Actualidade local e comarcal deste venres 22 de novembro.

Recupéranse por hoxe as altas presións ainda que, segundo as previsións de Meteogalicia, durante a fin de semana iremos quedando progresivamente baixo a influencia dunha nova borrasca.

Para mañá sábado non se agardan precipitacións pero xa o domingo pola tarde chegará unha fronte moi activa.

De momento, hoxe quedamos nunha xornada de ceos despexados e temperaturas mínimas que descenden aos 7 graos mentres que as máximas mantéñense nos 16.

A Garda Civil desenvolve un operativo iniciado en Vigo pero con rexistros en diferentes puntos da provincia para a detención dunha banda que podería estar relacionada co asalto a unha vivenda de Ribadumia o pasado mes de outubro.

A plantilla do Hotel Balneario Isla de La Toja iniciou esta mañá cunha concentración ante o establecemento as mobilizacións en protesta polo ERE extintivo proposto polo grupo Hotusa.

A orde propietaria do asilo de Cambados comezou xa o traslado das 53 persoas que deben abandonar a residencia tralo anuncio de peche definitivo antes de Nadal.

Mentres, o grupo parlamentario socialista presenta emendas aos orzamentos da Xunta para o mantemento dun centro de maiores na comarca, segundo explicaron hoxe o alcalde Samuel Lago e a deputada Paloma Castro.

A Concellería de Servizos Sociais de Cambados está a realizar un seguimento da situación do home de 80 anos que convivía con 21 cans na súa propiedade e que se sospeita podería sufrir o síndrome de Noé.

O Concello de Meis volve a dirxirse á Xunta para reclamar maior cobertura de facultativos nos seus ambulatorios. A alcaldesa Marta Giráldez envía senllos escritos ao Conselleiro de Sanidade e ao xerente da Área Sanitaria de Pontevedra e o Salnés.

Vilagarcía conmemora este ano o 25 N cunha campaña baixo o lema Habelas Hainas con carteis en marquesinas, comercios, nun autobús e tamén en institucións para visibilizar a violencia machista fronte ao negacionismo e reflexar a resistencia das mulleres.

Vilagarcía clausurou hoxe o Obradoiro Dual de Emprego ‘FORME 23’, no que 20 persoas desempregadas se formaron durante un ano nas especialidades de Carpintería e Albanelería.

O Concello de Sanxenxo ten preparada unha intensa programación de Nadal que incluirá por primeira vez un mercadillo navideño e a figura do Grinch.

A Garda Civil de Sanxenxo investiga a un veciño de Meaño de 49 anos como supuesto autor dun delito de maltrato animal.

Non hai avances no conflicto laboral xurdido tralo Expediente de Regulación presentado polo grupo Hotusa para o Hotel Balneario Isla de La Toja que afecta a toda a plantilla. A dirección rexeitou a mediación do mediación do AGA e o comité de empresa decidiu volver iniciar o período de consultas o 25 de novembro,

O 1 de xaneiro comezarán os cambios programados polo goberno local despois de asumir a titularidade do parking Xoán XXIII con aperturas os sábados pola tarde e durante o verán amplíase o servizo ata as doce da noite, todos os días, de luns a sábado.

A Plataforma Social en Defensa dos Dereitos Nacionais de Galiza, Vía Galega, organiza unha nova campaña para divulgar e promover entre a cidadanía os símbolos galegos do himno e a bandeira.

Cambados súmáse as iniciativas para impulsar o uso da lingua galega en todos os ámbitos da sociedade ante o alarmante feito de que por primeira vez o galego perde falantes con respecto ao castelán.

O Concello de Vilanova clausurou esta mañá o obradoiro dual de emprego “Hostalería Mar de Santiago” no que ao longo dun ano se formaron 20 persoas desempregadas nas especialidades de Cociña e Servizos de Restaurante e Bar.

O Concello de Meaño inicia as obras de mellora da piscina municipal para reparar o vaso da zona infantil, dotar o espacio exterior de novo pavimento e estabilizar o muro lateral do peche do recinto.

A Fundación GaliciAme, que preside a cambadesa Merchi Álvarez, ten xa preparada a súa séptima Gala co fin de recadar fondos que lles permitan continuar as investigacións na procura de tratamentos para a atrofia muscular espinal.

