A asociación O Can de San Roque de Portonovo non está disposta a quedar de brazos cruzados ante a posible celebración da Gran Festa do Marisco, organizada pola empresa MarisGalicia.

O certame, que tiña previsto abrir este xoves día 24 e prolongarse durante un mes, carece ainda dos permisos municipais, pero segundo asegura a alcaldesa Catalina González, se aportan toda a documentación requerida non será posible negarllos, a pesar de que tampouco o concello está a favor deste evento.

O coordinador da carpa gastronómica, Manuel Gómez, vincula o retraso nos trámites administrativos ás protestas que un sector da hostelería e dos placeiros, integrado na Asociación O Can de San Roque, está a manter contra esta celebración.

Representantes de MarisGalicia entregaban no concello de Sanxenxo unhas 3.000 sinaturas recollidas en apoio da súa iniciativa, e hoxe quixemos coñecer a postura do sector que se opón á celebración..

En AROUSA PONTEVEDRA DIA A DIA falamos con Miguel Anxo Besada, portavoz de O Can de San Roque, que nos ofrecía os argumentos do colectivo.

A Deputación de Pontevedra e os 13 alcaldes de concellos con sede xudicial consensuan a defensa dos partidos xudiciais.

O Presidente da Deputación de Pontevedra, Rafael Louzán, e os rexedores acordaron na reunión mantida esta mañá no Pazo Provincial solicitar ao Goberno do Estado que paralice a tramitación da reforma da Lei do Poder Xudicial.

Ademáis tamén solicitan un estudio pormenorizado do mapa xudicial que teña en conta as opinións dos concellos e das institucións e entidades de todo tipo, e que desemboque nunha Lei acorde coa realidade, coa particularidade e co futuro da nosa provincia.

No encontro celebrado esta mañá, convocado polo Presidente da Deputación, estiveron presentes os 13 alcaldes da provincia directamente afectados polo proxecto de reforma que tramita o Ministerio de Xusticia, entre eles o alcalde de Vilagarcía, Tomás Fole, o de Cambados, Luis Aragunde e o de Caldas Juan Manuel Rey.

Nos argumentos que remiten ó goberno de estado o documento consensuado explica que Galicia e, en particular, a provincia de Pontevedra, ten unha configuración poboacional e de núcleos de asentamento territorial que as particulariza, individualiza e distingue frente a outras comunidades e provincias do Estado.

Todos os asinantes do documento están de acordo en que o Proxecto de Reforma da Planta Xudicial suporia, de modificarse o actual mapa de partidos xudiciais, un perxuicio evidente, dende unha máis costosa accesibilidade á Xustiza debido ao aloxamento dela do xusticiable, ata as consecuencias socioeconómicas que a desaparición dos Xulgados acarrearía en todos os sectores das comarcas.

Tamén se refiren á perda da identificación psicocultural que cada cidadán tén co seu entorno e que agravaría a actual merma poboacional ao carecer de servizos fundamentais nas capitais comarcais.

En AROUSA PONTEVEDRA DIA A DIA recollemos as declaracións na rolda de prensa de Rafael Louzán e do alcalde de Caldas Juan Manuel Rey.

Os traballadores da piscina municipal de Cambados entregaron esta mañá no rexistro do Concello un total de 1.819 sinaturas recollidas entre usuarios das instalacións e veciños de Cambados en apoio a súa reivindicación de que o Concello asuma a xestión do servicio ante a situación de precariedade na que se encontra a empresa adxudicataria.

Varios representantes da plantilla acudiron esta mañá as dependencias municipais para facer entrega das rúbricas recollidas e con eles puidemos falar dende AROUSA PONTEVEDRA DIA A DIA..

Familias do Salnés con nenos que teñen necesidades educativas especiais expresaron esta mañá a súa indignación polo que consideran discriminación cara os seus fillos e fillas na convocatoria de axudas para a adquisición de libro de texto para o curso 2014-2015.

Aseguran que os libros que necesitan os seus fillos non estan contemplados na orde de convocatoria do chamado “cheque libro”.

Por tal motivo, as familias afectadas decidiron crear unha comisión de seguimento sobre este tema na que estan integradas a coordinadora de ANPAS de Vilagarcía, a Asociación "Por Dereito" (para a integración de persoas con autismo), a ANPA "Os Olmos" do C.E.I.P. Sto. Tomé de Cambados e as familias de alumnos con necesidades educativas especiais matriculados en colexios públicos e concertados da Comarca do Salnés.

Os motivos do seu malestar nolos contaba para AROUSA PONTEVEDRA DIA A DIA a presidenta da ANPA Os Olmos do Colexio Sto Tomé de Cambados, Nicol Rial.

O alcalde Luis Aragunde recibiu esta mañá ós veciños de O Borrón que recolleron 450 sinaturas para solicitar aparcamentos alternativos.

Un encontro que, segundo o rexedor cambadés, trasncurriu en boa sintonía e no que Aragunde tamén lles trasnmitiu ós veciños os proxectos de futuro do seu equipo de goberno en canto á mellora das zonas de estacionamento.

Así nolo trasladaba para AROUSA PONTEVEDRA DIA A DIA a través das declaracións que recolleu Alba Piñeiro.

Trátase da primeira edición de mini BTT que se celebra no Concello de Cambados.

