A Casa de Cultura de Vilanova converterase en Auditorio e Centro Multiusos a través dunha actuación que realizarán conxuntamente Deputación e Concello.

O convenio de colaboración, asinado este mediodía entre Rafael Louzán e Gonzalo Durán, establece un importe de 1.350.000 euros, dos que a institución provincial financia 1,2 millóns e o resto será aportado pola administración municipal.

A reforma habilitará un espacio para dar cabida a un auditorio de 300 prazas de aforo, ademáis de ubicar as instalacións da Escola de Música, servicios sociais e o CIM.

Segundo as previsións da Deputación, as obras poderían comezar no mes de setembro.

O protocolo de colaboración entre a Deputación e o Concello de Vilanova foi asinado no salón de Actos do Concello este mediodía polo presidente da Deputación, Rafael Louzán e o alcalde Gonzalo Durán.

En AROUSA PONTEVEDRA DIA A DIA , Alba Piñeiro recolleu as declaracións de ambos.

Acórdanse de Dani Cornes??' o mozo de O Grove que deixou de ser anónimo gracias ó seu tema de “Rías Baixas Style”.

Bueno pois este grovense de 17 anos acaba de sacar o seu primeiro album que xa se pode descargar de xeito totalmente de balde a través da dirección web danicornes.bandcamp.com..

Con Dani Cornes falamos en AROUSA PONTEVEDRA DIA A DIA..

O Museo do Viño de Cambados acollerá a primeira fin de semana de xullo a 13 Edición dos Cursos de Verán organizados pola UNED de Pontevedra.

Baixo o nome, Enoturismo, Unha realidade en Auxe, o curso estará destinado a coñecer o mundo do Enoturismo, tratando temas como a situación economica deste sector, ou a labor de promoción que se esta a levar a cabo por parte das administracións como TurGalicia e TurEspaña.

Tratase pois da decimo terceira edición dun curso que cada ano conta cunha gran lista de espera ó ser moi solicitado polos alumnos, xa que é un obradoiro onde se aprende moito sobre un sector que esta en pleno apoxeo, e que cada día conta con maís adeptos, como é o do enoturismo.

O curso celebraráse no Museo do Viño de Cambados, os días 2, 3 e 4 de xullo, e dende hoxe xa esta aberto o prazo de inscripción online que se poderá facer dende a páxina web da UNED de Pontevedra de forma gratuita.

Son datos que se deron durante a rolda de prensa de presentación deste curso que se celebrou esta mañá e na que estiveron presentes Beatriz Rodriguez, Directora da UNED de Pontevedra, Rocío Acha, Directora da rede de Museos de Cambados, e o Alcalde de Cambados, Luis Aragunde.

Escoitamos as súas palabras en AROUSA PONTEVEDRA DIA A DIA.

Membros da Asociación Parlamentaria pola Cultura da Vide e do Viño, formada por Deputados e Senadores do Parlamento Español de diferentes grupos políticos visitaron Cambados esta mañá para coñecer de preto a cultura do viño albariño e da DO Rías Baixas.

Encabezados por Jose Cruz Lapazarán, Deputado por Navarra do PP, a comitiva mantivo unha xuntanza co Presidente da Denominación de Orixe Rías Baixas, Juan Gil de Araújo, para intercambiar inquedanzas e opinións acerca da cultura vitivinicola e a situación do sector.

Esta Asociación pola Cultura da Vide e o viño naceu hai dous anos co obxetivo de difundir os valores da viticultura e intentar que aumente o consumo de viño, xa que nos últimos anos estanse anotando perdidas no consumo e tamén na superficie de viñedos.

A visita destes Deputados á Cambados é importante para continuar coa promoción da DO Rías Baixas fora de Galicia, xa que en palabras do presindente da Asociación, Jose Cruz Lapazarán, o Albariño Rías Baixas é un dos mellores viños brancos do mundo.

Escoitamos as declaracións na rolda de prensa de esta mañá, de Jose Cruz Lapazarán, e tamén as do Presidente da DO Rías Baixas, Juan Gil de Araújo, en AROUSA PONTEVEDRA DIA A DIA.

O ALCALDE DE VILANOVA GONZALO DURÁN CIFRA EN 8 MILLÓNS DE EUROS O TOTAL DA DÉBEDA BANCARIA DO CONCELLO SEGUNDO OS DATOS OFRECIDOS POLO MINISTERIO DE ECONOMÍA.

Son datos que o alcalde, Gonzalo Durán, revelaba este mediodía durante unha rolda de prensa convocada para anunciar que o Concello de Vilanova acaba de adherirse ás novas condicións financieiras que o Ministerio de Economía pon en marcha para facilitar que os concellos fagan fronte ó pago da débeda pública das administracións.

Con estas novas condicións financieiras, o Ministerio de Economía, ademáis de baixar o tipo de interés para faciliar o pago, tamén ofrece a posibilidade de axilizar a apertura de pequenas e medianas empresas co plan Emprende en3, que permite a apertura dos negocios en poucos días presentado a licencia de actividade e unha declaración responsable.

Gonzalo Durán amósase satisfeito con estas condicións que suporán para o Concello de Vilanova un aforro anual de 204.000 euros debido á baixada dos tipos de interés, o que segundo o alcalde conlevaría un alivio na situación financieira do municipio que actualmente ten unha débeda de 8 millóns de euros.

Polo demáis, a apertura de novas pymes en Vilanova será moito máis sinxela e rápida que ata o de agora.

Haberá que presentar unha declaración responsable e a licencia de actividade para que o Concello dea o seu permiso en poucos días e que xa se podan abrir os novos negocios. Deste xeito, o resto dos trámites habituais para conseguir as licencias seguirán facéndose pero coa empresa xá en funcionamento, o que implica que a apertura se poida levar a cabo en pouco tempo, trámites que antes se retrasaban entre 3 e 6 meses.

