Cuntis celebra dende hoxe e ata o luns as suas festas patronais de Santa María, organizadas polo concello e a asociación cultural “Terra de Baños”.

Durante estes días, os oficios relixiosos compartirán xornadas con actuacións musicais e actividades de todo tipo.

Por certo que un dos concertos de última hora é o de Milladoiro que actuará mañá venres 15 na praza da Constitución ás 22.30 horas.

E xunto con Milladoiro, a principal novidade das festas deste ano será a celebración dun “Entroido de Verán”, co que se inician hoxe as celebracións patronais.

Para que nos dea máis detalles en AROUSA PONTEVEDRA DIA A DIA falamos co alcalde de Cuntis...

A Asociación de comerciantes Zona centro presentou esta mañá no salón de plenos do Concello a edición 2014 da Feira de Oportunidades de Cambados.

Para saber os detalles en AROUSA PONTEVEDRA DIA A DIA falamos con Juan Rey, presidente do colectivo.

O Presidente de Portos de Galicia, Jose Juan Durán, visitou esta mañá o porto de Vilanova para facer balance da actividade naútico recreativa que se leva a cabo no peiraos da comarca do Salnés e do Barbanza.

O presidente de Portos de Galicia, Jose Juan Durán, falou con nos en AROUSA PONTEVEDRA DIA A DIA para contarnos todos os detalles.

Os traballadores do Hospital do Salnés concentráronse esta mañá nas portas do centro en protesta polo exceso de traballo que acumulan dende hai quince días polo peche da terceira planta e a negativa do Sergas a contratar máis persoal e a apertura da planta.

Advirten de que esa situación “insostible” acaba prexudicando aos pacientes e amósanse preocupados sobre o que pode acontecer este fin de semana, coa comarca chea de festas e o mesmo persoal que sempre no servizo de Urxencias. Cren que a situación só se soluciona coa reapertura da terceira planta e o reforzo do equipo.

Recoñecen estar "exhaustos" e "superados", e en total desacordo coas explicacións que o Sergas deu á saturación das Urxencias o pasado fin de semana.

Ata alí nos achegamos dende AROUSA PONTEVEDRA DIA A DIA para coñecer os detalles da concentración a través das declaracións da delegada do persoal Rosa Casal que recolleu a nosa compañeira Alba Piñeiro.

As festas do albariño continuan na súa terceira xornada con actividades de todo tipo para grandes e pequenos..e tamén coa presencia de autoridades institucionais..

Hoxe percorreu os 46 stands do Paseo da Calzada o presidente de Portos de Galicia, José Juan Durán, acompañado polo alcalde Luis Aragunde.

En AROUSA PONTEVEDRA DIA A DIA recollemos as súas impresións durante a visita.

E en canto as actividades paralelas, durante a mañá proxección infantil na Casa Dos Fraga, no salón José Peña continuan as catas no Tunel do Viño durante todo o día.

A 1 actuación da charanga Os Jalácticos no Paseo da Calzada.

E pola tarde, xornadas técnicas do Albariño, no Museo do Viño, ás 8 e media unha actuación do grupo de percusión Omar Percussion Group.

Xa pola noite na Praza do Concello verbena coas orquestras Yucatán e Camelot e nos concertos da Praza de Fefiñáns estarán a partir das 23 horas La Moda e Kiko Veneno.

O domingo será o día grande co nomeamento das donas e Cabaleiros do Capítulo serenísimo e o xantar institucional que terá lugar as 2 e media da tarde.

Un xantar no que non estará presente ningún partido da oposición despois de que o PSOE de Cambados anunciara a súa renuncia ás tres invitacións que lle corresponden como membros da Corporación municipal.

E dende hai xa un par de anos tampouco o BNG acude ó acto por iguales motivos.

A portavoz socialista, Fátima Abal, considera este evento como “un despilfarro de cartos cando moitos veciños non poden pagar os seus recibos nin dar de comer aos seus propios fillos e teñen que recibir axudas como a Risga ou percibir alimentos proporcionados por Amigos de Galicia ou por Cáritas”.

Total satisfacción en Cambados pola rectificación do Ministro de Xusticia Alberto Ruiz-Gallardón, decidindo finalmente manter os partidos xudiciais no proxecto de reforma da Lei do Poder Xudicial.

Con esta modificación, o texto, que irá ó Consello de Ministros en setembro, admite máis dun tribunal de instancia provincial e mantén as sedes actuais, que no Salnés afectan a catro xulgados de Cambados e tres de Vilagarcía de Arousa.

Iso si, os partidos xudiciais estarán sometidos a un "criterio de flexibilidade" que posibilitará o traslado de asuntos dun a outro, sempre dentro da área dun mesmo tribunal de instancia.

A comarca do Salnés foi unha das máis activas no rexeitamento á nova Lei Orgánica do Poder Xudicial, e de feito, polo menos en catro concellos aprobáronse mocións unánimes a favor do mantemento de todos os xulgados existentes.

A primeira das mocións foi aprobada polo Concello de Cambados fai xa dous meses e seguíronlle Vilagarcía, O Grove e en último lugar o de Meis.

Pois así de satisfeito co resultado se amosaba esta mañá o alcalde de Cambados, Luis Aragunde, á pregunta de Alba Piñeiro.

Anunciábao esta mañá en Cambados o xefe territorial de Educación, Cesar Perez Ares, que aproveitou a súa presencia na Festa do Albariño para presentar no Concello o proxecto de execución do cubrimento da pista polideportiva do Colexio Antonio Magariños.

O proxecto de actuación conta cun presuposto de 95.000 euros e consiste no cambio da cuberta, que se encontra moi deteriorada, e tamén na mellora dos cerramentos da pabillón e dos sistemas eléctricos das instalacións.

Actualmente este proxecto encóntrase na fase de adxudicación e o seguinte paso será a invitación a empresas para que presenten ás súas ofertas e proceder a continuación coa execución das mesmas.

Son datos que revelou esta mañá, Cesar Perez Ares, durante a súa visita a Cambados e que recollemos en AROUSA PONTEVEDRA DIA A DIA.

O alcalde e presidente da Mancomunidade do Salnés, Gonzalo Durán, recibiu esta mañá no Salón de Plenos do Concello de Vilanova a unha representación de profesores e alumnos da Universidade de Kiel que visitan esta semana o municipio interesados no estudo dos escritores Valle Inclán e Julio Camba así como no Camiño de Santiago.

Este grupo de universitarios cursan a materia Territorios, