O alcalde de Vilanova, Gonzalo Durán acusa ó PSOE local de tratar de gañar o poder sen pasar polas urnas e pide a demisión do secretario xeral e do portavoz da agrupación socialista.

O rexedor tamén anunciou que adoptará medidas legais contra ambos por calumnias e denuncias en falso.

Gonzalo Durán realizou esta mañá en rolda de prensa a súa valoración sobre o arquivo da causa aberta contra el polas supostas contratacións irregulares no concello denunciadas no seu día polo Partido Socialista local.

A Sección Cuarta da Audiencia Provincial decidiu o sobreseemento da causa contra el por considerar que no proceder para este máis de medio cento de contratos houbo “falta de corrección” pero non aprecia delito algún.

A Audiencia Provincial ratifica así a decisión do xulgado de Instrucción número 3 de Vilagarcía, contra a que presentaran recursos tanto o PSOE como a propia Fiscalía. Alegacións que agora rexeita o Tribunal Provincial.

A decisión é firme e contra ela non cabe recurso, polo que a causa volverá ó xulgado para o seu arquivo definitivo.

Fontes do entorno socialista amosan sorpresa pola decisión xudicial, xa que consideran que existen casos abertos contra outros alcaldes por supostas contratacións irregulares nos que non hai siquera os reparos administrativos que existen no caso de Vilanova.

Tanto é así, que mesmo o secretario local do PSOE de Vilanova, Jorge María López, sopesa demitir tras coñecer a resolución xudicial.

E pola súa banda, o alcalde Gonzalo Durán acusa ó PSOE local de tratar de gañar o poder sen pasar polas urnas e pide a demisión do secretario xeral e do portavoz da agrupación socialista.

O rexedor tamén anunciou que adoptará medidas legais contra ambos por calumnias e denuncias en falso.

Así o decía ante os micrófonos de AROUSA PONTEVEDRA DIA A DIA nesta conversa con Alba Piñeiro.

O alcalde de Vilanova Gonzalo Durán resérvase ata mañá a súa valoración sobre o arquivo da causa aberta contra el polas supostas contratacións irregulares no concello denunciadas no seu día polo Partido Socialista local.

A Sección Cuarta da Audiencia Provincial decidiu o sobreseemento por considerar que no proceder para este máis de medio cento de contratos houbo “falta de corrección” pero non aprecia delito algún.

A Audiencia Provincial ratifica así a decisión do xulgado de Instrucción número 3 de Vilagarcía, contra a que presentaran recursos tanto o PSOE como a propia Fiscalía. Alegacións que agora rexeita o Tribunal Provincial.

A decisión é firme e contra ela non cabe recurso, polo que a causa volverá ó xulgado para o seu arquivo definitivo.

Fontes do entorno socialista amosan sorpresa pola decisión xudicial, xa que consideran que existen casos abertos contra outros alcaldes por supostas contratacións irregulares nos que non hai siquera os reparos administrativos que existen no caso de Vilanova.

Tanto é así, que mesmo o secretario local do PSOE de Vilanova, Jorge María López, sopesa demitir tras coñecer a resolución xudicial.

E pola súa banda, o alcalde Gonzalo Durán quere agardar a falar previamente cos seus abogados antes de valorar a sentencia pero xa anuncia medidas contra o que considera unha persecución de 20 anos.

Así o decía ante os micrófonos de AROUSA PONTEVEDRA DIA A DIA..

O número de delitos en Vilanova de Arousa descendeu nun 24 por cento entre o 2012 e 2013

É o balance que facía esta mañá a xunta local de seguridade reunida no Concello de Vilanova baixo a presidencia do subdelegado do goberno, Claudio Coello e o alcalde Gonzalo Durán.

Segundo os datos ofrecidos nesta xuntanza, o Concello de Vilanova rexistrou un descenso do 9.85% no número total de delitos e faltas durante o ano 2013 con respecto o ano anterior 2012.

Na localide notouse un descenso nos delitos, concretamente nun 24.59% no ano 2013, sen embargo, o número de faltas por furtos aumentou un 9.15%.

No que levamos de ano 2014, tamén se anotaron datos á baixa, un 9.33% menos no total de delitos e faltas, polo que segundo o alcalde, Gonzalo Durán, Vilanova é un pobo tranquilo para vivir e disfrutar das vacacións.

En AROUSA PONTEVEDRA DIA A DIA recollimos as declaracións do Subdelegado do Goberno, Antonio Coello, que ademáis de facer o balance oficial, tamén felicitou o traballo diario das forzas de seguridade de Vilanova.

Escoitamos ó Subdelegado, Antonio Coello, e ó alcalde, Gonzalo Durán.

O Concello de Vilanova conta dende hoxe cun novo recordo da saída da Volta Ciclista a España dende a batea acristalada.

O Director Xeral da Volta, Javier Guillén visitou esta mañá o concello de Vilanova para facer entrega dun presente como agradecemento polo éxito obtido na saída da pasada edición da Volta Cilista. Trátase dun cadro coa fotografía da paisaxe de Vilanova e da batea de cristal xusto no momento no que comezaba a etapa.