Así o comunicaba o Alcalde de Vilanova, Gonzalo Durán, na rolda de prensa de esta mañá e que recollemos en AROUSA PONTEVEDRA DIA A DIA.

Máis da metade dos alumnos que participaron no programa de emprego emprega salnés II , promovido pola mancomunidade do salnés atoparon traballo.

Durante 8 meses, 100 demandantes de emprego da comarca de O Salnés participaron nas diferentes actividades de formación do Programa .

O obxetivo desta iniciativa é que os alumnos poidan formarse en disciplinas que lles poden axudar para obter un posto de traballo.

Emprega Salnés II ofertou accións formativas para completar os seus coñecementos en Inglés, Informática, Comercio e Técnicas de Venta, Contabilidade, Autoemprego, Manipulación de Alimentos, Prevención de Risgos Laborais e Manexo de Carretilla Elevadora, Frontal e Retráctil.

Ó peche do programa, 52 dos 100 alumnos, xa atoparon emprego en empresas de diferentes sectores da comarca, e 33 deles contan cun contrato laboral de máis de 6 meses.

Son datos que comunicaba o Xerente da Mancomunidade do Salnés, Jose Ramón Guinarte, durante o acto de entrega dos diplomas ós alumnos, onde tamén estaba presente o Presidente da Mancomunidade, Gonzalo Durán.

 Escoitamos as súas valoracións sobre Emprega Salnés II, en AROUSA PONTEVEDRA DIA A DIA.

Así o comunicou o Teniente de Alcalde de Vilanova, Javier Tourís, nun acto celebrado esta maña no Pazo de Vista para a presentación dos concertos programados para a Festa do Mexilón no que tamén estiveron presentes a Deputada Ana Isabel Vazque e o alcalde de Vilanova, Gonzalo Durán.

A Deputada anunciou os concertos de Treixadura e Maria do Ceo que actuarán os días 8 e 10 de Agosto no Xardín Umbrío.

E aproveitando a visita, o teniente de alcalde quixolle amosar á Deputada o Pazo de Vista Real para solicitarlle unha serie de axudas para a posta en valor do Pazo e convertilo así nun centro homolagado de referencia para a realización de cursos de formación.

Javier Tourís deixou caer que necesitarián preto de 400.000 euros para levar a cabo esta actuación. Unha cantidade que Ana Isabel Vazquez non quiso confirmar pero sí asegurou que a Deputación estudiará a proposta.

En AROUSA PONTEVEDRA DIA A DIA recollemos as declaracións.

O presidente de Portos de Galicia, José Juan Durán, supervisou esta mañá a evolución das obras de ampliación da liña de atraque do porto pesqueiro de Vilanova de Arousa.

Trátase do proxecto pioneiro "Estaca-Lámina" cuxo obxectivo é probar un novo sistema de construción de diques portuarios en rías que permite reducir o uso de formigón, economizar custos, diminuír tempo de execución e minimizar o impacto ambiental.

A actuación que se está a executar en Vilanova é unha nova explanada, de 1.200 metros cadrados, gañando ademais unha nova liña de atraque de 60 metros, que se poderá utilizar para as descargas dos mexiloneiros.

A novidade está no material de contención na cara interior da estrutura. En lugar de dispoñer grandes moles de formigón, contense todo o recheo cunhas pranchas plásticas de polietileno, de apenas 80 milímetros de espesor, cun deseño curvo para aumentar a súa resistencia e reforzadas cada oito metros por unhas estacas verticais.

Os traballos dilataranse durante o verán e principios do outono e a idea exportarase para outras aplicacións portuarias, como pode ser o de Cabo de Cruz en Boiro.

Así o decía esta mañá o presidente de Portos de Galicia, José Juan Durán, na visita ó peirao vilanovés que recollíamos en AROUSA PONTEVEDRA DIA A DIA..

Pontecaldelas prepárase para celebrar esta fin de semana unha nova ediicón da Festa da Troita, e xa van 48,, e na que, entre música e outras actividades, poderanse degustar máis de 800 kilos de troitas elaboradas en diferentes variedades...

En AROUSA PONTEVEDRA DIA A DIA falabamos do evento con Perfecto Rodríguez, alcalde de Pontecaldelas.

O Hospital do Salnés acolleu este mediodía unha nova mobilización contra o peche de camas no verán. A xunta de persoal da área sanitaria realizou unha nova protesta “deitada” no vestíbulo do centro para escenificar o que podería pasar no verán aos pacientes se non hai camas suficientes: que terían que quedar «tirados» no corredor. Os organizadores centran a mobilización contra o peche de camas e tamén co fin de facer unha chamada á administración sanitaria para que resolva os principais problemas do centro.

.

Problemas que resumía Ramón Barreiro, do sindicato OMEGA na lectura do manifesto que recollemos en AROUSA PONTEVEDRA DIA A DIA.

Trala lectura do manifesto, o sindicalista tamén respondeu a unha pregunta da nosa compañeira Alba Piñeiro sobre a “inminente” licitación da ampliación do hospital anunciada hoxe polo presidente da Xunta, Núñez Feijoo, manifestando a súa satisfacción pola noticia.

Protesta no Hospital do Salnés que tamén se repetiu en Pontevedra, no Hospital Provincial e en Montecelo.

Neste caso, os traballadores concentráronse ás portas dos centros e no caso da concentración do Provincial, os convocantes optaron ao final por axeonllarse para denunciar as consecuencias que entenden terá o peche de camas. Inicialmente tiñan previsto deitarse, pero a choiva fíxoos cambiar de plans.