Comezan as obras obras de ampliación do Hospital do Salnés. O xerente do SERGAS,

Antonio Fernández-Campa, asinou esta mañá o acta de replanteo cos representantes da empresa Dragados, adxudicataria da obra.

A actuación, cofinanciada por fondos Feder da Unión Europea, ten un orzamento de 7,7 millóns de euros e un prazo de execución de 19 meses.

Os fondos europeos cubren os investimentos que se realicen durante este 2015 e a partir de ahí debe ser a Xunta a que designe as partidas de financiación correspondentes.

O acto celebrado esta mañá,nas dependencias hospitalarias, oficializa o inicio das actuacións e nel estiveron presentes os alcaldes de Vilagarcía, Tomás Fole, e de Vilanova, Gonzalo Durán, que é tamén o presidente da Mancomunidade do Salnés.

Este mércores comunicarase ó persoal sanitario os protocolos de coordinación dos traballos co funcionamento normal dos servizos, sobre todo o de Urxencias, que será o máis afectado.

De principio, o xerente da área integrada Pontevedra-Salnés prevé que a incidencia no funcionamento do Hospital sexa minima.

En AROUSA PONTEVEDRA DIA A DIA recollemos as declaracións sobre todo elo.

O Concello de Vilagarcía incrementa en 360.00 euros o orzamento destinado á segunda fase da rehabilitación da praza de abastos. O importe procede das cantidades aforradas pola amortización dos intereses das débedas, a través do plan de pago ós proveedores, e súmase ós 200.000 euros xa consignados nos orzamentos municipais deste ano.

A maiores, o concello tentará que a Xunta amplie o convenio de colaboración ata chegar ó custe total da actuación, que se eleva ós 745.000 euros.

Deles, a administración autonómica xa ten designados 120.000.

Os datos anunciábaos esta mañá o alcalde de Vilagarcía, Tomás Fole, avanzando que será un dos asuntos que o grupo de goberno levará ó pleno do vindeiro luns.

Declaracións de Tomás Fole nunha rolda de prensa convocada para que o delegado territorial da Xunta en Pontevedra, José Manuel Cores Tourís, anunciase as novas axudas da Xunta para prazas de abastos e zonas comerciais.

O programa de axudas creado pola Consellería de Industria para este ano, que sae hoxe publicado no DOG, outorga 2,8 millóns de euros para as prazas de abastos de Galicia, e 2,2 millóns para asociacións de comerciantes e placeiros.

Todo elo recollíamolo en AROUSA PONTEVEDRA DIA A DIA

Dezanove veciños de Cambados acaban de formarse no curso de “Atención sociosanitaria a persoas dependentes” que ven de realizar o Concello de Cambados no marco do programa Aquelando 2 da Deputación de Pontevedra.

Dos 19 alumnos que participaron neste curso de 500 horas, 4 deles xa remataron as prácticas en empresas e os outros 15 recolleron esta mañá os seus diplomas que acreditan a formación obtida.

A entrega de diplomas celebrouse esta mañá no salón de plenos do concello de Cambados, na que estiveron presentes o alcalde de Cambados, Luis Aragunde e o deputado provincial Jose Luis Perez.

Durante o acto, Luis Aragunde salientou a necesidade de persoas formadas na atención sociosanitaria, augurando que parte dos alumnos deste curso quizás poidan ter un posto de traballo no futuro Centro de Día do municipio.

Os traballadores de Lantero recibiron hoxe ánimos renovados con dúas boas novas sobre o seu conflicto.

A primeira chegaba dende o Xulgado do Social de Pontevedra.

I e que a xuiza que dirimía a demanda interposta pola dirección da cartoneira por suposta ilegalidade na convocatoria da folga fallaba a favor dos traballadores, desestimando a petición da firma.

Segundo a sentencia, a convocatoria da folga é legal, e por tanto os traballadores poden seguir exercendo o seu dereito ó paro indefinido.

E dende a dirección de a compañía, a firma amosa o seu respeto ante o fallo pero xa avanza que recurrirá a sentencia ante o Tribunal Superior de Xustiza de Galicia.

