Os alumnos do Colexio de San Miguel de Deiro, en Vilanova, reanudarán as clases o vindeiro luns no centro educativo de Tremoedo.

Os operarios están traballando para reparar o tellado do colexio de San Miguel, desfeito polo temporal, e en previsión de que as obras se alonguen no tempo , Educación optou por esta alternativa para á que se habilitará un transporte escolar especial.

Nolo decía en AROUSA PONTEVEDRA DIA A DIA o alcalde de Vilanova, Gonzalo Durán,

Ademáis, Gonzalo Durán tamén daba conta esta mañá dos asuntos aprobados no pleno da Mancomunidade do Salnés, celebrado onte á tarde.

Entre eles, os dous obradoiros de emprego que prevén a formación de 72 desempregados nos dous obradoiros de emprego e que, de conseguir o beneplácito da Consellería de Traballo e Benestar, comezarían o 15 de setembro.

Trátase da VI edición do Obradoiro de Emprego de Hostelería e da recuperación do antigo A Segorella, reconvertido agora no obradoiro de Muiños do Salnés.

Sanxenxo e os polémicos pantaláns do Club Náutico volven ser referencia informativa, pero hoxe dende a perspectiva do Concello.

Despois da comparecencia pública de onte do Real Club Náutico, hoxe foi a alcaldesa Catalina González, e tamén presidenta de la empresa pública Nauta Sanxenxo, a que ofreceu unha rolda de prensa sobre as actuacións da entidade

E nesa comparecencia, a alcaldesa de sanxenxo e presidenta da empresa que xestiona o Porto Deportivo, pediu que Pedro campos, o presidente do Club Náutico , deixe o consello de administración de Nauta Sanxenxo, xa que a construcción dos pantaláns entrarían en conflicto cos estatutos do organismo.

A solicitude farase oficial con toda na primeira xunta xeral do organismo, que, probalemente coincidirá co pleno de marzo.

En todo caso, a colaboración co Club Náutico seguirá, dixo Catalina González, nos mesmos termos que ata o de agora.

Catalina González reafirmou a súa postura en contra dos pantaláns e denunciou a actitude de SOS Panadeira na agresión a membros do club náutico, ainda que dixo que seguirá mantendo o respaldo as demandas do colectivo veciñal.

A consecuencia dos efectos do temporal no edificio da Xunta en Pontevedra, onde se desprendeu parte do revestimento da fachada da planta baixa, o delegado territorial da Xunta non puido estar presente na reunión celebrada esta mañá en Cambados para analizar o inicio da segunda fase da concentración parcelaria de Oubiña.

A actuación supón a reorganización da propiedade de 42 hectáreas, divididas aproximadamente en 617 parcelas, solicitada para potenciar o sector primario e recuperar Superficie Agraria Útil.

Este mes comezará a fase de investigación das propiedades na que se pode incluir ou excluir algunha parcela máis.

O ámbito de actuación é en terreo rústico e

de momento están localizados 150 propietarios.

Medio Rural convocará ó longo dos vindeiros días diferentes charlas veciñais para explicar ós pormenores da actuación.

O proceso suporá a mellora das explotacións agrarias existentes, adicadas na maior parte a horta e actividades vitivinícolas e mellorará a rede de comunicación existente, coa apertura de novos viais de conexión entre Oubiña e Tremoedo, zona que actualmente ten dificultades nos accesos, beneficiando sobre todo ós usuarios de vehículos agrícolas.

Así o confirmaba esta mañá o alcalde de Cambados, Luis Aragunde, trala reunión con técnicos da xefatura territorial de Medio Rural.

A inversión que a Consellería do Medio Rural realiza na concentración parcelaria de Oubiña

é de 352.000 euros, cunha partida de 18.000 para esta fase de investigación de parcelas.

En AROUSA PONTEVEDRA DIA A DIA recollíamos as declaracións do alcalde Luis Aragunde e dos técnicos de Medio Rural, que podes descargar e escoitar no podcast.

O Club Náutico de Sanxenxo segue defendendo a lexitimidade dos seus polémicos pantaláns pero agora faino co apoio de colectivos como a Confraría de Pescadores e deportistas olímpicos.

Na rolda de prensa convocada esta mañá pola entidade náutica, o patrón maior do pósito, Sauro Martínez, pronunciábase a favor da construcción dos pantaláns, apoiando algo que consideran xusto e de dereito e condenando as actuacións de boicot e insultos da Plataforma SOS Panadeira.

