O concello de Vilanova acolle este domingo a primeira edición da Ruta Cabalar organizada pola asociación Os Cabaleiros de San Roque, de San Miguel de Deiro.

Esta previsto que uns 80 xinetes cos seus cabalos acudan dende toda Galicia a esta ruta que partirá ás 10:30 da mañá dende a praia de As Patiñas, e recorrerá un tramo de costa e camiños forestais ata chegar ó monte Lobeira onde farán unha parada para repoñer forzas disfutando dun pincho e das vistas.

Pero esta non é a unica cita do domingo, xa que a partir das 18:00 da tarde, no monte Lobeira tamén se celebrará unha Romaría como a que se celebraba hai 25 anos.

A comisión de festas de András quixo recuperar esta tradición, na que haberá polbeira, rosquilleira e unha mexilonada gratis.

Para amenizar a festa actuará a Orquesta Alkar que aproveitará a ocasión para presentar o seu espectáculo desta nova tempada.

Así o contaba a alcaldesa de Vilanova en funcións, Nuria Morgade, no acto de presentación celebrado este mediodía no concello, que recollemos en AROUSA PONTEVEDRA DIA A DIA.

Os grupos da oposición no Concello de Ribeira, BNG, PSOE e Independentes, solicitan a convocatoria dun pleno extraordinario para abordar de forma monográfica a supresión dos partidos xudiciais de Ribeira, Muros e Noia, que se prevé na reforma da Lei do Poder Xudicial.

Se os alcaldes do Barbanza decidían presentar mocións nos concellos en contra do anteproxecto que prepara o Ministerio de Xusticia, agora son os grupos da oposición de Ribeira, BNG, PSOE e Independentes, os que tamén fan público o seu rexeitamento conxunto a que desaparezan os xulgados da zona e que os veciños teñan que desprazarse a Coruña para realizar calquera trámite xurídico.

Os argumentos facíanos públicos os voceiros dos tres grupos nunha rolda de prensa conxunta celebrada esta mañá. Nos falabamos de todo elo en AROUSA PONTEVEDRA DIA A DIA con Xosé Antonio Vázquez Cobas, voceiro do BNG de Ribeira.

Finalmente, a ordenanza de uso, seguridade e conservación das praias, que o pleno de Vilagarcía debaterá o luns, establece a creación de duas zonas nos areais do municipio de zonas de libre paseo para as mascotas.

Serán un tramo delimitado por baixo de o Piñeiral da Concha e a liña do mar e outra no entorno de O Castriño.

Tras escoitar ao colectivo de propietarios de cans e ao grupo socialista, o grupo de goberno decidiu modificar a normativa.

A ordenanza continúa restrinxindo o acceso dos animais de compañía á praia desde o 1 de xuño ata o 30 de setembro no horario de baño que establece o Concello: entre as once da mañá e as nove da noite. Pero, a diferenza da redacción orixinal, o texto definitivo introduce como excepción que as mascotas poderán estar neses tramos delimitados.

Confirmábao esta mañá a portavoz do grupo de goberno Rocío Llovo nunha rolda de prensa que recollíamos en AROUSA PONTEVEDRA DIA A DIA..

Por certo que a filtración ós medios da modificación da normativa por parte da oposición, provocaba o malestar do alcalde Tomás Fole.

As trabajadoras despedidas da residencia Valle Inclán e os seus representantes sindicais sairon decepcionados do encontro mantido en Santiago co director xeral de Traballo, Odilo Martiñá.

O responsable do departamento de Beatriz Mato na área de Traballo comprometeuse a remitir á inspección de traballo todas as sentencias judiciais que obrigan a Nurtime e a Viaxes Silgar a readmitilas. A finalidade é que se realice un control exhaustivo sobre os motivos polos que non foron readmitidas as trabajadoras a pesar de contar con sentencias ó seu favor.