Pódese apreciar as rúas de Vilanova cheas de xente, xa que preto de 40.000 persoas acudiron ata o municipio para ver a espectaculariedade de saída e para animar ós ciclistas.

Segundo Javier Guillen, a saída dende a batea foi a mellor é a máis espectacular dende que él esta ó fronte, e agora hai un duro traballo por diante para superar este acontecemento.

Polo de agora, o que xa se sabe é que a Volta Ciclista estará en Galicia durante unha semana no mes de Septembro, pasará de novo por Pontevedra e pola comarca do Salnés e rematará na Praza do Obradoiro en Santiago de Compostela xa entrada a noite.

Son datos que adiantaron o director da Volta, Javier Guillén e o presidente da Deputación de Pontevedra, Rafael Louzán, na xuntanza mantida esta mañá co alcalde de Vilanova, Gonzalo Durán.

Escoitamos ás declaracións en AROUSA PONTEVEDRA DIA A DIA.

O persoal do Hospital do Salnés afectado polas agresións e ameazas do fillo dunha paciente agarda que a dirección do centro active un protocolo de seguridade efectivo para evitar que se repitan as situacións que veñen sufrindo dende hai semanas.

De momento, mentres o xulgado non resolve as denuncias presentadas, a xerencia limitou ó acceso deste home ó hospital, dentro do horario de visitas, reforzando o servicio de seguridade.

En AROUSA PONTEVEDRA DIA A DIA falabamos con Rosa Casal, unha das traballadoras da segunda planta.

Contábanos esta traballadora que, a raiz de que o caso se fixese público nos medios, as agresións verbais a viva voz convertéronse en ameazas como “Coñezo a tua cara e o teu coche. Sei que tes fillos”.

Tamén nos decía Rosa Casal que este home acostumbra a encontrarse en estado de embriaguez e que a situación que agora se vive na segunda planta xa se repetira noutras onde a paciente estivo ingresada nos dous últimos meses.

I e que durante as suas estancias, o seu fillo estivo insultando e ameazando cada día ó persoal, que se sinten indefensos e baixo presión.

A Xerencia asegura que non ten potestade para prohibir a entrada a ningún cidadán ó hospital, a non ser baixo unha orde xudicial e a plantilla confía nunha orde de afastamento canto antes e que dende a dirección do centro se active un protocolo de seguridade que realmente funcione, porque o de agora, nos decía Rosa Casal, non é efectivo.

Os contratos no sector servicios por Semana Santa axudaron a que todas as nosas comarcas pecharan o mes de abril con importantes descensos do paro.

O Salnés rexistrou unha diminución de 477 desempregados.

Os concellos con descensos máis significativos foron O Grove e Sanxenxo, con 141 contratos novos, seguidos de Vilagarcía (-94), Meaño (-39), Vilanova (-25), Meis(-15), Cambados (-11), A Illa (-7) e Ribadumia (-4).

A comarca de Pontevedra tamén rexistrou descensos no número de desempregados en todolos concellos, agás en Campo Lameiro, que sumou dous novos parados, cunha reducción total de 238 desempregados menos.

A maior baixada do desemprego foi en Pontevedra capital con 102 persoas menos nas listas das oficinas dos Servicios Públicos de Emprego, seguida de Poio con 85 persoas que encontraron traballo.

En Vilaboa foron 25 os novos contratados, en Barro 18 , Cotobade 6, A Lama 5 e Ponte Caldelas 1.

A comarca de Caldas pechou abril con 204 parados menos, con descensos en todolos concellos, e ó mesmo ocorreu na comarca do barbanza onde o mes pasado se rexistrou unha diminución de 179 persoas nas listas do paro.

Dende UXT, o secretario comarcal Ramón Vidal, acolle os datos con relativo optimismo destacando a precariedade dos contratos que chegan a ser as veces mesmo dunha semana.

Nolo decía nesta conversa en AROUSA PONTEVEDRA DIA A DIA.

Portos de Galicia comezou onte as obras de sustitución da antiga barandilla que percorria o paseo marítimo de O preguntoiro en Vilaxoan, por unha nova balaustrada de formigon similar a que xa hay nos paseos de Carril e da Concha en Vilagarcia.

A nova balaustrada dotara o paseo de maior seguridade e estará combinada cunhas bancadas para que os paseantes se podan sentar e observar a praia e o mar.

A entidade Portos de Galicia xunto co concello de Vilagarcia están a levar a cabo unha serie de melloras na seguridade vial nesta zona, como a creación de pasos elevados, xa que e un vial moi transitado.

Pero tamen pretenden que sexa unha mellora estética co fin de unificar as fachadas marítimas de Vilaxoan, Vilagarcia e Carril ca posta da nova balaustrada.

O presidente de Portos de Galicia, jose Juan Duran, xunto con alcalde de Vilagarcia, Tomas Fole, mantiveron esta maña una xuntanza de traballo para falar das actuacions que se van levar a cabo nos vindeiros meses e que se espera que rematen antes do verán.

