Catoira ultima os preparativos da edición número 54 da Romaría Vikinga que contará cunha importante programación cultural dende o 26 de xullo ó 3 de agosto, data na que o tradicional desembarco vikingo nas Torres do Oeste porán o broche final á esta festa declarada de Interés Turístico Internacional.

En AROUSA PONTEVEDRA DIA A DIA nos contaba os detalles o alcalde Alberto García.

O concello de Cambados tenta darlle solución ó problema dos aparcamentos nas rúas semiponís da vila.

O alcalde, Luis Aragunde, anunciou esta mañá que as rúas semipeonís afectadas polas sancións por estacionamentos prohibidos enriba das beirarruas contarán en breve con prazas habilitadas para aparcamentos.

O concello comezará a vindeira semana co pintado da sinalización das prazas para que estean habilitadas no menor tempo posible.

Ademáis, non se desbota que nun futuro estes aparcamentos e outros do centro de Cambados pasen a ser de zona azul pero non de pago.

O anuncio coincide minutos despois de que os veciños da rúa O Borron entregaran esta mañá no rexistro do Concello as sinaturas recollidas en contra da campaña de multas que a Policía Local leva a cabo neste vial dende hai un mes.

O alcalde reunirase o luns co colectivo veciñal despois de estudiar as suas peticións.

Así nolo decía esta mañá en AROUSA PONTEVEDRA DIA A DIA en declaracións que recolleu Alba Piñeiro.

Ás noites dos xoves da rúa Méndez Núñez en Vilagarcía volven soar de xeito diferente.

I e que a partir de mañá, comenza o programa de concertos de Varietés que por cuarto ano consecutivo organizan os hosteleiros da rúa Mendez Núñez co fin de animar ás terrazas da céntrica rúa con actuacións musicais de diferentes xéneros.

O primeiro dos concertos que mañá abre Varietés correrá a cargo do grupo Dani Barreiro & friends. As demais propostas para estes xoves dos meses de xullo e agosto son Mr. Magoo, Strikkss, Néboa, La casa de los Ingleses e Juan Pablo Charlo Band.

As actuacións están pensadas para animar ás noites de verán mentres se toman unhas copas , polo que os concertos serán de música estilo jazz e blues.

Haberá dous pases, comezarán a partir das 21:30 horas ata ás 22:30 e outro dende ás 23:00 horas ata a medianoite.

Así o contaban a concelleira de Cultura de Vilagarcía, Rocío LLovo e o productor de Varietés, Diego Barajó, durante a presentación da programación nunha rolda de prensa que recollemos en AROUSA PONTEVEDRA DIA A DIA

O Festival do Norte (FdN) clausurou este domingo a súa primeira edición en A Illa de Arousa despois de 4 días nos que a choiva desluciu o evento.

Sen embargo, a organización amósase totalmente satisfeita co resultado, e así nolo decía Antonio Caneda, portavoz da organización, nesta entrevista en AROUSA PONTEVEDRA DIA A DIA.

Seguen os posicionamentos contrarios á supresión dos partidos xudiciais que prevé a reforma da Lei do Poder Xudicial que elabora o Ministerio de Xusticia.

Se a semana pasada era o alcalde de Cambados o que recrudecía os seus argumentos, hoxe o grupo parlamentario do BNG e o sindicato CIG manifestáronse totalmente en contra do borrador do Ministro Gallardón.

A deputada nacionalista no Parlamento Galego, Montse Prado e Xosé Henrique García Outeiral da CIG compareceron esta mañá en rolda de prensa para rexeitar a supresión dos partidos xudiciais asegurando que conlevaría a eliminación de postos de traballo e provocaría un distanciamento entre a cidadanía e a xusticia.

A CIG e o BNG consideran de vital importancia impedir que se eliminen os partidos xudiciais de Cambados e Vilagarcía e os trasladen para Pontevedra.

Por iso fan un chamamento á cidadanía e aos colectivos sociais da Comarca do Salnés para que se mobilicen contra esta medida concentrándose este mércores 9 de xullo ás 20,30 h. diante do Concello de Cambados e o martes da semana que ven, día 15 de xullo, á mesma hora diante dos xulgados de Vilagarcía.

