Os que están esta mañá en Cambados non poden sentirse alleos á Festa do Albariño, que ás 13 horas inaugurou a sua 62 edición

Un total de 44 adegas da D.O Rías Baixas ofrecen dende hoxe e ata o domingo unha ampla multitude de viños nos diferentes postos instalados no Paseo da Calzada.

Hai espumosos, monovarietais e creacións especiais do albariño a prezos dende de 8 euros a botella ata 1,5 euros por cada copa. Ademáis, esta será a edición máis intercultural deste evento vinícola, pois se aproveita a celebración do Ano Dual Xapón-España, coa conmemoración de 400 anos de intercambio hispano-xaponés.

De feito, o embaixador nipón en España, Satoru Satoh, será nomeado cabaleiro e o domingo actuará a virtuosa do piano Mine Kawakami.

Os postos da Calzada abriron as súas portas ás 13 horas co tradicional acto inaugural que contou coa presencia dá Conselleiro do Medio Rural e do Mar, Rosa Quintana, do alcalde de Cambados, Luis Aragunde, e do presidente do Conselo Regulador dá D.O Rias Baixas.

En AROUSA PONTEVEDRA DIA A DIA recollemos as declaracións do momento inaugural onde estivo Alba Piñeiro.

Zona Aberta de Vilagarcía leva ante a xusticia ó Concello de Vilagarcía polo Estudio de Detalle de Megasa.

A presidenta de Zona Aberta, Rocío Louzán, compareceu este mediodía ante os medios para dar conta do contido sobre o que se basa o recurso que o colectivo de comerciantes presentou contra o documento realizado polo concello de Vilagarcía.

Os representantes legais da asociación de comerciantes presentaron un contencioso administrativo ante o Tribunal Superior de Xusticia de Galicia contra o acordo plenario, aprobado en solitario polo grupo municipal do PP, por entender que este estudio encubre un proxecto de reconverter a antiga fábrica nun gran centro comercial.

Así nolo decía para AROUSA PONTEVEDRA DIA A DIA a presidenta de Zona Aberta, Rocío Louzán.

O Albariño de Cambados e O Marisco de O Grove unidos polo deporte.

Ese é o obxectivo da Maralba Running , media Maratón do Salnés O Grove-Cambados, que se presentou esta mañá no medio da Ria de Arousa dende un barco que saiu do porto de O Grove, coa presencia dos alcaldes de O Grove e Cambados, Miguel Angel Pérez e Luis Aragunde.

Tamén estivo a bordo o creador do logo da proba, Fran Alfonso Domínguez, o director técnico da Maralba Running Fest, un atleta profesional e os cociñeiros Yayo Daporta e Javier Olleros.

Trátase da primeira edición desta media maratón de 21 kms de percorrido entre O Grove e Cambados que se disputara o domingo 28 de setembro

 

Esta proba atlética nace coa intención de promover as dúas festas emblemáticas de ambos concellos: o marisco do Grove e o albariño de Cambados,  de aí o nome de Maralba.

 

A organización estableceu as categorías promesas, sénior e veteranos, tanto masculinas coma femininas.

 

O prazo de inscrición xa está aberto e terá un custo reducido de 12 € ata o 28 de agosto e outro de 15 € ata setembro.

En AROUSA PONTEVEDRA DIA A DIA recollemos as impresións de Alejandro Fernández, un dos corredores que participarán na proba, e Pablo Díaz, preparador físico.

A Conselleira de Infraestructuras tamén se referiu esta mañá en Cambados, á preguntas dos xornalistas, entre eles a nosa compañeira Alba Piñeiro, ós problemas de retencións na AP 9 e na autovía do Salnés que durante os últimos días veñen sufrindo milleiros de automovilistas que visitan as nosas comarcas.

Nas súas resposta Ethel Vázquez sigue remitindo a solución ó Ministerio de Fomento e á concesionaria da autoestrada.

A conselleira de Medio Ambiente, territorio e infraestructuras, Ethel Vazquez, supervisou esta mañá o inicio das obras de saneamento do Saco de Fefiñáns e asegurou que este ano xa se notará a mellora das augas da Ría de Arousa, xa que en tres meses estarán rematadas as actuacións que eliminarán os vertidos sen depurar.

Este proxecto, no que Augas de Galicia destina máis dun millón de euros, estará rematado en 12 meses e axudará tamén a mellorar a actividade marisqueira da Ría de Arousa.

Os traballos incluidos na primeira fase consisten en afrontar o saneamento da rúa Pombal, cuxo sistema de sumidoiros verte directamente sen tratamento, sobre un dos dous regatos que chegan ó fondo do saco.

Con estas actuacións mellórase o saneamento cambiando 120 metros de colectores e instalando unha pequena estación de bombeo no punto baixo da zona do río Corvillón para recoller as augas residuais das vivendas desa rúa para impulsalas e poder conectalas á rede de saneamento xa existente.