Escoitamos parte de esa reunión que recollemos en AROUSA PONTEVEDRA DIA A DIA.

Os portos de Cambados continúan á cabeza na recollida e reciclaxe de aceites residuais na provincia de Pontevedra.

O porto de Tragove sitúase como porto autonómico líder en Pontevedra, xa que durante o ano 2013 recolectáronse en Tragove 12.708 kilos de aceite usado, aceites de hidrocarburos e materiais impregnados. No outro Porto cambadés de Santo Tomé recolleuse tamén un total de 3.872 kilos de aceite pesado, polo que Cambados convértese no municipio con maior actividade de colecta non seus portos.

No que levamos de 2014 xa son 5.000 kilos de aceite os que se recolleron en Cambados, e en total, no 2013 rexistráronse en Galicia preto de 870.000 kilos de aceite recollido.

O Presidente de Portos de Galicia, Jose Juan Durán, visitou esta mañá o Porto de Tragove para facer o balance do convenio Marpol, o convenio internacional para previr a contaminación por buques, e recalcou a boa labor que se esta a facer no Porto de Tragove e a concienciación na recollida e mantemento do medio mariño de Cambados.

En AROUSA PONTEVEDRA DIA A DIA escoitamos as declaracións de Jose Juan Durán, Presidente de Portos de Galicia, que estivo acompañado polo Patrón Maior de Cambados, Benito Portas.

A Mancomunidade do Salnés continúa coa súa busqueda de expansión turística e empresarial por terras mexicanas.

Agora o novo paso a seguir pola entidade comarcal trala súa viaxe a Aguascalientes é a negociación dun irmanamento con outra cidade mexicana.

Trátase da cidade de Apodaca, que integrada no departamento de Monterrey no estado de Nuevo León.

É unha das cidades con maior crecemento económico de America e conta coas empresas máis importantes do sector da tecnoloxía, ademáis de ter a maior porcentaxe de persoas en activo, un 96%.

Ainda que todavía o acordo non esta pechado, dende a Mancomunidade do Salnés mostranse moi interesados neste irmanamento e confían en que finalmente se leve a cabo a unión. Sen embargo, nesta ocasión o ente comarcal considera que este acordo é demasiado importante e necesitarían a colaboración da Xunta de Galicia para así aumentar as posibilidades de negocio cara o resto de Galicia.

Unha nova unión con México que forma parte das negociacións que a Mancomunidade do Salnés puxo en marcha durante a súa viaxe á cidade azteca de Aguascalientes, na que tamén conseguiron impresionar ós visitantes da Feira agropecuaria de San Marcos co video promocional do turísmo de O Salnés.

Por parte dos empresarios que tamén participaron nesta viaxe, aínda non conseguiron pechar ningún acordo empresarial debido ós poucos días que durou a viaxe, pero sí descubriron que en México teñen posibilidades de negocio, polo que esperan poder volver a cruzar o atlántico nos vindeiros meses para seguir adiantando ás negociacións e, se cadra, convir algún convenio empresarial.

Son datos que o Presidente da Mancomunidade do Salnés, Gonzalo Durán, ofrecía na rolda de prensa convocada esta mañán para facer un balance oficial desta misión promocional.

En AROUSA PONTEVEDRA DIA A DIA nolo contaba en directo Gonzalo Durán nunha conversa con Alba Piñeiro.

Esquerda Unida deberá adiantar unha fianza de 500 euros se quere volver a utilizar unhas instalacións municipais para a realización de actos lúdicos.

Esta é a medida adoptada pola xunta de goberno local esta mañá a raiz do estado de suciedade no que quedou a Praza da Peixería tras a celebración do Festival Mundo Vermello, organizado pola agrupación de esquerdas, que reuniu a centos de persoas a pasada fin de semana.

Esta fianza, dí o goberno local, ten como obxectivo cubrir posibles gastos engadidos polo incumprimento das condicións especificadas no permiso de cesión dos locais.

Para evitar este tipo de “actitudes incívicas e que inciden negativamente na imaxe da cidade”, a Xunta de Goberno Local decidiu que o establecemento da fianza aplicarase a calquera outro colectivo que teña incorrido previamente no incumprimento dalgún requisito recollido no permiso de uso das instalacións municipais.

Dende Esquerda Unida o portavoz do grupo municipal Juan Fajardo, nos adiantaba que recurriran a sanción ante a xusticia.

Juan Fajardo restáballe importancia á medida de sanción que puidera adoptar ó goberno de Tomás Fole, argumentando que a limpeza dos espacios despois de calqueira acto ou actividade pública debe realizala a empresa contratada polo concello para a recollida de lixo.

Neste sentido, o concelleiro de Esquerda Unida preguntábase “quen vai limpiar o recinto de Fexdega trala Gala de Panorama do vindeiro venres”.

Argumentos que nos expoñía Juan Fajardo en AROUSA PONTEVEDRA DIA A DIA.