O concello de Vilagarcía lamenta a decisión da veciña de Vilagarcía, María Carrera, de poñerse en folga de fame denunciando un retraso de 10 meses na tramitación da súa solicitude da axuda do Risga.

A concelleira de Benestar, Elena Suárez, comparecía esta mañá ante os medios para explicar o posicionamento do concello neste caso. A edil defendeu o traballo dos técnicos municipais de servicios sociais, ainda que confirmaba un un retraso na tramitación das solicitudes da Risga e que a Xunta de Galicia ten máis de 1.000 solicitudes antes da presentada pola veciña de Vilagarcía.

Agora, súa resolución seguirá o seu curso, e o Concello ofrece á afectada, ó igual que a todos os veciños do municipio, todolos recursos a disposición do concello de emerxencia social, de aluguer e de coberturas sociais.

Nolo comentaba en directo en AROUSA PONTEVEDRA DIA A DIA a concelleira Elena Suarez.

Bos datos do paro no mes de marzo, que se pécha na comarca do Salnés cun descenso de 165 parados . Por segundo mes consecutivo, a provincia de Pontevedra e as comarcas de O Salnés, Caldas, Pontevedra e Barbanza, rexistraron datos alentadores ó descender o número de desempregados nas listas de emprego.

O Salnés anotou descensos en todolos concellos agás en Ribadumia e A Illa de Arousa que incrementaron a cifra de persoas inscritas nos Servicios de Emprego: Ribadumia en 10 persoas, e A Illa de Arousa con dous parados máis.

A pesar de que no mes de Febreiro Vilagarcía rexistrou un aumento de 55 persoas, este mes de Marzo, no concello vilagarcián foron 3 persoas as que asinaron os seus novos contratos laborais.

O Grove, o igual que no mes de Febreiro, foi o municipio que máis contratos xerou, con 60 desempregados menos.

Seguenlle Cambados e Sanxenxo, que reduciron en 39 o número de parados, Meaño con 32 menos, Vilanova con 4 menos, Vilagarcía con 3 menos e Meis que se mantivo co mesmo número de desempregados.

As comarcas de Caldas e Pontevedra tamén anotaron de novo un descenso nas súas listas do paro.

Concretamente, na comarca de Caldas xeneráronse 86 contratos laborais durante o mes de marzo, con descenso en todolos municipios agás en Valga que sumou un desempregado.

Na comarca de Pontevedra, foron 269 os desempregados que atoparon traballo durante marzo, rexistrándose un descenso en todolos concellos.

No caso do Barbanza, que no mes de Febreiro aumentara o número, en Marzo rexistrou un descenso no paro de 104 persoas, baixando a cifra tamén en todolos municipios da comarca.

O sector servicios que camiña cara a Semana Santa volve ser o máis beneficiado no número de contratos.

En AROUSA PONTEVEDRA DIA A DIA analizábamos todos os datos con Ramón Vidal Trillo, secretario comarcal de UXT.

Preto de 10.000 autónomos e microempresas das comarcas do Salnés e Caldas ponden dende hoxe beneficiarse do Centro de Asesoramento de Novas Tecnoloxías que onte á tarde se inaugurou en Cambados, no Comarcal Exposalnés.

O obxectivo final é que as empresas de ambas as dúas comarcas se beneficien das vantaxes das novas tecnoloxías para mellorar a súa competitividade e como motor de innovación.

A nova oficina forma parte dunha rede de 6 centros, dos que xa botaron a andar os de Lalín (que atenderá as comarcas de Deza e Tabeirós-Terra de Montes), o de Ponteareas (para empresarios e autónomos de O Condado e A Paradanta), e O Porriño que, xunto coa oficina de Vigo, que se inaugurará proximamente, dará cobertura aos 33.000 autónomos e microempresas das comarcas de Vigo e Baixo Miño.

A eles sumarase a de Cambados que agora se inaugura e a sede central, que se situará no Edificio Administrativo da Deputación en Pontevedra e que atenderá as comarcas e Pontevedra e O Morrazo, ademais de coordinar ás 5 oficinas restantes.

Asesoramento personalizado

Desde hoxe mesmo, dous técnicos especializados atenderán o CPAE 2.0 de Cambados, no que os interesados poderán atopar resposta ás súas dúbidas tecnolóxicas, así como formación e asesoramento personalizado para un bo uso das tecnoloxías no seu negocio.

O obxectivo do Centro de Asesoramento Empresarial en novas Tecnoloxías é, precisamente, difundir e achegar as vantaxes das TIC entre autónomos e micropemes da provincia, centrando a atención de maneira especial naquelas de 5 ou menos empregados, que constitúen o 92% do tecido produtivo da provincia e que, ademais, son as que máis dificultades teñen para incorporar as novas tencoloxías.

O persoal técnico especializado da oficina non só responderá a todas as dúbidas tecnolóxicas dos usuarios, senón que ofertará actividades formativas e apoio e orientación personalizada para a implantación das ferramentas informáticas que mellor se adapten ás necesidades de cada empresa e negocio.