A policía Local de Cambados e a Garda Civil reforzarán, alomenos durante esta semana, a vixiancia na entrada e saída das clases no colexio de Corvillón tralo incidente rexistrado onte por parte dun dos inquilinos da conflictiva vivenda da rúa Riveiro, ubicada na contorna do centro educativo.

O home detido polo altercado quedou en liberdade con cargos, acusado de atentado contra a autoridade e resistencia.

Segundo explica o alcalde Samuel Lago, un dos policías feridos está pendente dunha operación trala fractura nunha perna e o segundo evoluciona favorablemente das contusións.

25 alumnos do Instituto de Vilalonga tiveron que se desaloxados das aulas esta mañá debido ao incendio rexistrado nun cuadro electrico do Taller de Mecánica do centro educativo.

O sindicato CIG solicitou a intervención do Consello Galego de Relacións Laborais para que medie no conflicto derivado do ERE extintivo presentado polo grupo Hotusa para a totalidade da plantilla do Hotel Balneario Eurostars Isla de la Toja.

O Concello de Sanxenxo modificará o prego do contrato do lixo e volverá sacar a licitación este servizo tras prosperar os dous recursos de Arroupa e a Asociación Empresarial Galega de Centros Especiais de Emprego sen Ánimo de Lucro (Cegasal).

A asociación Esmar de víctimas de violencia de xénero celebrará este domingo día 24, en Cambados, a cuarta edición da súa Gala Solidaria co fin de recadar fondos que lles permitan continuar coas actividades de asesoramento e apoio ás mulleres.

o Obradoiro de Hostaleria do Salnés entregou a Cáritas Interparroquial de Arousa máis de 100 menús elaborados polo alumnado, cumprindo o convenio de colaboración coa entidade.

Un policía local resultou ferido nun novo episodio vinculado coa vivenda da rúa Riveiro, en Corvillón, Cambados, cuxos residentes veñen atemorizando á veciñanza dende hai varias semanas cos seus comportamentos.

O goberno loca de Vilagarcía congratúlase de que “por fin a

Xunta de Galicia teña a ben iniciar as obras das beirarrúas de Bamio, despois de quince anos do anuncio e case dous dende que o anterior delegado provincial da Xunta dixera publicamente que os traballos se iniciarán a comezos de 2023".

A Xunta de Galicia, a través de Agader, prevé iniciar o vindeiro ano cursos de formación agraria experimental no Pazo de Vista Real, tras a petición realizada neste sentido polo Concello de Vilanova.

O Concello de Ribadumia deu comezo ás obras de ampliación e mellora do camiño municipal entre Outeiro e Puxafeita, na parroquia de Ribadumia.

O grupo municipal de Somos Ribadumia critica que o goberno local teña instalado recentemente tres puntos limpos de proximidade sen os mecanismos de xestión correspondentes nin tampouco ter operativo o punto limpo de Leiro.

A Centro de Información á Muller da Mancomunidade de O Salnés, integrado polos Concellos de Cambados, Ribadumia, Meis, Meaño e Vilanova, conmemora o 25N coa campaña “Que parte de NON non entendes?”.

O Conservatorio municipal de Cambados conmemora este ano o 20 aniversario da súa fundación cun programa de seis actividades que se prolongarán ao longo do vindeiro ano.

O delegado territorial da Xunta en Pontevedra, Agustín Reguera, visitou esta mañá a sede da Asociación Cambados Zona Centro con motivo das subvencións para a dinamización dos centros comerciais abertos de Galicia.

O veciño do Grove, de 73 anos, Jacobo Naveiro, ferido no incendio da súa vivenda no que faleceu a súa muller, Elena Parada, xa foi dado de alta, despóis de permanecer varios días na UCI do Hospital Montecelo por inhalación de fume.

A dirección do Hotel Balneario Eurostars Isla de La Toja e o comité de empresa retomarán o día 18 de novembro as negociacións do ERE extintivo presentado polo grupo Hotusa aducindo causas obxetivas por motivos de organización e producción.

O alcalde de Cambados, Samuel Lago aproveitou hoxe a presencia da Conselleira de Política Social, Fabiola García, nun acto en Santiago enmarcado na conmemoración do 25N, ao que tamén se convidara ao Concello, para retomar as medidas de presión anunciadas tras ter coñecemento do peche do asilo antes de Nadal.