A proba será este próximo sábado ás 17:00 horas da tarde e nela participarán ó redor de 200 nenos de distintos clubes de galicia e con idades comprendidas entre os 4 e os 14 anos.

O lugar escollido para o percorrido é o Monte da Pastora.

O alcalde de Cambados, Luis Aragunde, anunciou, durante a presentación do campionato, que dende o concello vaise seguir apoiando a este deporte e van a continuar celebrándose probas de este tipo para seguir promocionando o deporte base na localidade.

Son datos da proba que revelou o alcalde, Luis Aragunde nunha rolda de prensa na que estivo acompañado de Carlos Muñíz, representante do clube de btt de Sanxenxo e que recollemos en AROUSA PONTEVEDRA DIA A DIA.

Os dous cabalos que rescatou o refuxio de Cambados xa se encontran en bo estado de saúde e dispoñen dunha zona natural onde vivir en Tremoedo.

Ademáis, todo aquel que queira visitar os animais deste paraxe natural poden facelo xa que o refuxio de animais de Cambados organiza excursións para grupos de nenos e maiores para que disfruten dunha tarde no medio da natureza.

O refuxio tamén esta preprando un curso para o mes de Agosto no que 14 persoas poderán coñecer máis cousas sobre os cabalos e a súa doma.

A directora do refuxio, Olga Costa, solicita que antes de abandonar a un animal se poñan en contacto con eles ou con otras protectoras para evitar o seu abandono ou sacrificios.

Olga Costa, destacou tamén toda a axuda recibida polos veciños e o concello de Cambados e se sinte moi satisfeita polo descenso do 70% en abandono animal no municipio cambadés.

Escoitamos as palabras de Olga Costa, directora do refuxio de animais de Cambados en AROUSA PONTEVEDRA DIA A DIA.

A situación empeza a ser moi complicada para os 17 traballadores da piscina municipal de Cambados, que entregarán o vindeiro luns no rexistro do Concello as sinaturas recollidas entre usuarios das instalacións respaldando a súa demanda de que sexa a administración municipal a que se faga cargo da xestión do servicio.

O sindicato CIG fixo pública esta mañá a situación que está a atravesar a plantilla, con dous meses pendentes de cobro, os salarios de maio e xuño, e unha total falta de información por parte da empresa, Ximnasios Pazos, que segundo trascendeu extraoficialmente, está atravesando por serias dificultades económicas.

Dende o Concello son conscientes da situación e mesmoo alcalde , Luis Aragunde xa anunciara no último pleno que se vai rescindir o contrato con esta firma para sacar de novo a concurso a adxudicación da piscina.

Sen embargo, os traballadores temen novos incumplimentos por parte da nova adxudicataria e por tal motivo solicitan ó Concello que se faga cargo da xestión directa das instalacións, xa que na actualidade xa asume os gastos de enerxía.

Ademáis tamén avanzan a convocatoria de mobilizacións.

Así o explicaban esta mañá Marcos Cadórniga e Noelia López da CIG, nunha rolda de prensa que cubriu Alba Piñeiro.

Durante os días 18, 19 e 20, Cambados convértese de novo na capital da vieira i e continuando coa tradición celebráse a décimo terceira edición da Festa de Exaltación da Vieira.

A carpa de degustación volverá a situarse na Paseo da Calzada, pero nesta edición haberá outros cambios importantes, xa que non será un cátering o encargado de ofrecer ás comidas, senón que esta ocasión, os pratos á venda estará elaborados por tres chefs de renome dos restaurantes cambadeses, Ribadomar, Pandemonium e a Taberna do Trasno.

Os visitantes poderán degustar a vieira preparada de maneira tradicional pero tamén haberá outras formas de elaboración máis moderna para quen queira probar outros sabores da vieira.

Na carpa de degustación, o restaurante Ribadomar preparará ás vieiras ó forno tradicionais e a empana de vieira, o restaurante Pandemonium ofrecerá un guiso mariñeiro de vieiras, e arroz seco de vieiras e verduras, e a Taberna do Trasno elaborará unha ensalada de vieiras, e vieiras gratinadas con queixo de Arzúa.

O prezo da ración de dúas vieiras será de 8 euros e a carpa permancerá aberta durante o venres, o sábado e o domingo de 12:00 a 17:00 e de 20:00 a 01:00 aproximadamente.

A inaguración da carpa de degustación da Vieira será o venres ás 13:00 horas.

Ademáis de probar ás vieiras, o concello tamén organizou outras actividades para os visitantes, como unha exhibición de judo, un concerto de música cubana e visitas marítimas guiadas para coñecer de preto a cría da vieira.

Son datos que revelaba o alcalde de Cambados, Luis Aragunde, na rolda de prensa de presentación da Festa da Vieira na que estivo acompañado dos chefs Tonino Botana e Antonio Ribadomar e que recollemos en AROUSA PONTEVEDRA DIA A DIA.

Catoira ultima os preparativos da edición número 54 da Romaría Vikinga que contará cunha importante programación cultural dende o 26 de xullo ó 3 de agosto, data na que o tradicional desembarco vikingo nas Torres do Oeste porán o broche final á esta festa declarada de Interés Turístico Internacional.

En AROUSA PONTEVEDRA DIA A DIA nos contaba os detalles o alcalde Alberto García.