O Centro disporá de dous técnicos que atenderán todas as consultas nun horario amplo e, ademais, para facer máis doado o acceso a este asesoramento especializado, as consultas poderán facerse de forma presencial, por teléfono ou a través da rede (correo electrónico, dispositivos móbiles…).

Nesta oficina poderase atopar resposta a preguntas como a mellor maneira de aforrar nas comunicacións da empresa; como xestionar un negocio on-line; como controlar o stock da empresa desde un dispositivo móbil; como poñer en marcha plataformas de comercialización a través da rede ou que ferramentas de xestión que lle poden ser de utilidade, entre outras moitas.

Trátase, en definitiva, de que cada empresario reciba o asesoramento tecnolóxico máis adaptado as súas necesidades.

En AROUSA PONTEVEDRA DIA A DIA recollemos as declaracións do Presidente da Deputación, promotora da iniciativa, do alcalde de Cambados e dos técnicos durante o acto de inauguración do centro. Alba Piñeiro falaba con eles.

O PP de O Grove leva ó pleno que celebra esta tarde a corporación municipal unha moción en contra da revisión dos lindes que afectan á praia da Lanzada.

Segundo nos decía en AROUSA PONTEVEDRA DIA A DIA o alcalde, Miguel Pérez, a iniciativa que se debaterá no pleno tamén pide a alcaldesa de Sanxenxo que desista da sua intención de solicitar a titularidade do emblemático areal que comparten os dous concellos.

Miguel Pérez dí, en todo caso, que dende o Grove apostan por seguir mantendo unha relación de boa veciñanza e colaboración con Sanxenxo.

Rafael Louzán e Nava Castro incidiron en que esta entrega de material non é máis que un novo paso na colaboración que ambas as administracións manteñen para a posta en valor dos recursos turísticos da provincia e, neste caso concreto, para consolidar a provincia de Pontevedra como un destino de preferencia en turismo accesible.

Fixeron fincapé en que estes traballos que agora se desenvolven en O Salnés forman parte dun plan integral de accesibilidade na comarca, que vén a complementar as 4 pousadas, os máis de 50 quilómetros de rutas de sendeirismo e os 2 castros perfectamente adaptados para persoas con mobilidade reducida que xa existen na comarca.

Así nolo decía en AROUSA PONTEVEDRA DIA A DIA, a Directora Xeral de Turismo da Xunta Nava Castro.

De feito, a adquisición e posta en servizo do material de accesibilidade ás praias está incluído nun convenio máis amplo con Turismo de Galicia e que comprende traballos de eliminación de barreiras no acceso a diferentes edificios públicos e espazos de interese turístico da comarca, como a oficina de turismo, a lonxa e o Museo da Salazón en O Grove; a senda do Umia e o núcleo urbano de Ribadumia; o itinerario ao Concello e ao Auditorio en Meis ou o contorno das capelas de San Bieito e As Angustias, do Pazo de Lis, do parque Barreiro e da praza do Concello en Meaño.

Estas actuacións súmanse a outras levadas a cabo en diferentes edificios de Cambados e Vilanova de Arousa, así como os traballos realizados no contorno do mosteiro de Armenteira, e que suman un total de máis de 500.000 euros.

O PORTO DE TRAGOVE EN CAMBADOS XA CONTA CUNHA NOVA RAMPA DE DESCARGA.

O presidente de Portos de Galicia, Jose Juan Durán visitou esta maña o porto de Tragove para comprobar in situ o remate da obra de mellora da rampa de descarga que se utiliza para a descarga de peixe e de marisco.

A rampa, que se encontra cerca da lonxa, estaba moi deteriorada no seu pavimento polo que dende Portos de Galicia realizaron a actuación necesaria para a sua remodelación.

Tras a dimisión de Dorinda Rosa Perez como concelleira do PP de Vilanova, o alcade Gonzalo Duran, presentou este mediodía a incorporación de Javier Tourís ó goberno local.

Javier Tourís pasará a ser o primeiro teniente de alcalde de Vilanova, pero mentras non tome posesión do seu cargo, que esta previsto para o vindeiro mes, Javier Tourís será nomeado provisionalmente como asesor do alcalde.

Esta nova incorporación non afectará a economía do concello, xa que polo de agora, Tourís non vai a estar liberado e non vai a percibir ningún soldo pola súa labor.

O que si, afectará nas funcións dos actuais concelleiros, porque Javier Tourís encargarase da promoción e potenciación do emprego, novas tecnoloxías e na recuperación economica do concello, mentras que ás funcións que viña desempeñando Dorinda Rosa Perez, pasarán a mans da concelleira Ana Carballas.

Nuría Morgade encargaráse oficialmente da parte de obras e urbanismo, e os demais concelleiros continúan coas suas funcións.

