A delegación de traballadores de Lantero que estes días se trasladou ó Parlamento Europeo está xa de volta en Vilagarcía con boas sensacións pola receptividade que tiveron entre os grupos de esquerdas.

Levan xa 116 días en folga e agardan que o xuiz sinale data de xuizo pola impugnación do ERE presentada a semana pasada.

Nolo contaba en AROUSA PONTEVEDRA DIA A DIA, Jesús López presidente do comité de empresa de Lantero.

Trinta familias con nenos con necesidades especiais do colexio Rubiáns de Vilagarcía non poderán continuar este ano recibindo a formación do programa PROA.

A ANPA Casanova do centro educativo vilagarciá denunciou esta maña a negativa da Consellería de Educación a contratar un profesor específico para impartir as clases, a pesar de que a petición sí consta na solicitude presentada polos pais e que foi aprobada pola Xunta.

Nolo decía para AROUSA PONTEVEDRA DIA A DIA Loli Lago, presidenta da ANPA

Alba Piñeiro entrevista ó xerente da Mancomunidade do Salnés e ó alcalde de Cambados dende Fitur para AROUSA PONTEVEDRA DIA A DIA.

a Illa de Cortegada e o Pazo de Rubiáns en Vilagarcía, o recuperado espazo da salazón de As Moreiras en O Grove e a recén creada Asociación de Enoturismo da que Cambados ostenta a presidencia, foron algunhas das excelencias destacadas por Tomás Fole, Miguel Pérez e Luis Aragunde para atraer novos visitantes.

Todo elo incluido dentro da oferta que levou a FITUR a Mancomunidade do Salnés.

En AROUSA PONTEVEDRA DIA A DIA recuperamos o máis destacado de cada presentación.

Traballadores do Hospital do Salnés concentráronse esta mañá ás portas do centro en demanda de máis medios humanos e materiais.

Persoal do centro comarcal e tamén de atención primaria da comarca comarca pediron que non se volvan pechar camas, que se incremente o persoal con reforzos en momentos puntuais, como ocorreu nos colapsos de principios de xaneiro, e que se cubran as baixas e as sustitucións.

Insisten, ademáis, nos problemas de desabastecemento de material e medicinas no Hospital do Salnés.

Nolo contaba en AROUSA PONTEVEDRA DIA A DIA, Rosa Casal, secretaria de Sanidade de UXT na provincia de Pontevedra e tamén traballadora do centro comarcal.

O alcalde de Cambados, Luis Aragunde presentou esta mañá a programación das festas do entroido cambadés que este ano se anuncian cun cartel que representa unha das obras do pintor Lino Silva no que aparecen varias persoas disfrazadas como choqueiros.

O entroido comezará o sábado 24 de febreiro cunha festa infantil no Pazo de Torrado e continúa o día 15, domingo de entroido co gran desfile de carrozas enagalanadas, as 17:00 horas, coa presenza un ano máis do artista Pepo Suevos.

O luns será o turno do baile infantil e do xa tradicional concurso de filloas no Salón Peña. Será o martes de entroido o gran concurso de disfraces que encherán as rúas cambadesas de personaxes de todo tipo. E o mércores de zinza, as 19:00 horas comezará o enterro da sardiña no que este ano queimarase ó Pequeno Nicolás.

A programación do entroido foi presentada esta mañá polo alcalde, Luis Aragunde, nunha rolda de prensa que recollemos en AROUSA PONTEVEDRA DIA A DIA.

A piscina municipal de Cambados entra nunha nova etapa, segundo o alcalde de Cambados, Luis Aragunde.

As instalacións de O Pombal terán unha importante renovación que emprenderá a partir do 1 de febreiro a nova concesionaria, Aquafit Gestión, con sede en Pontevedra, e por un período de 12 anos.

A nova adxudicataria subrogará a todos os empregados, mantendo as mesmas condicións salariais, e asegura que ven para quedarse.

Melloras nos servizos ofrecidos, nas instalacións e tamén nas tarifas, son as propostas de Aquafit Gestión S.L para conseguir levantar a actividade na piscina municipal de Cambados.

Unha das novidades, será a creación dun novo edificio anexo de 170 metros cadrados para aumentar a zona de ximnasio, cun incremento no número de máquinas para facer exercicio, e ofertando tamén máis actividades que ata agora non se estaban impartindo, como zumba, ioga e pilates. Ademáis, tamén se renovará o resto do antigo edificio, cambiando totalmente a imaxe de deterioro que ten actualmente. Estas melloras suporán un investimento para a empresa de preto de 300.000 euros.

As tarifas tamén baixan, sendo máis asequibles e con maís opcións que se axustan á situación de cada usuario.

A espera queda, de momento, o cambio da cuberta da piscina, para o que o concello esta buscando financiación e que suporía un gran aforro enerxetico ademaís de mellorar a calidade do servizo.

Tanto o concello de Cambados como a empresa Aquafit Gestión e os traballadores da piscina acollen con esperanza esta nova xestión, deixando atrás todos os problemas que tiveron coa anterior concesionaria.

Os detalles explicábanos esta mañá en rolda de prensa o alcalde de Cambados, Luis Aragunde e o responsable de Aquafit Gestión, Pedro Iglesias, que recollemos en AROUSA PONTEVEDRA DIA A DIA.

O comité de empresa de Precón denuncia coaccións por parte da dirección ós traballadores para evitar que secunden as mobilizacións contra os despidos.

Uns 30 empregados da fábrica de Vilanoviña concentráronse a pasada tarde para protestar pola política de despidos que, segundo o comité de enpresa, ven poñendo en práctica o grupo dende o 2011.

Segundo as cifras do comité, dende ese ano Precon ten despedido a 70 traballadores de fábrica, de xeito que unha plantilla de 147 empregados ten agora só 60.

Ante esta situación os traballadores decidiron iniciar mobilizacións, ainda que con escasas expectativas de éxito.

Segundo nos decía para AROUSA PONTEVEDRA DIA A DIA o presidente do comité de empresa, José Gándara, durante a concentración da pasada tarde, a plantilla ten medo a mobilizarse ante as coaccións da empresa: "quen salga na foto que se ateña as consecuencias", dí a dirección, segundo nos explicaba o presidente do comité de empresa.

Relevo no consorcio do Comercio do Salnés.

A presidenta da Asociación Zona Aberta de Vilagarcía, Rocío Louzán, deixa de ser a máxima responsable do colectivo tal como se acordou nunha asemblea celebrada a pasada noite.

No seu lugar foi elexido Julio Presa, presidente de Entretendas de Sanxenxo, nunha directiva na que o acompañan Antonio Ventoso, de Emgrobes, e Miguel Otero, de Meaño, como vicepresidentes.

En AROUSA PONTEVEDRA DIA A DIA falamos con Rocío Louzán para que nos contase as súas impresións ó deixar a presidencia do colectivo de comerciantes do Salnes.

Os traballadores da empresa Precón, ubicada en Vilanoviña-Meis, concentranse a partir das 3 desta tarde ás portas da fábrica en protesta polos despidos de 6 empregados este pasado venres.

En AROUSA PONTEVEDRA DIA A DIA coñecemos máis detalles deste novo conflicto que se recrudece na comarca do Salnés, falando con José Gándara, presidente do comité de empresa de Precón.