A segunda fase de estas obras que se executa de xeito paralelo á primeira, proporciona unha solución global ás verteduras de augas residuais ó recoller os verquidos no contorno da avenida de Vilagarcía executando unha rede separativa de colectores de PVC e unha nova estación de bombeo integrada nun tanque de tormentas no Pombal. Os traballos para a integración de este tanque xa comezaron, e servirá para a retención das augas unitarias, contando cun canal de entrada, unha cámara principal de laminación e un pozo de bombeo.

Finalmente, na Cabana proxéctase a execución dun novo colector que precisará da execución de varios treitos con perforación horizontal dirixida.

Son datos que ofrecía esta mañá a Conselleira de Medio Ambiente, Ethel Vazquez, durante a supervisión do inicio das obras no Saco de Fefiñáns e que recollemos en AROUSA PONTEVEDRA DIA A DIA.

En AROUSA PONTEVEDRA DIA A DIA falabamos sobre o evento coa alcaldesa Luisa Piñeiro.

Unha fin de semana diferente en Vilanova é o que se quere conseguir coa primeira edición da Romaría de Verán que se vai celebrar esta fin de semana no Pazo de Vista Real.

Co fin de acercar o Pazo ós veciños, recuperar tradicións e realizar actividades en familia, dous estudios de deseño de Vilanova que se encontran no viveiro de empresas de Vista Real, Iki Findik e Zoe Estudio, en colaboración co Concello de Vilanova, tiveron a ben crear esta romaría que esperan que teña boa acollida e se poidan celebrar máis edicións.

Nesta Romaría de Verán non falta detalle polo que haberá unha feria de artesanía, con 25 postos de toda Galicia, un mercado ecolóxico, xogos populares, talleres de educación emocional e risoterapia, xogos hinchables, coctelería pola noite e música con pandereteiras, rondalla e coral, e tamén de estilo pop e rock a cargo de dous grupos da zona.

Vista Real estará cheo de actividades durante o sábado e domingo dende as 12 do mediodía ata ás 12 da noite e para que as inmediacións do pazo non se saturen de coches, o tren turístico fará viaxes dende o centro de Vilanova ata Vista Real durante todo o día.

Son detalles dunha orixinal iniciativa que ofreceron as organizadoras da romaría, Alicia Nogueira de Iki Findik, e Maria José Nogueira de Zoe Estudio, durante a rolda de prensa de presentación e que recollemos en AROUSA PONTEVEDRA DIA A DIA.

O presuposto co que conta o Concello de Vilanova para este ano 2014 elévase a 6.2 millóns de euros, 400.000 euros maís que nos presupostos do pasado ano.

Ademáis de este orzamento, que se aprobará no pleno municipal do vindeiro luns, as arcas municipais dispoñen de máis de 1'8 millóns de euros en subvencións que estarán destinados a construccións previstas como a reforma de Vista Real, a creación de vestiarios do Terrón, o novo auditorio e a remodelación do parque infantil do Castro.

Este presuposto non conleva ningún tipo de subida de impostos para os veciños, pero si se esta revisando o padrón municipal para poñer ó día o estado das altas en servicios como a contribución.

Así o confirmaba o alcalde de Vilanova, Gonzalo Durán, nunha rolda de prensa que recollemos en AROUSA PONTEVEDRA DIA A DIA.

A Concelleira de Cultura de Vilagarcía, Orballo Llovo, presentou esta mañá o programa das festas de San Roque 2014 e da programación lúdica e cultural para todo ou mes de agosto.

Este ano os festexos non terán concerto de pago no recinto de Fexdega e todas as actuacións serán de acceso gratuíto e celebraranse no parque da Xunqueira.

A banda La Frontera, de éxito nos 80, é un dos grupos confirmados como cabeza de cartel e o pregoeiro será Manuel Millán.

En AROUSA PONTEVEDRA DIA A DIA recollemos a rolda de prensa de presentación do programa.

Durante esta semana, membros da asociación contra o cáncro de O Grove, estarán recorrendo ás praias, campamentos e escolas do municipio cunha campaña de concienciación para a prevención do cancro solar.

As 17 praias mecas contarán polas mañáns con voluntarios da asociación que repartirán dípticos polos areais e darán información sobre o cancro de pel producido polo mal uso do sol.

Polas tardes será o turno dos campamentos e dos colexios e institutos da localidade para que os nenos comprendan dende pequenos que deben utilizar protección solar.

A protección solar recoméndase utilizar non sólo na praia, senón tamén a diario cando se vai a estar baixo o sol, ven sexa paseando ou traballando.

Toda prevención é pouca, polo que a presidenta da asociación contra o cáncro de O Grove, Mariví Escalante, amósase moi contenta por continuar un ano mais levando esta campaña polas praias de O Grove.

Unha iniciativa que desenvolven en colaboración con EMGROVES e o Centro de Iniciativas Turísticas de O Grove.

Escoitamos ás palabras de Mariví Escalante en AROUSA PONTEVEDRA DIA A DIA durante a presentación da campaña de verán.