A asociación de Amas de Casa O noso Lar de Vilagarcía pon en marcha o seu festival benéfico destinado ós máis desfavorecidos. Será o vindeiro luns día 8 ás 19:30 horas no Salón García de Vilagarcía, cunha entrada de 5 euros.

O festival incluirá a representación de dous sainetes cómicos por parte do grupo de teatro do colectivo e as actuacións do grupo de Baile B Troula e de Arousa Bay.

A iniciativa foi presentada esta mañá en Vilagarcía pola Presidenta da Asociación, María José Abelenda, e a directora do grupo de teatro do colectivo, Luisa Gundín.

Con elas falou a nosa compañeira Alba Piñeiro.

O BNG inicia no Salnés unha campaña de recollida de sinaturas entre veciños e colectivos para demandar á Xunta que a ampliación do Hospital comarcal sexa unha realidade no 2015.

Anunciábao esta mañá ás portas do centro hospitalario de Ande a deputada nacionalista Montse Prado.

Portos de Galicia comezará en breve unha nova actuación de mellora do porto de San Tomé en Cambados.

Trátase de renovar con losetas a imaxe da plaza da emblemática escalinata de acceso ó asilo de San Tomé, baixo á que se ubican as instalaciones do club de piragüismo da localidade.

Os traballos suporán un importe de 130.000 euros e comezarán despóis de Nadal, cun prazo de execución de entre dous e tres meses.

A actuación anunciábaa esta mañá o presidente de Portos de Galicia, José Juan Durán, que estivo esta mañá na zona acompañado polo alcalde Luis Aragunde, e cuxas declaracións recollemos en AROUSA PONTEVEDRA DIA A DIA..

Os traballadores en folga de Lantero volveron celebrar este mediodía unha asemblea ás portas da fábrica en O Pousadoiro na que ratificaron o seu total respaldo ás posicións do comité de empresa.

Unha vez máis, o encontro entre dirección e comité de empresa de Lantero rematou en fracaso e de novo a traba foi a exixencia da empresa de que se desconvoque a folga, coa mesma resposta negativa por parte do comité.

Os representantes dos traballadores seguen argumentando que non poden renunciar á folga despois de estar máis de mes e medio sen cobrar os salarios, sen ningunha garantía de que non haxa despidos.

En declaracións a AROUSA PONTEVEDRA DIA A DIA, O presidente do comité de empresa, Jesús López, calificaba de frustrante a reunión de onte, asegurando que a plantilla ten claro que non vai dar marcha atrás na convocatoria da folga se non hai garantías de que o ERE extintivo non se vai poñer en marcha.

Así pois, todo queda pendente dun novo encontro, que tardará en celebrarse máis dunha semana.

Será o venres día 12, de novo en Santiago baixo a mediación do Consello Galego de Relacións Laborais.

De non modificarse a data, o novo encontro negociador será o mesmo día en que se realice a segunda das manifestacións en apoio a Lantero, convocada pola plataforma por un emprego de calidade.

A marcha partirá da avenida da Mariña ás oito da tarde do día 12 para realizar o mesmo percorrido que a mobilización anterior. O acto concluirá tamén na praza da Peixería, onde desta volta terá lugar, a continuación, un concerto solidario todavía por ultimar.

De momento, a idea é que o público pague un prezo simbólico, unha entrada duns 2 euros por persoa, destinados á caixa de resistencia da folga.

O Auditorio de Vilagarcía acollerá o vindeiro domingo 7 de decembro a XVII Edición do Festival de Panxoliñas, organizado por Cáritas Interparroquial de Arousa coa colaboración do Concello de Vilagarcía.

Un total de 17 grupos da comarca participarán neste festival, que pretende recadar fondos a través dun donativo de 3 euros como entrada.

O Festival de Panxoliñas foi presentado esta mañá polo presidente de Cáritas, Francisco Fernández, e pola concelleira de Benestar, Elena Suárez.

Con eles falaba Alba Piñeiro para AROUSA PONTEVEDRA DIA A DIA.

Alberto Varela Paz, será o candidato do PSOE de Vilagarcía ás eleccións municipais, tras gañar a Fernando Quintela nas primarias celebradas este domingo.

A militancia socialista quiso confiar neste licenciado en derecho y trabajador del área de Urbanismo del Concello de Vilagarcía para recuperar a alcaldía da capital do Salnés.