Segundo a patrón maior da Confraría, os novos pantaláns “permitirán un control dos fondeos e dos resíduos de gasoil e a posibilidad de retírar os rizóns dos barcos anclados durante anos e oxidados”, prexudiciais para usuarios das praias e bañistas .

Tamén en respaldo dos novos pantaláns se manifestaba o deportista olímpico Fernando Echevarri, apuntando que “este tipo de construccións son ecolóxicos e ata beneficiosos porque os moluscos que se despositan neste tipo de pantaláns filtran as augas portuarias, melloran a súa calidade e axudan a formación de peixes”.

Argumentos que resumía dende o Náutico de Sanxenxo, o presidente do Club, Pedro Campos, defendendo a “a obra do pantalán porque non prexudica ás praias senón que, ó contrario, despexa a lámina de auga, limpa os fondos mariños e reduce e ordena os fondeos». Así mesmo, o presidente do Náutico comunicou que a obra é un dos factores que permitiu a consolidación do Centro Nacional de Vela Adaptada.

Pedro Campos asegurou que as obras continuarán mentres os tribunais non lle digan o contrario, prevendo o remate das actuacións, se non hai máis impedimentos, no prazo de dúas semanas, para que estean preparados para Semana Santa.

E sobre a plataforma SOS PANADEIRA, que por certo se manifestaron ás portas do Club Náutico mentres se estaba celebrando a rolda de prensa, Pedro Campos considera que

os que queiran defender a súa postura en contra dos pantaláns o fagan ante os tribunais pero non boicoteando as obras.

O club Náutico de Sanxenxo reuniu esta mañá na comparecencia pública a representantes dos colectivos que respaldan a actuación, relacionados con ámbitos marítimos, mariñeiros e deportivos, e mesmo gastronómicos.

Dando o seu apoio, estiveron presentes os xa mencionados Sauro Martínez e Fernando Echavarri, a tamén deportista olímpica Támara Echegoyen, os presidentes da Federación Española e Galega de Vela , o do Club Náutico de Portonovo, representantes do colectivo de discapacitados COGAMI e o restaurador Pepe Solla,

O sector vitivinícola é o máis interesado ata o momento en abrir mercados con México como vía de entrada a EEUU.

Eso é o que se aprecia, alomenos, dende a

Mancomunidade do Salnés que xa comezou cos preparativos dunha nova viaxe a cidade de AguasCalientes , co motivo de continuar coas negociacións para que os empresarios da comarca poidan emprender novas vías de comercio no mercado internacional.

Esta visita esta prevista que se faga no mes de marzo e que acudan, ademáis do presidente da Mancomunidade, Gonzalo Durán, e o Xerente, Ramón Guinarte, varios empresarios da comarca que están interesados en expandir ás súas vías de mercado.

Estas negociacións fanse posibles tras o convenio de colaboración que se asinou entre a Mancomunidade do Salnés e AguasCalientes, na visita que Gonzalo Durán fixo á cidade hai tan so uns días.

Un convenio que, segundo Gonzalo Durán, está tendo moi boa acollida tanto no sector industrial, como no do turismo e do comercio da comarca.

Ademáís, Gonzalo Durán, tamén reprochou á Consellería de Sanidade o enésimo retraso da licitación do proxecto de ampliación do Hospital do Salnés, xa que o prazo de presentación do proxecto xa rematou e polo de agora dende a Consellería de Sanidade non se deu ningúnha información sobre o estado desta actuación.

Pola contra, asegura Gonzalo Durán que tanto a Mancomunidade como os Concellos xa fixeron a súa parte: poñer a disposición o terreo necesario para a ampliación do Hospital.

Na súa habitual rolda de prensa dos venres, o alcalde, Gonzalo Durán, tamén deu conta doutros asuntos de interese tanto do Concello de Vilanova como da Mancomunidade do Salnés como son o próximo comezo das obras de excavación do Castelo de Monte Lobeira e a solicitude ante a Xefa de Costas para que continúe ata ás Sinas, a senda litoral da variante do Camiño de Santiago pola Costa que recorrera o Padre Sarmiento.

Nos daba todos os detalles Gonzalo Durán, en AROUSA PONTEVEDRA DIA A DIA nesta conversa con Alba Piñeiro.

