Portos de Galicia rematará nos vindeiros días as obras de pavimentación que está a executar no peirao de O xufre, na Illa de Arousa,

A actuación, na que a Consellería do Mar inviste máis de 21.000 euros, ten como obxectivo mellorar as condicións de traballo dunha zona do porto que acusaba un forte desgaste debido ao numeroso tránsito de vehículos pesados na actividade diaria.

En concreto, os traballos consisten na extensión dunha nova capa de rodadura de 5 centímetros de espesor na zona interior do peirao. Deste modo, a nova superficie pavimentada entroncará directamente coa zona perimetral pavimentada en formigón que se atopa xa en bo estado.

Os detalles explicabaos esta mañá o presidente de Portos de Galicia, José Juan Durán, que tamén adiantou que os traballos de construcción dos pantaláns de terceira lista avanzan a bo ritmo e se verán complementados con outras actuacións.

Así o decía José Juan Durán durante unha visita ao peirao de O Xufre que recollemos en AROUSA PONTEVEDRA DIA A DIA.

O presidente de Portos de Galicia, José Juan Durán, presentou esta mañá a nova Guía Náutica de Galicia no Club de Golf de A Toxa.

Trátase dunha nova edición que incorpora os tres novos puertos deportivos de A Toxa, Redondela e Rianxo.

A Guía Básica dos Servizos Náuticos de Galicia vanse a distribuir nos próximos salóns náuticos internacionais de Gran Bretaña e Francia, editada en catro idiomas, inglés, frances, español e galego. Tamén se está preparando en alemán.

Son detalles que explicaba o Presidente de Portos de Galicia, nun acto no que tamén estivo presente o representante do porto da Toxa, Francisco Alvarez, e que recollemos en AROUSA PONTEVEDRA DIA A DIA.

Novo capítulo sobre a situación da residencia Valle Inclán de Vilanova.

Segundo anunciou a CIG, a Xunta da a razón ao sindicato presentando no rexistro mercantil dúas resolucións.

Na primeira retira a autorización á empresa Viaxes Silgar para seguir ofrecendo os servizos e a segunda clausura o centro.

Segundo o sindicato, a orde de peche é de principios de xullo e nela a Consellería de Política Social da á xerencia do centro un plazo de dous meses para finalizar a actividade.

Un período que, tal como establece o documento, se cumpliría o día de onte.

Así o explicaba o portavoz comarcal da CIG, Xoan Xosé Bouzas Aboi, nunha rolda de prensa que recollemos en AROUSA PONTEVEDRA DIA A DIA.

Os alcaldes promotores do proxecto da Vía Verde do Salnés, que decorrerá por Vilagarcía, Caldas e Portas, agardan que as obras poidan comezar o ano que ven.

Previamente, deben conseguir o financiamento dos 530.000 euros que custa converter a xa en desuso vía do ferrocarril que pasa polos tres municipios nun sendeiro que poida atraer o turismo de natureza.

De momento teñen xa o compromiso da Deputación de Pontevedra, pero sempre e cando se impliquen tamén a Xunta e o Estado.

Os tres rexedores, Alberto Varela; Juan Manuel Rey; e Víctor Estévez, presentaron esta mañá o proxecto da Vía Verde do Salnés unha vez que xa lles foi remitido pola Fundación de Ferrocarrís.

Agora, a súa intención é poñer en marcha a iniciativa canto antes.

Así o explicaban nunha rolda de prensa que recollemos en AROUSA PONTEVEDRA DIA A DIA.

A primeira edición da Ocean Lava Galicia pasará polo tramo da ruta do Padre Sarmiento que une Cambados, Vilanova e A Illa.

A proba terá lugar este vindeiro sábado 10 de setembro dende as 8.30 horas.

A competición comezará coa proba a nado dende o Porto de San Tomé ata o de Tragove, onde os atletas cambiarán a auga pola bicicleta nun percorrido por varias zonas do municipio.

Finalmente, desenvolverase a carreira a pe entre Tragove e a Illa de Arousa, pasando por Vilanova.

De momento son 240 os atletas inscritos, tanto de Galicia como de España.

Os datos explicábaos esta mañá o organizador da proba, Ismael García, acompañado do Concelleiro de Deportes, Victor Caamaño, o alcalde de A Illa, Carlos Iglesias, e o fundador da Ocean Lava, Kenneth Gasque.

Foi nunha rolda de prensa que recollemos en AROUSA PONTEVEDRA DIA A DIA.

O Concello de Cambados pon en marcha unha campaña contra a Vespa Velutina que se prolongará durante todo o outono.

Concretamente, os membros de Protección Civil colocarán trampas con líquidos doces en espazos públicos e privados para capturar aos insectos asiáticos cada vez máis presentes en fincas, viñedos e árbores.

No que vai de ano, Protección Civil leva recollidos máis de 200 niños de velutina en todo o municipio.