A intención de Alberto Varela é reunirse cos distintos colectivos e veciños de Vilagarcia para escoitar as suas suxerencias e peticions para integralas no seu programa.

Os puntos centrais do proxecto co que pretende recuperar a alcaldía de Vilagarcía serán a xeracion de emprego, utilizar os cartos públicos con racionalidade, potenciar o turismo e aproveitar os recursos da localidade.

Intencións que detallaba

Alberto Varela nunha rolda de prensa celebrada esta maña e na que estivo o micrófono de AROUSA PONTEVEDRA DIA A DIA.

O salón de plenos de O Grove quedou pequeno para acoller ós numerosos veciños que quiseron asistir á sesión extraordinaria convocada exclusivamente para ampliar ata o doce de xaneiro o prazo de exposición pública do PXOM.

Un pleno cargado de tensión no que os veciños, ubicados mesmo por detras dos concelleiros e amoreados polas escaleiras ata a porta de entrada, interrumpían con frecuencia as intervencións dos membros dos grupos de goberno en contra do documento urbanístico.

Ó remate do pleno, sobre as 10 da noite, os membros do goberno local abandonaron o salón por medio dun corredor con veciños a ambos lados e entre abucheos e berros de demisión.

O concello de Vilanova mellorará a súa rede de WIFI municipal instalando fibra óptica para aumentar a súa velocidade.

Esta actuación será financiada por unha subvención de Deputación de 20.000 euros, e suporá unha aforro na factura do 50% ademáis de ser maís rápida e ter capacidade para máis usuarios.

Actualmente o concello de Vilanova abona 3.000 euros ó mes pola contratación da rede WIFI e conta con 8.000 usuarios que se conectan dende todos os puntos do municipio.

Por outra banda o alcalde de Vilanova, Gonzalo Durán confirmou que o seu concello non paga as súas facturas municipais nos 30 días que obriga a lei, e considera ademaís que esa medida non é viable e que son moi poucos os concellos que poden afrontar os pagamentos nos días fixados.

Ademáis, Gonzalo Durán, salientou a baixada da débeda no seu concello a pesar de que aínda segue sendo alta.

Así o contaba o alcalde de Vilanova, Gonzalo Durán, nunha rolda de prensa na que tamén estivo a nosa compañeira Alba Pîñeiro que recolleu as súas declaracións para AROUSA PONTEVEDRA DIA A DIA.

A asociación de emigrantes retornados do Ulla – Umia, amosa o seu desacordo e indignación ante a aprobación silenciosa da reforma fiscal.

E convocan unha manifestación para o vindeiro 10 de decembro en Madrid na que por primeira vez iran todos os emigrantes retornados de galicia xuntos baixo unha pancarta co nome de Emigrantes Galegos Unidos.

Escoitamos as declaracións de Celso Dominguez Búa, portavoz dos emigrantes retornados do Ulla Umia en AROUSA PONTEVEDRA DIA A DIA.

A reunión de onte entre a dirección de Lantero e o comité de empresa rematou sen acordo unha vez mais, pero con importantes avances na negociación.

Despois de que a empresa presentase o pasado luns un novo ERE con 55 despedimentos, durante a cita de onte formulou cambiar este ERE por un temporal e deixar en cero os despedimentos.

A empresa aceptou as propostas do comité en canto a prexubilacións, despedimentos voluntarios e mostrouse disposta a non executar as externalizaciones se se chegaba a un acordo na contención salarial e na flexibilidade nos horarios.

A cambio, a firma cartoneira esixiu a suspensión inmediata da folga para retomar a actividade dentro dun marco de "paz social".

Pero o comité de empresa de Lantero non estivo de acordo en deixar a folga, e polo tanto, non se chegou finalmente a ningún acordo.

Tampouco hai datas confirmadas para unha seguinte reunión. O comité solicitou de novo a mediación da Consellería de Traballo e Benestar Social, petición que a dirección debe estudar para ofrecer unha resposta nun prazo de dous días.

E mentras tanto, traballadores de Lantero unironse á columna de Arousa das Marchas pola Dignidade que saíron ás 11 de esta mañá dende as instalacións de O Pousadoiro, e que se dirixen a estas horas andando cára Caldas para xuntarse co resto de mareas, e chegar, xa pola tarde, a Padrón.

Así nolo contaba Jesus Lopez, presidente do comité de empresa de Lantero nesta conversa en AROUSA PONTEVEDRA DIA A DIA.