Os traballadores de Lantero acaban de coñecer esta mañá cómo e cando se aplicará o ERE extintivo que despedirá a 56 operarios.

O presidente do comité de empresa recolleu esta mañá en Correos o burofax remitido pola dirección da empresa, no que se decreta que a firma executará 48 despidos no primeiro trimestre deste ano e os restantes ó longo de 2015, pero sen concretar datas.

En canto á rebaixa salarial aplicarase a partir do 1 de marzo, cunha media do 20% ainda que o comité teme que será do 25%.

Agora, o comité de empresa impugnará o ERE e para elo teñen un total de vinte días hábiles a contar dende hoxe.

Previamente, o próximo mércores día 14 será cando o Xulgado do Social número 2 de Pontevedra acolla a vista na que se dirimirá se a convocatoria de folga, que suma xa case tres meses, é ilegal, tal como pensa a dirección da cartoneira.

En todo caso, despois de que se executen os despidos, os traballadores que permanezan en plantilla seguirán en folga, tal como decidiron por unanimidade en asemblea.

Esta tarde a plantilla volve reunirse para analizar todos os detalles do ERE e decidir qué medidas adoptar.

Nolo contaba en AROUSA PONTEVEDRA DIA A DIA, Jesús López, presidente do comité de empresa.

O alcalde de A Illa, Manuel Vázquez, anunciaba onte a súa decisión de non presentarse á reelección nos comicios municipais do vindeiro maio.

En AROUSA PONTEVEDRA DIA A DIA conversamos con el, tras facer pública a súa decisión.

Os que non teñen moitos motivos de ledicia para o novo ano son os traballadores de Lantero, pero ainda así pensan brindar xuntos pola chegada do novo ano.

Cearán nas súas casas pero teñen previsto acudir después de las campanadas ó campamento de O Pousadoiro para despedir xuntos o ano, o igual que o levan facendo ó longo de todo o conflicto laboral, dende hai case tres meses.

De momento seguen sen ter recibido o burofax que a dirección da cartoneira remitiu á plantilla co contido do expediente de regulación, que inclue o despido directo de 41 traballadores mentres outros 15 serán subcontratados por outra empresa.

Os que continuen formando parte da plantilla verán reducido o seu soldo nun 20%.

Nolo contaba en AROUSA PONTEVEDRA DIA A DIA, o presidente do comité de empresa, Jesús López, que estivo xunto con outros compañeiros da cartoneira na praza de Ravella, na Festa das Uvas para agradecer ó apoio da cidadanía.

Con el falaba Alba Piñeiro.

Normalízase a situación do Hospital do Salnés tralo colapso rexistrado esta fin de semana en Urxencias, con ata un 40% más de usuarios da afluencia habitual.

O incremento de pacientes en Urxencias e a falta de camas libres motivou que a tarde do domingo tivera que reabrirse a terceira planta, que adoita pecharse nas datas de Nadal, Semana Santa e verán.

Para saber cómo está a situación este luns , en AROUSA PONTEVEDRA DIA A DIA falamos con Rosa Casal, secretaria de UXT-Sanidad na provincia de Pontevedra.

Noiteboa complicada para os traballadores de Lantero, que están xa na conta atrás para que a firma faga efectivos os 56 despedimentos.

A dirección da cartoneira oficializou onte en Santiago o fin do período de consultas do ERE extintivo, tal como se agardaba, e sen beneplácito da parte social que xa anunciou que recorrerá o documento nos xulgados.

Ademáis, a asemblea de traballadores decidiu por unanimidade que aqueles que non sexan despedidos en xaneiro van seguir en folga.

Pero de momento hoxe, dispóñense a pasar esta noite en familia.

Nolo contaba para AROUSA PONTEVEDRA DIA A DIA, Jesús López, o presidente do comité de empresa, nesta conversa con Alba Piñeiro.

Por parte da dirección da empresa, non hai declaracións oficiais dende a última comparecencia pública dos directivos da firma, hai un mes.