Unha vez remate a vendima tamén se agarda un repunte das alertas veciñais debido á mellor detección das colmenas.

O Concello pide a colaboración dos veciños para permitir a colocación das trampas nas súas propiedades.

Así o explicaban o concelleiro Victor Caamaño, a técnico de Medio Ambiente, Eva Padín, e o responsable de Protección Civil, Iván Marín, nunha rolda de prensa que recollemos en AROUSA PONTEVEDRA DIA A DIA.

O Concello de Cambados está completando a mellora de seguridade vial do entorno de Burgáns, na parroquia de Vilariño.

A actuación consiste na creación de beirarrúas e reparación do firme no tramo de entronque entre Martín Codax e o colexio de Vilariño.

Os traballos xa comezaron esta semana cun prazo de execución de tres meses, de tal xeito que quedarán rematados a finais de ano.

A actuación realízase dentro do Plan Concellos 2016 da Deputación e foi adxudicada a Marconsa por un importe de 72.000 euros, tras unha rebaixa de preto de 40.000 euros con respecto ao orzamento inicial.

Os detalles explicábaos esta mañá o concelleiro de Obras e Servizos, José Ramón Abal, durante a supervisión das obras que recollemos en AROUSA PONTEVEDRA DIA A DIA.

O presidente de Portos de Galicia, José Juan Durán, presidiu hoxe a reunión de coordinación de clubs náuticos de Galicia, nun encontro celebrado no club náutico de Pedras Negras no Grove.

Na reunión estiveron presentes unha vintena de xestores de portos deportivos, clubs náuticos e marinas das tres provincias costeiras.

O titular de Portos de Galicia e os responsables das operadoras náuticas deseñaron a estratexia que seguirán de xeito coordinado para as tres feiras internacionais que terán lugar durante o mes de setembro, no caso de Southampton e La Rochelle, e nos mes de decembro, no caso de París.

O obxectivo nos tres casos será “incrementar a captación de clientes náuticos e actividade económica para os nosos portos”, en palabras de Durán Hermida.

Así mesmo, o presidente de Portos de Galicia destacou “os bos resultados que estas accións de promoción están a ter nas cifras de chegada de embarcacións náuticas a Galicia”.

Non en van, “entre o 1 de xaneiro e o 31 de xullo chegaron a Galicia máis de 5.300 barcos en tránsitos, un 20 % máis que no mesmo período do ano anterior”.

O presidente de Portos de Galicia explicou que o ente público manterá a súa presenza directa e a través de novo material promocional nos eventos nacionais e europeos e impulsará a participación dos xestores que así o decidan, tanto no que resta de ano como de cara ao 2018.

Así nolo explicaba José Juan Durán ao inicio da xuntanza, nunhas declaracións que recollemos en AROUSA PONTEVEDRA DIA A DIA.

Nova concentración da xunta de persoal do Hospital do Salnés en protesta pola reforma da Lei de Saúde de Galicia

Os representantes dos traballadores volveron reclamar a retirada do anteproxecto elaborado pola Xunta nunha mobilización ante as portas do centro comarcal.

Ao tempo que continúan as concentracións, colectivos sociais, partidos políticos e sindicatos pretenden reactivar a Plataforma do Salnés en Defensa da Sanidade Pública

Esta plataforma será a encargada de coordinar as movilizaciones que desembocarán nunha gran manifestación, previsiblemente o venres 29 de setembro.

Trala primeira toma de contacto das últimas horas, a Pataforma volverá a reunirse mañana pola noite no Auditorio Municipal de Vilagarcía para seguir avanzando nas accións de protesta a desenvolver.

Así nolo explicaba a presidenta da Xunta de Persoal do Hospital do Salnés, Rosa Casal, durante a concentración celebrada esta mañá ás portas do centro sanitario comarcal nunha mobilización que recollemos en AROUSA PONTEVEDRA DIA A DIA.

A Mancomunidade do Salnés proxecta novas viaxes a Europa para promover o turismo de outono e primavera.

O obxectivo é visitar touroperadores en zonas turísticas para promocionar a natureza e cultura da comarca arousá a través da Variante espiritual e a Ruta do Padre Sarmiento.

A delegación tamén traballará cara a conseguir a declaración de Interés Internacional para a Festa do Albariño.

Concretamente, vanse realizar accións de promoción na cidade de Nápoles.

Alí, a delegación arousá participará nunhas xornadas internacionais sobre peregrinación a Santiago

cunha conferencia sobre a Ruta do Padre Sarmiento.

Ademáis, manterán reunións con touroperadores especializados no Camiño de Santiago.

Detalles que explicaban esta mañá o presidente da Mancomunidade, Gonzalo Durán, e o delegado de Turismo Gonzalo Pita, nunha rolda de prensa que recollemos en AROUSA PONTEVEDRA DIA A DIA.