Tampouco o BNG de Cambados da por perdida a loita pola titularidade pública da residencia de anciáns do Pazo de Monte Sacro e organiza unha charla informativa que terá lugar mañá sábado ás 16.30 no Bar Alameda.

O Concello de Ribadumia vén de adquirir unha dotación de tres puntos limpos de proximidade para que a veciñanza deposite ata sete tipos de residuos domésticos de pequeno tamaño, facilitando así a súa catalogación e posterior reciclaxe.

O Concello de Sanxenxo propón adxudicar á empresa Inelsa Electricidade a mellora da iluminación e remodelación das bancadas do campo de fútbol de Noalla por importe de 104.000 euros.

O Conservatorio Profesional de Música de Vilagarcía conmemora este mes o seu 20 aniversario cun concerto do recoñecido instrumentista Abraham Cupeiro que terá lugar o venres 22 de novembro ás 20 horas no Auditorio Municipal de vilagarcía.

A Garda Civil detivo de madrugada ao presunto autor do crime machista de Baiona. O arresto produciuse en mesma parroquia de Belesar, onde reside o detido e onde o pasado venres foi localidado o corpo sen vida de Estela Blach.

Reaccións tralo incendio rexistrado este mércores nunha vivenda do Grove, no que faleceu unha das praceiras máis coñecidas da localidade: Elena Parada, tamén coñecida como A Roca. Persoal sanitario denuncia que a ambulancia medicalizada de O Salnés estaba camiño do hospital Montecelo cando se produciu o aviso do incendio. O BNG presentará iniciativas de urxencia no Parlamento.

Outro incendio afectou esta madrugada a un cuarto piso do Malecón de Ribeira no que se detectou un posible caso de síndrome de Dióxenes. O inquilino sufriu unha intoxicación e un bombeiro un golpe no tórax.

O sindicato CIG anuncia un importante conflicto laboral con despedimentos masivos que se producirá nunha empresa de ámbito comarcal. Desvelaran os detalles esta tarde nunha comparecencia pública en Vilagarcía.

O Concello de Vilagarcía e a empresa Fundivisa clausuraron hoxe a cuarta edición da formación especializada, coa entrega dos diplomas ao alumnado da man do alcalde, Alberto Varela, e do xerente da empresa Antonio Moreira.

O sector da conserva de China abre as portas á industria do Salnés, trala visita á comarca dunha delegación do empresariado chinés que está de viaxe por España na busca de novos mercados.

O Concello de Sanxenxo e o sector turístico do municipio márcanse un novo obxetivo: que o Nadal sexa a terceira tempada turística do ano, tralo verán e a Semana Santa.

O Concello de Ribadumia inicia as xestións para que o mercado municipal consiga o selo de excelencia para convertelo nun espazo competitivo e atractivo,

O Concello de Valga lamenta o falecemento da centenaria Manuela Duro Fernández, veciña de Casal de Eirigo, e traslada aos seus familiares e achegados as condolencias en nome de toda a Corporación e da veciñanza de Valga.

Xa é definitivo: o Pazo de Montesacro deixará de ser residencia de maiores de Cambados antes de Nadal. A orden relixiosa Hermanitas de los Ancianos Desamparados, propietaria do Pazo comunicou esta mañá ao alcalde Samuel Lago o peche definitivo do servizo, máis dun ano despóis de que se anunciase a saída do inmoble á venda.

Cun amplo despliegue policial pero sen incidencias e de forma voluntaria, desaloxouse esta mañá o edificio okupa do barrio de Abesadas, en Ribeira.

 

Xa están nas lonxas as primeiras centolas da tempada.

Nunha das máis cotizadas, na poxa do Grove, o crustáceo alcanzou un precio máximo que rozó los 28 euros por kilo, dous máis que o ano pasado.

O grupo municipal de Esquerda Unida en Vilagarcía oponse a “malgastar” medio millón de euros na renovación das farolas do paseo marítimo por considerar que se trata dun gasto excesivo e innecesario.

Durante esta semana, a circulación pola avenida de Rosalía de Castro ao seu paso pola praza da Constitución queda lixeiramente modificada, debido ao valado que instalado diante do vello asilo.

