De vieira foi o showcooking que esta mañá realizou en Cambados o coñecido chef Yayo Daporta dentro da campaña Galicia Calidade en Ruta.

Un camión adaptado está durante todo o día na Praza do Concello da vila do albariño, para promocionar os productos da gastronomía galega.

Un dos actos centrais foi a exhibición de cociña realizada polo chef cambadés, que ten unha Estrela Michelín e dous Soles de Repsol, ademáis de participar nun coñecido programa televisivo.

AROUSA PONTEVEDRA DIA A DIA tamén estivo no camión de Galicia Calidade, recollendo a presentación deste showcooking, por parte de Javier de Miguel, director técnico de Galicia Calidade e polo propio Yayo Daporta.

Xa pola tarde, os sumilleres José Luis Aragunde e Eulogio Pomares realizarán unha cata comentada de viños a partir das 18 horas.

Ambos formaban parte do equipo que quedou en terceira posición no concurso mundial de catadores celebrado recentemente na rexión de Champagne, en Francia.

A raíz do tráxico accidente laboral acontecido o pasado venres nas instalacións de Extrugasa en Valga, o sindicato CIG convoca unha concentración o vindeiro martes ás 12 do mediodía ás portas da factoría exixindo que tanto Inspección de Traballo como a lexislación sexa máis severa co fin de eliminar os accidentes laborais con resultado de morte.

I e que, segundo o sindicato nacionalista, pese a diminución da actividade industrial os accidentes laborais con consecuencia mortal se veñen incrementando nos últimos anos. Concretamente, os datos do Ministerio de Traballo revelan que en Galicia 42 traballadores faleceron no 2014 ata o pasado setembro.

As causas, segundo a CIG, son as últimas lexislacións laborais que incluen desregularizacións dos horarios e aumento da temporalidade.

A elo se unen factores como o medo a perder o traballo ou o cansancio acumulado nos operarios nos últimos días da semana.

Circunstancias que, para a CIG, axudan a entender o que ocorreu en Valga.

Así o expresaban esta mañá en rolda de prensa Jon Barturen, secretario da federación industria da CIG e Marcos Conde secretario comarcal.

Os viños escumosos da D.O Rías Baixas van aumentando a súa presencia no mercado galego dende a súa aparición hai tres anos.

Nestes momentos, a producción crece considerablemente, triplicando as cifras iniciais, e superando os 100.000 litros anuais.

Actualmente son 6 as adegas que venden este tipo de viños, pero a D.O Rías Baixas estuda xa a incorporación de novos productores do Salnés e de O Rosal.

Son datos revelados esta mañá polo Presidente da D.O Rías Baixas, Juan Gil de Araujo, na presentación das Xornadas Técnicas de Viños Escumosos que terá lugar o vindeiro venres no Salón Peña de Cambados ás 12 do mediodía.

No acto de presentación estivo acompañado polo alcalde de Cambados, Luis Aragunde, que anunciou que o Concello baralla a posibilidade de que en vindeiras edicións as xornadas deixen de ser de balde.

A Mancomunidade do Salnés segue ampliando o seu parque de maquinaria e agora xa pon a disposición dos concellos 10 vehículos de bacheo ou limpeza.

O ente supramunicipal aprobou en pleno os presupostos para 2015, que ascenden a 2.455.000 euros, unha cifra moi similar á de 2013. O presidente da Mancomunidade e alcalde de Vilanova, Gonzalo Durán, asegura que é un documento austero, xa que, segundo el, se conteñen os gastos a pesar de prestar máis servizos.

A Asociación Cambados Zona Centro pon en marcha a súa campaña de Nadal con importantes novidades.

A programación de este ano comeza o vindeiro luns día 8 coa tradicional recollida de xoguetes "Cada neno un xoguete" ata o día 24 de decembro.

Como novidade e parte estrela da campaña, os nenos poderán disfrutar durante as súas vacacións de nadal dun divertido parque de atraccións con inchables, touro mecaníco e moitos máis xogos, polas tardes no Salón Peña.

Ademáis, o sábado 27 os Bolechas chegan a Cambados co seu espectaculo "Os Bolechas cantan con Lady Vina" ás 18:00 no Salón Peña.

E xa para o día 31 de decembro, Cambados tamén adiantará ás badaladas de fin de ano ás 12 do mediodía na Praza do Concello.