En todo caso, a sentencia, sen dúbida, daralle folgos ós traballadores que hoxe levan 101 días en folga e que esta semana se enturbiaba cun accidente de tráfico en plena autoestrada AP9 entre o coche de escolta de Lantero e o vehículo dun traballador, que viaxaba acompañado da súa parella.

Ainda que as versións do acontecido non coinciden, a colisión acabou involucrando a cinco vehículos e provocou feridas ós ocupantes relacionados coa cartoneira.

As máis graves padéceas a compañeira do empregado do grupo, que permanece ingresada no Hospital Domínguez e tivo que ser intervida por unha fractura no brazo dereito.

Ó marxe deste suceso, o conflicto viviu hoxe un novo capítulo no pleno extraordinario da corporación municipal, que declarou nulo o convenio entre o Concello de Vilagarcía e Lantero sobre a recalificación dos terreos de Rosalía de Castro, antiga ubicación da cartoneira.

A moción, presentada por Esquerda Unida, foi aprobada por unanimidade de todos os grupos municipais.

Segundo a moción aprobada, o convenio urbanístico con Lantero é nulo porque non se axusta ó aprobado no seu día pola corporación e tampouco volveu ser ratificado polo pleno, como indica a súa última cláusula.

Asimesmo, se exixe a Lantero a renuncia ós despidos e a retirada do expediente de regulación de emprego, así como das denuncias que interpuso contra os traballadores en folga para comezar a falar dun novo convenio urbanístico axustado a dereito.

Agora, constituirase unha comisión de seguimento, integrada polos portavoces dos grupos municipais, técnicos do Concello e o comité de empresa de Lantero, para comezar a traballar no acordado nesta moción

Así o expresaba o portavoz de Esquerda Unida, Juan Fajardo, na presentación da iniciativa, que recollemos en AROUSA DIA A DIA.

Pola súa banda, na súa intervención o alcalde Tomás Fole dixo que entende que derrotar á empresa é derrotar ós traballadores, momento no que foi interrumpido con abucheos por parte dos asistentes.

Tamén o recollemos en AROUSA DIA A DIA.

O director do Igape, Javier Aguilera, ve expectativas reais de crecemento entre o sector empresarial.

Javier Aguilera presentou esta mañá ós empresarios do Salnés as liñas de apoio a investimentos, mellora da competitividade e internacionalización das Pemes, que acaba de poñer en marcha a Consellería de Economía e Industria, a través do Igape.

Trátase dun amplo catálogo de axudas, dotado conxuntamente con 6,5 millóns de euros, financiados con fondos europeos, coa finalidade de que os emprendedores e as pemes dispoñan, desde o primeiro momento, de instrumentos e axudas adecuadas para impulsar os seus proxectos empresariais.

Durante o acto de presentación, no edificio multiusos do polígono de Cambados, o director do IGAPE estivo acompañado polo alcalde de Cambados, Luis Aragunde.

A nosa compañeira Alba Piñeiro recolleu as súas declaracións para AROUSA DIA A DIA.

Cambados celebra o ciclo de treatro infantil con catro espectaculos teatrais e musicais no Auditorio da Xuventude.

As funcións, organizadas polo AGADIC e o concello de Cambados,  celebraránse os domingos ás 18:00 horas e o custe das entradas serán de 3.5 euros a normal e 2.5 euros a reducida.

A primeira obra de teatro que se reprentará o vindeiro domingo 18 de xaneiro será "Aurora", un espectaculo da compañía "Elefante Elegante", que mistura teatro e videocreación e no que un aviador encontranse coa raíña das curuxas.

O domingo 25 será o turno da obra de teatro "Roedores" da compañía "Redrum Producciones", e que trata das aventuras de un hámster e unha rata, fomentando a igualdade e o valor da amizade.

Xa o domingo 1 de febreiro a compañía "Abrapalabra Creacións Escénicas" representará a peza teatral "Ra, ra, ra" na que os actores farán que as rás aprendar a cantar.

