A Mancomunidade do Salnés conta dende agora cun novo apoio na sua labor de promoción internacional da comarca.

A entidade comarcal asinou esta mañá un convenio de colaboración coa FECA, Federación de Empresarios de Arousa, para aunar esforzos co obxectivo de continuar promovendo e difundindo a oferta turística de O Salnés.

Tal como se establece no convenio, a partir de agora as dúas entidades poderán acudir xuntas a congresos, ferias e distintos tipos de actos e intercambiar deste xeito opinións e intereses.

Paralelamente, a promoción exterior da comarca empeza a xerar interese noutros países como é o caso de Alemaña, Rusia e México, que tras visualizar o video que a Mancomunidade elaborou sobre O Salnés, mostránse sorprendidos pola paisaxe e a oferta turística, polo que xa hai datos que rexistran que cada dúas semanas veñen a visitar a comarca grupos de turistas rusos.

Ademáis, para este sábado esta previsto que un grupo de 20 turoperados rusos estén de visita pola comarca e terán unha cea coa Mancomunidade para seguir elaborando un plan para que cada día veñan maís turistas.

O seguinte paso da entidade comarcal será unha nova viaxe programada para este martes, á cidade alemana de Kiel, co fin de seguir unindo lazos.

De todo elo daban os detalles o Presidente da Mancomunidade de O Salnés, Gonzalo Durán, e o Presidente da FECA, Jose Luis Vilanova, nunha rolda de prensa que recollemos en AROUSA PONTEVEDRA DIA A DIA...

O Pazo de Vista Real acollerá 6 cursos homologados da Xunta sobre agricultura.

A Xunta deu o visto bo para a homologación do Pazo de Visa Real como centro de formación de emprego, polo que a Consellería de Traballo concedeu ó Concello de Vilanova, 6 cursos para que se realizen nas instalacions do Pazo.

As accións de formación que se ofrecerán en Vista Real serán, cultivos herbaceos, froitocultura, actividades de floreria, instalacións e mantementos de xardíns, agricultura ecolóxica e manexo de maquinaria agraria.

Nos vindeiros meses, o Concello de Vilanova elaborará o proxecto para realizar estas actividades de formación.

As instalacións de Vista Real contan cunha superficie de 40.000 metros dispoñibles para a formación e creación de emprego.

Son datos que revelaba o Teniente de Alcalde de Vilanova, Javier Touris na rolda de prensa celebrada esta maña e que recollemos en AROUSA PONTEVEDRA DIA A DIA.

A empresa Marconsa encontrase inmersa nun plan de liquidación que se ven dilatando dende 2012, cando unha administradora concursal fíxose cargo do concurso de acreedores.

O pasado 28 de abril celebouse a subasta das instalacións que Marconsa tiña en Catoira, subasta á que se presentou unha empresa que estaba interesada en adquirir a planta.

Sen embargo, non se puido chegar a ningún acordo xa que a administradora concursal asegurou que era coñecedora dunha empresa que presentaba unha oferta superior, polo que os xulgados outorgaron un prazo de 10 días para que se formalice tal oferta. O prazo para a presentación da proposta rematou onte, e dende o sindicato CIG, descoñecen se se formalizou a oferta pero consideran que non foi o caso e que se trata dunha forma para continuar retrasando o proceso.

Segundo os datos cos que conta a CIG, a débeda que Marconsa tiña era de máís de 6 millóns de euros, pero dende que esta a administradora concursal, os gastos aumentan e os 14 traballadores seguen sen cobrar o que lles corresponde, o que fai que a fecha do 30 de abril, a débeda ascendera a preto de 9 millóns de euros.

O que a CIG non entende é porque ós traballadores débenselle os saliarios de abril, maio e xunio e unha paga extra de 2013, e a administradora concursal, pola contra, leva dende agosto cobrando 2.800 euros ó mes como honorarios. Ademáis tampouco lle parece normal ó sindicato que a administradora siga pagando 10.000 ó mes de alquiler das instalacións e máis de 4.000 euros ó mes de luz, dunha empresa donde non hai nadie traballando.

Á espera de coñecer se finalmente si se presentou esa oferta superior, os traballadores e o sindicato temen que se esa proposta non se fixo oficial, a primeira empresa que si estaba interesada na compra, finalmente a rechace.

Son datos que nos ofrecía o secretario comarcal da CIG, Xoan Xosé Bouzas Aboi, e que recollemos en AROUSA PONTEVEDRA DIA A DIA.

Todo o que se poida saber sobre a violencia de xénero é pouco e quizás por tal motivo o gabinete de avogados Miguelez e Asociados de Cambados, en colaboración con Concello organiza unha charla sobre este tema que terá lugar o día 27 de xuño a partir das 7 da tarde en exposalnes.

Para saber máis detalles en AROUSA PONTEVEDRA DIA A DIA falamos con Carlos Alonso, avogado de Miguelez e Asociados.

A SEGUNDA FASE DA PARCELARIA DE OUBIÑA EN CAMBADOS AVANZA A BO RITMO.

O Alcalde de Cambados, Luis Aragunde e o Delegado Territorial da Xunta, Jose Manuel Cores Tourís, reunironse este mediodía para analizar o estado da concentración parcelaria de Oubiña.

A concentración, que xa se encontra pola segunda fase vai a bo ritmo, segundo as administracións, e non esta habendo grandes problemas grazas á boa sintonía entre os veciños, titulares das parcelas, que estan presentando toda a documentación necesaria.

En total, na parcelaria de Oubiña concéntranse 49 hectáreas, con 756 parcelas, das que 646 xa están declaradas.

Sen embargo, aínda quedan 110 parcelas pendentes de ser declaradas, polo que dende o Concello e a Subdelegación do Goberno, fan un chamamento para que os titulares de estes terreos presenten a documentación a poder ser antes do 30 de xuño, xa que se non o fan, as parcelas poderían pasar a mans do Estado.

O seguinte paso, será a publicación do censo de propietarios e se convocará tamén unha asamblea na que se nomearán os representantes dos agricultores e das administracións.

Tratase pois dunha parcelaria, a de Oubiña, que se esta executando man a man coa de Tremoedo, na que xa esta feita a rede de camiños que as une.

Son datos que revelaban o Alcalde de Cambados, Luis Aragunde nunha rolda de prensa convocada para esta maña na que tamén acudiron o Delegado Territorial da Xunta, Jose Manuel Cores Tourís e o Xefe Territorial, Julian Alvira e que escoitamos en AROUSA PONTEVEDRA DIA A DIA.

A asociación de funcionarios para a normalización linguística pon en marcha unha campaña para promover a presencia da música galega nas verbenas.

Baixo o título de “Mil festas máis pola língua galega”, a primeira iniciativa será unha homenaxe o grupo Treixadura en Vilagarcía.

Será este venres ás 20:30 no Auditorio con entrada libre ata completar aforo.

Os detalles explicábanos esta mañá en Vilagarcía Moncho Marín, de Treixadura, e a Concelleira responsable de normalización linguística, Sandra García.

O concello de Vilagarcía manterá unha reunión a vindeira semana co colectivo de placeiros para esplicarlles cómo van as negociacións cos propietarios das dúas fincas colindantes para a cesión de parcelas de aparcamentos.

En principio, en ambos casos os propietarios exixen unha prestación económica.

Así o sinalaba esta mañá a Concelleira Rocío Llovo.

O executivo de Vilanova modifica o seu grupo de goberno.

I e que o concelleiro Julio Varela presentou a súa demisión por motivos de saúde.

Julio Varela levaba máis de 40 anos de concelleiro pero non exerce como edil dende hai un ano cando sufriu un accidente de tráfico do que non puido recuperarse satisfactoriamente.

Agora, o seu posto será ocupado por Mónica Charlín que tomará posesión no mes de setembro.

En todo caso non terá ningunha función asignada, porque tampouco o seu predecesor a tiña.

E como non queda ningún edil de Tremoedo no goberno local, o alcalde optou pola fórmula de nomear un representante do Concello na parroquia, posto que recae en Adrián Baños.

Costas do Estado e o Concello de Vilgarcía estudan a variación do final da Senda Peonil do Rial ante a falta de seguridade que supón o remate previsto xusto o carón da rotonda de acceso á autovía.

O alcalde, Tomás Fole, e a xefa provincial de Costas, Cristina Paz Curbera realizaron este mediodía un percorrido polo tramo da Senda Peonil habilitada por Costas coa colaboración do Concello, cuxos traballos están rematados.

O proxecto de rexeneración ambiental deste ámbito, castigado e de difícil acceso, afecta á zona comprendida entre a praia de Sartaches e o propio Rial.

En total acondicionáronse uns 500 metros nun proxecto financiado integramente por Costas cun investimento duns 72.500 euros, xa que a senda decorre na súa totalidade por terreos afectados por Costas.

A obra consistiu na creación dunha senda de dous metros de ancho delineada con longueiros de madeira, que se integran perfectamente no ámbito, sen supoñer ningun impacto na zona.

O proxecto tamén incluíu traballos de roza de maleza, a demolición dunha pequena obra de formigón existente na zona, a instalación dunha lousa no tramo inicial do paseo para dar acceso a unha industria próxima e a colocación de tubos de drenaxe das augas naturais.

Pero ademáis de supervisar a finalización das obras desta senda peonil, Tomás Fole aproveitou a visita da xefa provincial de Costas para solicitarlle outras melloras para o municipio, como o cambio de situación da area da Praia do Preguntoiro movida polos temporais deste inverno.

O importe definitivo do Concello de Vilagarcía para dar respaldo á festa das Revenidas deste verán xa está cuantificado.

Serán 6.500 euros de subvención directa aos que se une a asunción dos custes de luz, son, montaxe e desmonte da sardiñada e os concertos. Todo iso, calcula o goberno local, eleva o importe da súa colaboración a uns 20.000 euros.

Ademáis tamén disporían doutros 6.000 euros por parte da Deputación Provincial.. En total, a organización disporía de 12.500 euros en metálico, procedentes das arcas municipais e provinciais, ademais do aluguer dos equipos de luz e son e a man de obra necesaria para a montaxe e desmonte dos escenarios, as mesas e os bancos para a comida popular a base de sardiñas que deu orixe á celebración. Para rematar, o goberno local comprométese a mediar ante a axencia autonómica Agadic no caso de que A Repichoca solicite ao organismo financiamento para o festival musical.

De todo elo falabamos en AROUSA PONTEVEDRA DIA A DIA con Xoan Quintáns, portavoz do colectivo A Repichoca, que reclama que a colaboración do concello se establecese para un período de tres ou catro anos en vez de anualmente.