Ademáis, desta presentación, o alcalde Gonzalo Durán, tamén falou da reunión que mantivo esta mañá ca Conselleira de Medio Rural, Rosa Quintana, a quen lle solicitou unha serie de axudas para mellorar os viais rurais e para arranxos dos danos polos temporais.

Escoitamos ás declaracións do alcalde de Vilanova, Gonzalo Durán e de Javier Tourís en AROUSA PONTEVEDRA DIA A DIA.

A Mancomunidade do Salnés tamén presentou esta mañá na Escola de Hostelería da Lanzada, as "Xornadas Gastronomicas: achegando a pesca do cerco",nas que baixo a denominación de "Acercando", preténdese facer unha homenaxe á pesca do cerco e ós mariñeiros.

Estas xornadas forman parte das actividades e práticas que se organizan para os alumnos do Obradoiro de Hostelería do Salnés. para que coñezan entre outras cousas, este tipo de pesca e os productos que se recollen con esta modalidade, como é a sardiña, a anchoa ou o xurel.

Na presentación das Xornadas, que tivo lugar este mediodía, ademais do Presidente da Mancomunidade, Gonzalo Durán, tamén estiveron presentes os alcaldes da Comarca e representantes das asociacions de Hostelería e turismo.

Escoitamos, en AROUSA PONTEVEDRA DIA A DIA, as palabras de Gonzalo Durán sobre estas xornadas gastronómicas.

Os aficionados ó sendeirismo e ó ciclismo terán unha nova cita o sábado 10 de maio para disfrutar do deporte e de paso visitar os lugares máis emblemáticos da comarca do Salnés.

A Asociación cultural e deportiva As Travesas de Tremoedo en colaboración coa Mancomunidade do Salnés, pon de novo en marcha esta travesía que unha vez máis recorrerá os concellos de Meis, Ribadumia, Cambados, Vilanova e Vilagarcía.

Quen queira participar nesta travesía podrá elexir entre tres tipos de ruta, a andaina longa, de 50 kilometros de distancia e que durará 12 horas, dende ás 8:30 da maña ata ás 20:30 da tarde, a aindaina curta, que sairá ás 15:30 da tarde, e a BTT en Bicicleta que sairá ás 15:35 da tarde.

Todas as probas sairán do campo da festa de Tremoedo e rematarán no mesmo sitio, ás 20:30 da tarde para que despois, os participantes poidan relaxarse e descansar cunha merenda de confraternidade que á organización preparará, con churrasco e empanadas.

Para inscribirse, hai que cubrir unha ficha na páxina web www.travesiadosalnes.com e facer o pago na conta bancaria que aparece na ficha. O prezo para apuntarse á andaina longa é de 18 euros, á andaina corta de 12 euros e á BTT de 15 euros. Dentro deste prezo tamén estan incluidos os avituallamentos e a merenda de confraternidade.

Ademáis de unha actividade deportiva, trátase tamén dunha alternativa de turismo deportivo co fin de promocionar a Comarca do Salnés e mostrar os encantos turísticos dos concellos.

Como novidade nesta edición, os corredores visitarán durante a ruta, as bodegas da Comarca que colaboran nesta actividade, e como premio final, todos os participantes serán agasallados cunha botella de viño albariño.

Dende A asociación As Travesas, como organizadora, e dende a Mancomunidade do Salnés animán a todos a participar nesta cita xa que se trata dunha proba participativa e non competitiva.

Así o recalcaban Adrián Baños e Gonzalo Durán na presentación da proba, que recollíamos en AROUSA PONTEVEDRA DIA A DIA.

As obras de remodelación da praza de abastos de Cambados iniciaranse a finais de ano cun investimento de preto de 4 millóns de euros, financiados por Fomento, a Xunta, o Concello e a Deputación de Pontevedra.

A actuación asúmese coa pretensión de renovar a fachada marítima do municipio xa que inclue o derribo de tres edificios: a praza actual, outro de Portos e a Lonxa Vella.

Cambados terá así un novo espazo para albergar a praza de abastos, que quere converterse en «referente na comercialización de produtos de calidade», además de nun elemento de dinamización do casco urbano cambadés.

Incluirá a reserva de espacio para servicios como guardería, áreas de degustación e restauración, e establecimientos adicados «a produtos elaborados propios da zona».

Por estes motivos, os placeiros deberán adaptarse ás características do novo espazo e, entre outras cambios, deberán abrir pola tarde.

En definitiva, tratase dun proxecto moi importante para Cambados, non só polo turismo, senón tamén polo que supón para a economía, o comercio e a pesca.

Os datos concretábanos esta mañá o Presidente da Institución Provincial, Rafael Louzán, e o alcalde Luis Aragunde, no acto de sinatura do convenio entre ambas administracións a través do que a Deputación asume a redacción do proxecto cun importe de algo máis de 72.000 euros, ó quedar este aspecto fora do convenio coas outras administracións.

Declaracións de Luis Aragunde e Rafael Louzán na sinatura do convenio entre ambas administracións e que recollíamos en AROUSA PONTEVEDRA DIA A DIA.