E para finalizar, o domingo 8 de febreiro, o auditorio da Xuventude de Cambados acollerá o espectáculo musical "Xique, xoque, fiú, fiú" da man de María Fumaça, no que os nenos poderán disfrutar da viaxe nun tren no que o ambiente é sempre de festa e no que haberá moita música.

Este ciclo de teatro infantil foi presentado este mediodía no Auditorio da Xuventude de Cambados polo alcalde, Luis Aragunde, xunto cos representantes das compañías que participan nesta mostra.

O conflicto de Lantero tamén estivo presente na visita que o Conselleiro de Industria facía esta mañá á praza de abastos de Vilagarcía.

Francisco Conde remitiuse á labor de mediación como única colaboración que pode realizar a Xunta neste caso e asegurou que as últimas axudas públicas concedidas a Lantero foron realizadas no goberno do bipartito.

Todo elo decíao tendo ó seu carón a un traballador de Lantero, que mesmo lle requeriu explicacións.

Recollémolo en AROUSA PONTEVEDRA DIA A DIA.

A segunda fase da remodelación da praza de abastos de Vilagarcía suporá uns investimentos de 750.000 euros, segundo contempla o convenio asinado hoxe entre o Concello e a Consellería de Industria.

O Concello ten consignado no orzamento deste ano 200.000 euros para esta actuación e o importe restante será financiado pola Xunta.

O proxecto de reforma desta segunda fase todavía está pendente de redacción e para a súa elaboración o goberno local quere contar coas suxerencias dos vendedores da praza, para evitar as discrepancias xurdidas tralo remate da primeira actuación.

En todo caso, o proxecto básico que o Concello trasladará ós técnicos da Consellería contempla unha segunha planta con escaleiras mecánicas e non incluirá o derribo do edificio da verdura, ó que tanto se opuxeron as vendedoras.

Son datos que se anunciaban esta mañá nas propias instalacións do mercado, durante a visita realizada polo Conselleiro de Industria, Francisco Conde, acompañado polo alcalde Tomás Fole, e que recollemos en AROUSA PONTEVEDRA DIA A DIA.

O conflicto laboral da Residencia Valle Inclán de Vilanova entra nun novo episodio.

O sindicato CIG revelaba esta mañá a existencia dunha terceira empresa que baixo o nome de “Residencia de Maiores 2013” estaría desviando fondos para evitar as contas embargadas do xeriátrico.

I e que a actual xestora, Nurtime, está en fase de liquidación, cunha débeda de preto de 4 millóns de euros e un ERE extintivo para os actuais 37 empregados da plantilla.

Unha vez máis, a CIG considera á Xunta como cómplice da situación.

Os datos revelábaos esta mañá en rolda de prensa o secretario comarcal da CIG, Xoan Xosé Bouzas Aboi.

As súas declaracións recolleunas para AROUSA DIA A DIA a nosa compañeira Alba Piñeiro.

E mentres tanto, as traballadoras despedidas de Valle Inclán deben agardar á liquidación de Nurtime para poder solicitar ás indemnización ó Fogasa.

E o próximo día 20, o actual xerente Enrique Martínez Núñez debe declarar no xulgado de Cambados para responder pola querela interposta pola CIG contra el e contra a Conselleira de sanidade por malversación de fondos.

Todas as analíticas que realizará a partir de agora o INTECMAR, o Instituto Tecnolóxico par ao Control do Medio Mariño, serán coa aplicación do método químico de detección de biotoxinas, o único sistema analítico de referencia na Unión Europea dende o pasado 1 de xaneiro.

O método segue sen convencer ás autoridades da pesca e marisqueo de Galicia ó considerar que prexudica ós intereses do sector por ser un método máis lento, máis caro e que non aporta maior seguridade ós consumidores.

Dende o Intecmar víñase abogando pola continuidade do bioensaio en ratos pero pese a todos os recursos presentados non queda outra que comezar a aplicación do método químico.

Así nolo decía a directora do INTECMAR, Covadonga Salgado, coa que conversamos en AROUSA PONTEVEDRA DIA A DIA.