Unha convocatoria á que convidan ós alcaldes dos municipios do Salnés, ós que mesmo ceden encabezar ás concentracións..

Escoitamos as súas declaracións na rolda de prensa que recolleu Alba Piñeiro.

O presidente da Mancomunidade do Salnés, , Gonzalo Durán, manterá, ó vindeiro martes ás 12 do mediodía, unha xuntanza co Presidente da Xunta, Alberto Nuñez Feijoo para tratar a potenciación do polígono de Baión.

Na reunión, Gonzalo Durán solicitaralle ó Presidente da Xunta que fomente a creación de industria e de emprego no concello e na comarca e que apoie a baixada de prezos dos terreos do polígono de Baión para que se facilite a implantación de novas empresas no parque industrial.

O polígono de Baión ata o de agora conta con moi poucas empresas e esta vacío un 80% do terreo, a pesar de contar cunha boa localización e con boas instalacións e accesos para o desenvolvemento de pymes.

Con esta xuntanza, o alcalde de Vilanova, Gonzalo Durán, espera que se poida conseguir a baixada do prezo dos terreos para que novas empresas se asenten no polígono de Baión e intentar así que diminúa a cifra de persoas paradas na comarca.

Ademáis, Gonzalo Durán anunciou que o parque de maquinaria da Mancomunidade do Salnés vaise ampliar trala boa acollida que esta tendo en todolos concellos da Comarca.

O presidente da Mancomunidade do Salnés e alcalde de Vilanova, Gonzalo Durán, amosou esta mañá a súa satisfacción pola aprobación da licitación do Hospital do Salnés, asegurando que se trata dun paso máis para a consecución dunha obra tan demandada dende hai anos.

E en canto á creación do aparcamento previsto en colaboración coa Deputación, prefire manterse á espera de cómo se vaia desenvolvendo o proceso de execución das obras de ampliación.

Así o decía esta mañá nunha rolda de prensa que recollemos en AROUSA PONTEVEDRA DIA A DIA.

A Xunta investirá 95.000 euros para actuacións de mellora dos polígonos de Cambados e Ribadumia.

As obras irán destinadas a mellorar a seguridade vial, adecentar as beirarruas, instalar nova sinalización e eliminar barreiras arquitectónicas.

Os alcaldes de ambos municipios, Luis Aragunde e Salomé Peña, presentaron esta mañá as axudas outorgadas pola Consellería de Industria no decurso da visita que realizou á zona o Director Xeral de Industria, Angel Bernardo Tahoces, que destacou a colaboración e o bo entendemento entre ambos concellos.

Son declaracións que recollemos en AROUSA PONTEVEDRA DIA A DIA.

O Consello da Xunta acaba de aprobar a licitación das obras da tan ansiada ampliación do Hospital Do Salnés.

A noticia, ainda que agardada, colleu por sorpresa a algúns alcaldes da zona, tal é o caso de Salomé Peña de Ribadumia e Luis Aragunde de Cambados, que se encontraban ambos no polígono do Salnés para tratar asuntos de mellora do parque empresarial que comparten ambos municipios.

En AROUSA PONTEVEDRA DIA A DIA, Alba Piñeiro recolleu as suas impresións.

Cambados celebra durante toda a xornada os actos conmemorativos do 53 aniversario do pasamento do Escultor Francisco Asorey e o 125 aniversario do seu nacemento.

A meirande parte dos actos terán lugar pola tarde, pero xa este mediodía, o salón de plenos do Concello acolleu a presentación da peza gañadora no I Certame de Escultura Francisco Asorey.

A seleccionada foi a obra “Contrabasse” de David Leirós Araujo, dotada cun premio económico de 6.000 euros e unha exposición das obras do autor.

A peza gañadora estará a partir de agora e durante dous anos exposta nas dependencias do Concello de Cambados e posteriormente pasará a formar parte das obras integradas na colección da Asociación Cultural Francisco Asorey.

En AROUSA PONTEVEDRA DIA A DIA recollemos os sons deste acto, presidido polo alcalde, Luis Aragunde, e o secretario da Asociación Asorey Vicente Perez Otero.