A Asociación de Axuda a Discapacitados Esperanza Salnés pon en marcha unha nova campaña de captación de socios e colaboradores co apoio de Cambados Zona Centro e o Concello de Cambados.

O obxetivo desta campaña é a captación de fondos para que a asociación poida seguir cumprindo coa súa labor de atención á nenos discapacitados e deste xeito intentar que á cidadanía tome conciencia sobre este tema.

Actualmente, Esperanza Salnés da asistencia a 24 nenos de toda a comarca, e ten unha ampla lista de espera debido ós servicios de calidade que ofrecen e á escasa oferta que hai de centros de atención a discapacitados.

Todo aquel que queira dar o seu apoio a Esperanza Salnés pode facelo de dous xeitos:

- Facéndose socio colaborador contactando coa asociación no número de teléfono 986543302 ou nas súas instalacións na rúa Os Pazos, nº 10 de Cambados, ou

- Aportando o seu donativo na conta IBAN ES03 2080 5414 68 3040108244 na sucursal de Novagalicia Banco en Cambados.

Ademáis, cada establecemento asociado a Cambados Zona Centro disporá de folletos onde tamén estará sinalada toda a información necesaria para esta colaboración.

Non hai cantidade mínima para o donativo pero Augusto Chaves, xerente de Esperanza Salnés, aconsella que os ingresos sexan mensuais xa que así poderán ter máis facilidades á hora de facer fronte ós pagos de cada mes.

Son datos que recollíamos en AROUSA PONTEVEDRA DIA A DIA na rolda de prensa celebrada esta mañá no salón de plenos do concello de Cambados, coa presencia do Presidente de Cambados Zona Centro, Juan Rey, e o Xerente de Esperanza Salnés, Augusto Chavez, acompañados polo teniente de alcalde de Cambados, Antonio Iglesias Pombo.

Tranquilidade é o que lle transmitiron ó Presidente da Mancomunidade do Salnés, Gonzalo Durán, representantes da Consellería de Sanidade sobre a ampliación do Hospital do Salnés.

Gonzalo Durán aproveitou o acto de sinatura de cesión dos terreos á Xunta, celebrado onte en Santiago na sede do Sergas, para preguntar polos prazos do proxecto.

E ainda que non recibiu datas concretas, sí lle trasladaron unha mensaxe de tranquilidade, que todo está dentro de plazo.

Decíao esta mañá o Presidente do ente comarcal nunha rolda de prensa na que tamén se anticipaba xa á busca de alternativas no momento en que comecen as obras para o aparcamento recén habilitado no espacio que ocupará a ampliación.

As súas declaración recollíamolas en AROUSA PONTEVEDRA DIA A DIA...

PARKING HOSPITAL

A plataforma SOS Panadeira seguirá opoñéndose á construcción dos pantaláns do Club Náutico pese a modificación do proxecto, acordado entre a entidade e Portos de Galicia, que elimina os 8 pilotes previstos na praia de Os Barcos.

Para o colectivo veciñal a modificación non supón un cambio significativo xa que entenden que o pantalán seguirá pechando a praia e permanecerá o impacto visual..

Así que seguirán coas mobilizacións, coas quendas de garda a pe de praia e para esta fin de semana teñen previsto a celebración dun entroido simbólico o domingo e o sábado un novo partido de futbol.

Os integrantes da plataforma argumentaron esta mañá en rolda de prensa a súa oposición ó proxecto dende o principio con documentos e dossieres que, segundo entenden, demostran a ilegalidade da obra programada polo Club Náutico.

Argumentos que tamén nos comentaba en AROUSA PONTEVEDRA DIA A DIA, o portavoz da plataforma Carlos Quintía.

A Consellería de Traballo pon en marcha por primeira vez un incentivo de ata 15.000 euros para a creación de cooperativas xuvenís en Galicia

Está destinado ós mozos e mozas de entre 16 e 29 anos que decidan por en marcha unha cooperativa e que, ademáis, contarán cun 25% de incremento nas contías contempladas para este sector. A orde publicarase mañá no DOG.

A medida está incluida no Plan de emprego Xuvenil, promovido pola Xunta de Galicia, e que ten como novidade o programa Xuventude Coop., accións dirixidas a que a mocidade galega poida iniciar a súa experiencia cooperativa.

Ademáis, a Consellería de Traballo está tamén a traballar no desenvolvemento da primeira Lei de Economía Social de Galicia, o que converterá a Galicia en pioneiro a nivel estatal en contar cunha norma destas características.

Todo elo anunciábao esta mañá en Cambados a Conselleira de Traballo e Benestar, Beatriz Mato, nunha visita a cooperativa Condes de Albarei, onde destacou o éxito da fórmula do cooperativismo mesmo en momentos de crise.

En AROUSA PONTEVEDRA DIA A DIA recollíamos as súas declaracións.

A Mancomunidade do Salnés asina mañá ante notario a cesión á Consellería de Sanidade dos terreos para a ampliación do Hospital do Salnés. A parcela foi adquirida pola entidade comarcal co financiamento da Deputación de Pontevedra para executar as actuacións.