O que non faltará na campaña de Nadal de Cambados Zona Centro será o gran Sorteo de 1.200 euros en vales de compra. Para participar haberá que facer as compras de Nadal nos comercios asociados a Cambados Zona Centro e se lles entregará os boletos de participación no sorteo.

Pero esta campaña de Nadal en Cambados será un pouco máis levadeira en canto ós aparcamentos xa que o Concello xunto coa Asociación de comerciantes asinaron un convenio cos propietarios dos terreos proximos á praza de Fefiñáns para habilitar unha nova zona de aparcamento con 80 prazas que axudarán a solventar os problemas de aparcamento da vila.

Os datos da campaña de Nadal dabaos o presidente de Cambados Zona Centro, Juan Rey e o alcalde de Cambados, Luis Aragunde nunha entrevista para AROUSA PONTEVEDRA DIA A DIA.

O Refuxio de animais de Cambados estrea nova web con novos contidos e seccións

A nova páxina, refugiocambados.es, inclue un apartado adicado á adopción, outro de tenda solidaria e mesmo unha opción de busca de pisos compartidos onde se aceptan animais.

A web foi presentada esta mañá pola directora do centro, Olga Costa, con que falaba Alba Piñeiro para AROUSA PONTEVEDRA DIA A DIA.

Vilanova converterá o Parque do Recheo nun macroparque infantil a través dunha actuación subvencionada integramente pola Deputación de Pontevedra, cun importe de 64.754 €.

Todos os xogos serán renovados e instalaranse catro torres nun espazo de 230 metros cadrados cun aforo para 150 nenos.

O obxectivo é recuperar o espazo para o divertimento dos máis pequenos do municipio, pero, a maiores, que sexa un tamén un reclamo

turístico.

A previsión do Concello é que estea en uso para a Semana Santa do vindeiro ano.

Así o decía esta mañá o alcalde de Vilanova Gonzalo Durán.

A mostra de creadores emerxentes Peter's Room chega a Cambados a partir de mañá con dous eventos que se celebrarán ó longo do mes de decembro.

Primeiro a Tenda Emerxente que se instalará no Pazo de Torrado esta ponte do 6 ó 8 de diciembre e despóis a Mostra de Creadores Emerxentes que se vai a celebrar os días 20 e 21 no salón de exposicións José Peña.

Os seus promotores nolo contaban en AROUSA SI RADIO no programa AL FONDO A LA DERECHA da nosa compañéira Iria San Juan.

O paseo central do Parque da Xunqueira en Vilagarcía acaba de abrirse ó tránsito para facilitar ó paso ó Centro Comercial Arousa.

A decisión adoptouna o Concello ante as peticións da xerencia e dos propios comerciantes co fin de evitar dificultades engadidas á campaña de nadal.

Así o decía esta mañá o alcalde Tomás Fole nunha visita de supervisión das obras de reforma do parque .

E por outra banda, o alcalde de Vilagarcía nega que exista improvisación no plan de asfaltado das rúas urbanas que se inició esta semana.

A actuación, que ten un presuposto de 300.000 euros, afectou xa ás rúas San Roque e Padre Feijoo, ademáis de á Praza da Independencia, e continuará estes días na praza de Galicia, Arzobispo Lago, Alexandre Bóveda, Conde Vallellano e parte da avenida de A Mariña.

O alcalde recoñecía esta mañá as molestias que os traballos causan os veciños para a circulación pero considera que todo estaba xa advertido con antelación por parte do concello.

Os traballadores de Lantero comezan hoxe a promocionar o concerto solidario co que pretenden recadar fondos para a caixa de resistencia da folga na que levan 53 días.

Será o venres 12 de decembro as 9 e media da noite na Praza da Peixería de Vilagarcía coas actuacións de Sofá Ambulante, Dani & Friends e Seangles..

O custe da entrada, como donativo para a plantilla, será de dous euros.

O festival celebrarase no mesmo día da segunda manifestación de apoio á plantilla e coincidirá tamén na xornada na que se reanudarán as negociacións coa dirección de emrpesa.

Os detalles do concerto solidario explicábanos esta mañá dous traballadores de Lantero unha rolda de prensa no Auditorio de Vilagarcía que recollemos para AROUSA PONTEVEDRA DIA A DIA.