Daquela, os integrantes do staff calculaban que a folga indefinida reducira o 40% do seu volume de negocio.

Os responsables do grupo responsabilizan, ademais, o comité de empresa de ter desencadeado a folga de forma irregular, unha acusación que será abordada pola maxistratura laboral de Pontevedra o próximo 14 de xaneiro, no primeiro paso da xudicialización do conflicto.

Asimesmo, a dirección de Lantero culpa ó comité de empresa do fracaso das negociacións por manter posicións maximalistas.

O día de noiteboa é xornada de compras de última hora e comezar os preparativos da cea máis familiar do ano.

Para saber cómo andaban as cousas nos mercados, en AROUSA PONTEVEDRA DÍA A DIA achegámonos ata a praza de abastos de Cambados.. Ata alí se desprazou a nosa compañeira Alba Piñeiro, que recolleu as impresións das vendedoras do mercado. Como sempre, opinións para todos os gustos.

O coordinador de Izquierda Unida, Cayo Lara, acudiu esta mañá O Pousadoiro para visitar os traballadores de Lantero que levan xa 72 días en folga.

A cita tivo como principal obxectivo amosarlle o seu respaldo á plantilla e explicarlles as dúas iniciativas que a formación de esquerdas presentou sobre o conflito no Congreso dos Deputados.

Izquierda Unida pedirá a comparecencia da Ministra de Traballo, Fátima Báñez, no pleno de xaneiro para que explique se Lantero recibiu subvencións dalgunha administración públicae que vai facer o goberno do Estado para salvar os postos de traballo.

A visita prodúcese despois de que o período de negociación do segundo ERE rematase sen acordo e co anuncio da empresa de executar os 56 despedimentos despois das festas do Nadal. A plantilla seguirá en folga e, unha vez presentada a documentación, impugnarán o ERE.

Así o reiteraba o presidente do comité de empresa, Jesús López, durante a visita de Cayo Lara.

O presidente do comité de empresa tamén exixía a Tomás Fole que fose contundente na aplicación do convenio urbanístico con Lantero, imposibilitando a recalificación ante os despidos que se van a aplicar en xaneiro.

Todo elo o recollíamos en AROUSA PONTEVEDRA DIA A DIA.

A fortuna da Lotería de Nadal caeu esta mañá en Cambados. O segundo premio, o 92. 845 foi vendido no bar Laya, ubicado na Rúa Real con 125 mil euros por décimo. O boleto foi vendido a través de máquina, motivo polo que se descoñece a identidade do premiado.

Ata o bar Laya nos achegamos en directo en AROUSA PONTEVEDRA DIA A DIA.

A Lotería de Nadal tamén nos deixa un cuarto premio na Illa de Arousa, o 7.617, vendido, igualmente, a través de máquina

Este cuarto premio, de 20.000 €, foi vendido na administración número 1 ubicada na Travesia do Cruceiro.

En AROUSA PONTEVEDRA DIA A DIA falábamos co propietario da administración, Manuel Núñez, que se lamentába de que non lle tocara a un grupo grande de xente.

Non houbo acordo na reuníón entre a dirección e o comité de empresa de Lantero celebrada esta mañá en Santiago baixo a mediación do Consello Galego de Relacións Laborais. Agora, todo queda a expensas da decisión da firma de aplicar o ERE que inclue 40 despidos e 15 externalizacións.

Os traballadores seguirán en folga. Nolo decía en AROUSA PONTEVEDRA DIA A DIA Jesús López, presidente do comité de empresa de Lantero.

O auditorio de Ribadumia inaugura mañá sábado unha nova exposición colectiva centrada en formas xeométricas, concretamente no cubo.

Trátase do traballo de seis artistas, alumnos da Facultade de Belas Artes de Pontevedra, que se poderá ver ata o 4 de xaneiro.

En AROUSA PONTEVEDRA DIA A DIA falamos con Elizabeth Cereijo Martín, comisaria da mostra.