Pero se no prazo de tres anos non se tivesen realizado as obras, os terreos reverterían de novo ós concellos.

O acto de sinnatura terá lugar as 10 e media da mañá na sede do Sergas en Santiago.

Son datos que nos ofrecía esta mañá en directo en AROUSA PONTEVEDRA DIA A DIA o alcalde de Vilanova, Gonzalo Durán, tras unha rolda de prensa na que tamén confirmaba que o concello decidiu manter para este domingo o Desfile do Momo, o acto central do entroido vilanovés, a pesar de que coincidirá cos desfiles aprazados de Vilagarcía e Cambados e tamén o enterro de Ravachol en Pontevedra.

O Desfile do Momo comezará o domingo ás 5 da tarde.

Os veciños de Vilanova poderán facer chamadas gratis a través de Internet.

O Concello vai aumentar o ancho de banda da rede municipal cun investimento que rondará os mil euros para poder prestar soporte as chamadas a través de WhatstApp.

A rede Wifi de Vilanova é utilizada por máis de sete mil usuarios, e non só do municipio, pois do seu sinal se benefician noutros municipios veciños.

Ademáis, o goberno local renegociará o contrato suscrito pola rede de internet, que actualmente supón un custe de 6.000 euros ó mes, e que quedará na metade a partir de abril.

O colectivo Lazareto de Carril mantén unha tregua nas suas mobilizacións ata mediados da semana que ven para dar un marxe á Consellería do Mar para que resposte ó seu plan piloto ou lles conceda unha entrevista na que trasladarlles as suas demandas..

Nolo decía esta mañá en AROUSA PONTEVEDRA DIA A DIA o portavoz do colectivo, Salvador Ribadomar, que anunciaba que, de non obter resposta, reanudarán as mobilizacións.

Todo elo despois de que o membros do colectivo Lazareto de Carril, protagonizaran onte un peche na delegación da Consellería do Mar, que finalizaron despois de recibir a advertencia de que si eran desaloxados polos axentes da Policía Autonómica que se desprazaron ata o lugar o asunto acabaría no xulgado.

A Concellería de Cultura de Ribadumia pon en marcha un Curso de Monitor de Tempo Libre, homologado pola Xunta de Galicia, que inclue a obtención do carnét de manipulador de alimentos.

A iniciativa está organizada en colaboración coa Escola de Tempo Libre Barlovento e terá un custe de 200 euros para desempregados e empadroados en Ribadumia.

Para os demáis casos serán 220 euros.

O curso, de 350 horas de formación, impartirase para 25 prazas dende o 15 de marzo ó 27 de abril na Casa de Cultura de Ribadumia.

O prazo de inscripción está aberto e quen queira anotarse pode facelo na Casa de Cultura de Ribadumia.

Os detalles nolos contaba en AROUSA PONTEVEDRA DIA A DIA, Beni Pastoriza, director da Escola Barlovento.

O Concello de Cambados xa ten sobre a mesa a idea da ampliación do polígono industrial de Sete Pías.

O alcalde de Cambados, Luis Aragunde facía esta anuncio nunha visita a empresa Svenska Bearing que esta situada no polígono da localidade.

Svenska Bearing fabrica pezas de metal para o sector naval, e é unha das empresas punteiras da localidade.

Conta ademáis cunha plantilla de 36 traballadores e a pesar da crisis, esta vendo incrementada a súa producción, que na súa maioría exporta a outros países de Europa.

O alcalde, Luis Aragunde, acompañado polo Delegado Territorial en Pontevedra, Jose Manuel Cores Tourís, visitaron esta mañá a planta de Svenska en Sete Pías para felicitar o traballo do xefe da empresa, Nils Bokedal, e dos empregados da factoría.

Escoitamos ás suas palabras en AROUSA PONTEVEDRA DÍA A DÍA.

As obras dos novos pantaláns do club náutico de Sanxenxo poden seguir adiante.

O xulgado do contencioso de Pontevedra autorizou ó club náutico de Sanxenxo a continuar coas obras do pantalan, desoíndo así a petición de SOS Panadeira que pedía a paralización cautelar dos traballos.

Pero a pesar da decepción pola sentencia do xulgado do contencioso, o colectivo veciñal seguirá adiante na súa loita.

Os veciños confían en que o Tribunal Superior de Xusticia de Galicia lles dea a razón e mentres tanto manteñen os ánimos con novas iniciativas máis lúdicas.

Este domingo teñen previsto a convocatoria dun partido de futbol veciñal na praia e unha protesta en piraguas.

Nolo decía en AROUSA PONTEVEDRA DIA A DIA Carlos Quintía, portavoz de SOS Panadeira.

Unha sentencia que chega nun momento no que a tensión sigue en aumento conforme anvanzan as obras.

O último enfrontamento, o da mañá de onte, acabou coa presentación de novas denuncias ante a Garda Civil tanto por parte dos integrantes de SOS Panadeira como por parte do persoal do Club Náutico.

Ademáis, un veciño, membro de SOS Panadeira, tuvo que ser atendido no centro de saude de Portonovo por unha ferida nos beizos.