Situación normalizada en Carril despois da liorta na que acabou un operativo contra o furtivismo que se desenvolveu onte pola mañá.

o balance do operativo non é nada desdeñable.

Tres actas de denuncia e dúas de incautación; vinte persoas expulsadas do mar; 55 quilos de marisco de talla non regulamentaria requisados; dous raños, un saco, catro capachos e un anciño incautados, e unha tremenda liorta ás portas da lonxa.

E o presidente da Agrupación de Parquistas de Carril, José Luis Villanueva, que fala da presencia de persoas na sombra que promoven este tipo de actitudes.

O que comezou cun amplo operativo contra o furtivismo rematou cunha enorme liorta na que non faltaron insultos nin tampouco increpacións.

Mesmo varios furtivosenfrontáronse ó presidente da agrupación de parquistas, José Luis Villanueva, ó que acusan de estar detrás dos avisos á Consellería do Mar para "cazar" os mariscadores ilegais.

Villanueva négao tallantemente.

Eso si, o presidente da Agrupación de Parquistas de Carrilanuncia que emprenderá accións legais contra os que onte zarandearon o vehículo do colectivo e mesmo intentaron agredilo.

Villanueva non desculpa os mozos, pero asegura que "están sendo manipulados e utilizados por terceiras persoas.

Así nolo decía José Luis Villanueva nesta conversa en AROUSA PONTEVEDRA DIA A DIA..

A Fundación Amigos de Galicia pretende poñer en marcha, no prazo de mes e medio,, a apertura dunha empresa que comercialice productos ecolóxicos de granxas agrícolas para poder así dar traballo a algunhas das mulleres sen recursos ás que axuda esta ONG.

Nun principio, a idea é empregar a 12 mulleres e para elo a entidade está buscando suelo industrial -o una nave ya construida- en diferentes polígonos da comarca do Salnés.

O proxecto xa foi presentado hai tres anos ante o Grupo de Desenvolvemento Rural de O Salnés, pero daquela non conseguiu a financiación necesaria. Agora, o presidente da Fundación, Jesús Busto, agarda conseguilo debido ó incremento de presuposto deste organismo.

O proxecto tamén inclue a instalación da lavandería da roupa dos usuarios da Fundación, ubicada agora nunha das naves que a entidade ten en Vilagarcía, pero que xa se lles queda pequena.

Nolo contaba en AROUSA PONTEVEDRA DIA A DIA o presidente da Fundación, Jesús Busto.

O xerente do Club Náutico de Sanxenxo, Roy Alvarez, explicounos esta mañá en AROUSA PONTEVEDRA DIA A DIA os criterios polos que a entidade asegura que a instalación do seu novo pantalán é absolutamente legal, conta con todos os permisos necesarios , é respectuoso co medio ambiente e deixa moito máis limpa a lámina de auga fronte ás praias dos Barcos e A Panadeira.

Segundo Roy Alvarez, a actuación para o amarre de 61 embarcacións realízase nunha lámina onde antes no verán había ata 90 barcos fondeados, que tamén botaban ó mar ós seus resíduos sin ningún tipo de control.

Pola contra, nos pantaláns de nova construcción, o Club Náutico está obrigado a contar cos mecanismos suficientes para xestionar os posibles derrames de gasoil.

E sobre a bandeira azul que nunca poderá recuperar a praia de Panadeira, o xerente do Club Náutico dí que habería que preguntarse por qué o areal perdeu o distintivo no ano 2011.

A Protectora de Animais de Vilagarcía prevé finalizar este venres o traslado de animais ó novo refuxio de Piñeiral do Rei,

A Protectora está aproveitando o traslado para desparasitar ou tratar aos animais que o precisan e que agora poden estar illados mentres reciben o tratamento.

A directiva, que esperaba o traslado dende hai meses, amósase moi satisfeita e así nolo decía en AROUSA PONTEVEDRA DIA A DIA José Artiaga, presidente da Protectora.

A portavoz do BNG de Vilagarcía, María Villaronga, analizou en AROUSA PONTEVEDRA DIA A DIA a sesión plenaria de onte , na que non faltaron as acusacións cruzadas e os enfrontamentos dialécticos entre a oposición e o grupo de goberno, e que rematou coa saída dos concelleiros do BNG en sinal de protesta e un peche no concello por parte de Esquerda Unida durante 24 horas, que remata as 5 desta tarde.