Pero ó entender da CIG é un escaso resultado para unha entrevista que as ex traballadoras levaban agardando meses.

Segundo o sindicato nacionalista, non houbo ningún tipo de resposta sobre a resolución do concurso das 110 prazas concertadas, alegando o director xeral de Traballo que non erá ámbito da súa competencia senon da área de Benestar.

Agora, as ex-traballadoras e os seus representantes sindicais continuarán coas mobilizacións en demanda dunha solución a súa situación.

Nolo contaba en AROUSA PONTEVEDRA DIA A DIA, o secretario comarcal da CIG, Xoan Xosé Bouzas Aboi.

Unha delegación composta por 24 membros, todos eles políticos, concretamente senadores e deputados de Filipinas visitaron esta maña o concello de Cambados, onde ademáis de coñecer un pouco máis como se rixen as adminitracións locais, aproveitaron tamén para coñecer de primeira man os sectores do mar e o viño, entre outros, facendo unha ruta de visitas polas distintas empresas da localidade.

O obxetivo desta viaxe a España é coñecer e informarse acerca de como funcionan ás administracións públicas en España para poder utilizar un modelo similar no seu país.

Esta tarde, a delegación filipina visitará Santiago de Compostela e mañá trasladaránse ata Madrid onde continuarán coa súa labor de aprendizaxe.

O alcalde de Cambados, Luis Aragunde, mostrouse moi satisfeito pola visita desta delegación e explicoulles a súa labor como rexidor e a situación do concello, que en palabras do alcalde, conta cunha boa saúde económica.

A recepción deste mediodía acudiron os 24 membros da comitiva filipina xunto co seu embaixador en España, Carlos Salinas, e representantes da Xunta de Galicia, o delegado territorial en Pontevedra, Jose Manuel Cores Tourís, e o director xeral, Gonzalo Ordoñez, ademaís do alcalde de Cambados, Luis Aragunde.

Escoitamos en AROUSA PONTEVEDRA DIA A DIA as palabras do Embaixador filipino, Carlos Salinas, e do alcalde de Cambados, Luis Aragunde..

A Asociación de Comerciantes de Vilagarcía, Zona Aberta, presentou esta mañá a súa nova campaña do Día da Nai.

Unha campaña coa que quere incentivar as compras no pequeno comercio da localidade e premiar a fidelidade dos seus clientes.

Como xa é habitual, os comercios adheridos a Zona Aberta entregarán ós seus clientes polas súas compras, unhas papeletas coas que entrarán a paticipar nun sorteo que, nesta ocasión, será de 300 euros repartidos en vales de compra para gastar nos establecementos de Zona Aberta.

O sorteo celebraráse o vindeiro luns 5 de maio nas oficinas da asociación.

E ademáis do sorteo, Zona Aberta quere volver a obsequiar, un ano máis, cunha canastra á primeira muller que dea a luz o domingo 4 de maio, Día da Nai este ano, no Hospital do Salnés.

En AROUSA PONTEVEDRIA DIA A DIA contábanos todolos detalles desta campaña Zulema Fresco, secretaria de Zona Aberta.

O concello de Meis vive un ano máis o fervor da Semana Santa, concentrada nos actos relixiosos vivintes que se celebran na parroquia de Paradela..

Un evento declarado de interés turístico seguido por numerosos fieis que cada ano reviven as recreacións dos diferentes momentos da Pasión de Cristo.

Este ano Marcos Roma asume o papel de Xesús, collendo o relevo de Enrique Barros, e Bruno Moraña e José Carlos Barreiros tamén se estrean nos papeis de Caifás e Lucio, respectivamente.

Dende o Domingo de Ramos, o Campo de Outeiro acolle as diferentes representacións que comezaron coa entrada de Xesús en Xerusalen.

O Xoves Santo terá lugar a recreación da

Última Cea e o xuicio do Sanedrín. O Venres Santo será o día máis intenso, coa Viacrucis e a crucifixión pola mañá e o desencravo no Monte da Croa ás 10 da noite.