A Escola municipal de Música de Sanxenxo comezou o curso con 224 matriculacións e lista de agarda nas especialidades de adultos.

A Subdelegación do Gobierno en Pontevedera confirmou este luns que o asesinato de Estela Blach, a muller de 36 anos morta o pasado venres en Baiona, trátase dun crimen de violencia machista.

As lonxas de Arousa, e en especial a do Grove, recibirán esta tarde as primeiras pezas da campaña da centola, iniciada hoxe trala veda establecida dende o 22 de xuño.

Coincidindo coa apertura da veda, tamén comezan hoxe no Grove as Xornadas de Exaltación da Centola, organizadas por Emgrobes, que se prolongarán ata o 8 de decembro. 

Un grupo de mariscadoras de Noia concentrouse este mediodía ante a reunión semanal do Goberno da Xunta na localidade para exixir medidas contra a baixada de productividade nas rías.

Xornada de folga no sector de limpeza de edificios públicos da provincia de Pontevedra que entre hoxe e mañá retoma as mobilizacións iniciadas o pasado xaneiro en protesta pola falta de acordo nas negociacións do convenio colectivo.

A subdelegación do Goberno en Pontevedra activou hoxe o Plan de Viabilidade Invernal na rede de estradas da provincia trala sinatura do protocolo para a campaña 2024-25 rubricado polo subdelegado Abel Losada.

O paseo marítimo de Vilagarcía verá renovada antes dun ano toda a luminaria cun investimento que roldará os 550.000 euros, financiados a través do Plan de Recuperación do goberno de España, e con deseño do escultor local Elías Rey.

O acceso da Autovía do Salnés ao polígono empresarial de Nantes ten nova iluminación tras unha actuación promovida pola Xunta cunorzamento de 33.000 euros.

En Cambados comeza hoxe a campaña dos Bonos 3x2 de Outono, organizada pola Asociación Zona Centro en colaboración co Concello para incentivar as compras no comercio local nas datas previas ao Nadal.

A Deputación de Pontevedra aprobará este venres o novo convenio co Concello de Pontevedra por 1,3 millóns de euros para financiar o vial de Mollavao, segundo adiantou o vicepresidente provincial, Rafa Domínguez.

A nosa portada ábrese hoxe á provincia por un posible caso de asasinato por violencia machista acontecido en Baiona. A Garda Civil investiga a morte violenta dunha muller de 36 anos de idade, de iniciais E.B.S., cuxo cadaver foi localizado a primeira hora desta mañá na vivenda da súa exparella na parroquia de Belesar.

Susto de madrugada en Carril polo incendio do letreiro luminoso dunha farmacia, probablemente debido a un cortocircuito. A rápida intervención do Servizo Municipal de Emerxencias evitou que as lapas afectasen ao resto do edificio,

Vilagarcía prepárase para o Nadal cunha ampla programación navideña que o Concello volve a englobar baixo o nome de Nadalízate e que presentaban esta mañá a Concelleira de Cultura, Sonia Outón e o Concelleiro de Xuventude e Promoción Económica Alvaro Carou.

O Conselleiro de Educación Román Rodríguez, presentou en Vilanova o proxecto de mellora das instalacións deportivas do Colexio CEIP Sestelo-Baión, cun investimento de case 675.000 euros. A previsión é licitar as obras antes de que remate o ano para executalas en 2025.

A Xunta de Galicia destinará un investimento de 400.000 euros para actuacións de mellora de eficiencia enerxética no edificio dos xulgados de Caldas.

Tamén na Illa de Arousa executarase en breve unha actuación de eficiencia enerxética, neste caso por parte da Deputación de Pontevedra que aprobou hoxe o expediente para dotar ao centro sociocultural, situado nas Casas Modernistas, de instalacións de xeotermia sostibles, A iniciativa está enmarcada no programa de axudas estatais do IDAE que financia o 80%.

O Concello de Sanxenxo convoca o II Concurso de Iluminación “Deslumbra co teu Nadal” no que se repartirán 4.000 euros en premios e incorpora unha nova categoría para rúas e prazas.

O BNG de Sanxenxo lamenta que, a piques de rematar o ano 2024, aínda siga en pé un dos grandes elementos do feísmo de Sanxenxo, que “simboliza á perfección a política de formigón de Telmo Martín”.