleira do PP, é fraccionar o importe en dous pagos, unha medida que, sen embargo non convence aos populares.

Por tal motivo, o PP de Ribadumia requeriu xa ao Concello que anule eses recibos, devolva o diñeiro correspondente e cree unha oficina de asesoramento sobre os trámites a realizar.

Salomé Peña atribue esta situación á mala xestión do goberno tripartito, segundo o decía nunhas declaracións que recollemos en AROUSA PONTEVEDRA DIA A DIA.

O grupo provincial do PP presentou esta mañá en Sanxenxo unha moción que levará ao pleno da Deputación para promover a desestacionalización do turismo.

Os populares propoñen a creación dunha mesa de traballo integrada por representantes do sector, Xunta e alcaldes, ademáis da administración provincial.

Os obxectivos avanzábaos esta mañá o portavoz do grupo provincial Angel Moldes, acompañado dos deputados Luis Aragunde e Salomé Peña, ademáis do alcalde de Sanxenxo, Telmo Martín, nunha rolda de prensa no paseo marítimo de Silgar que recollemos en AROUSA PONTEVEDRA DIA A DIA.