O domingo conclue o programa coa escenificación da resurreción de Xesús.

A celebración da Semana Santa súmase a Romaría da Virxe das Cabezas da Armenteira, que se celebra o luns de Pascua, festivo local no municipio.

Todo elo, xunto coas rutas de sendeirismo e o campo de Golf fan de Meis un concello cada vez máis reclamado polo sector turístico.

De todo elo falabamos en AROUSA PONTEVEDRA DIA A DIA co alcalde José Luis Pérez.

Finalmente as ex-traballadoras da residencia Valle Inclán de Vilanova serán recibidas este luns na Consellería de Traballo.

Non será coa conselleira Beatriz Mato, como pedían, pero sí polo director xeral do departamento.

Á cita acudirán os representantes do comité de empresa e dos sindicatos.

A demandada reunión chega despois de que as ex-traballadoras e os seus representantes sindicais realizasen un peche de 24 horas no Concello de Vilanova, que abandonaron tras un incidente co alcalde Gonzalo Durán.

As extrabajadoras solicitarán á Xunta que tome medidas tendentes a garantir que as prazas concertadas do xeriátrico das Sinas que saen agora a poxa permanezan en Vilanova, co fin de asegurar a continuidade da actividade empresarial en Vilanova e a súa readmisión nos postos de traballo, tal e como ordenou o xuíz ao declarar nulos os seus despedimentos.

Os detalles nolos confirmaba esta mañá en AROUSA PONTEVEDRA DIA A DIA, Xoan Xosé Bouzas Aboi, secretario comarcal da CIG.

Estes obradoiros facilitan os alumnos unha formación que os capacita para ingresar no mercado laboral, e de feito, unha alumna do obradoiro, Carmen Costa, vai emprender un novo negocio, neste caso, aproveitando o aprendido en xardinería, ten previsto poñer en marcha unha tenda de productos agrícolas en Castrelo.

Así nolo contaba Carmen Costa en AROUSA PONTEVEDRA DIA A DIA tras recibir o seu diploma.

Durante os últimos 6 meses, os 20 alumnos - operarios do obradoiro de emprego Cambados Turismo Sostible II, todos eles desempregados de longa duración, formáronse en traballos de canteiría e xardinería forestal e encargáronse de restaurar elementos do patrimonio cambadés mellorando así a estetica da cidade e a oferta turística do municipio.

Entre os traballos desenvoltos polos 20 alumnos, baixo a dirección de Enrique Ferreiro, destacan a restauración e acondicionamento da fonte lavadoiro do Pardiño, en Vilariño, a mellora da senda fluvial do río Umia, cun novo trazado en Covas de Lobos, así como a dotación de mobiliario novo, xardineiras, bancos e prantas ornamentais na rúa Hospital, e o acondicionamento e novos deseños dos xardíns do Parque Torrado, a Casa dos Fraga e o Paseo da Calzada. Ademáis, tamén se instalaron varios elementos escultóricos, elaborados polos alumnos do módulo de canteiría, no entorno do Salón Jose Peña e na rotonda das Cabanas.

Durante os 6 meses de obradoiro tamén se levaron a cabo cursos de iniciación á informática, prevención e seguridade laboral, así como orientación laboral e xestión de empresas.

Toda esta iniciativa de formación laboral tivo un investimento por parte das administracións de preto dos 200.000 euros.

Durante o acto de clausura que se celebrou esta maña no salón de plenos do concello, o alcalde Luis Aragunde adiantou que xa pediron á consellería de traballo dous novos obradoiros para este ano, un de xardineria e outro de canteiría e madeira que esta previsto que se aproben nos vindeiros meses.

En AROUSA PONTEVEDRA DIA A DIA recollíamos ás palabras no acto de clausura do alcalde de Cambados, Luis Aragunde, e do director do obradoiro, Enrique Ferreiro.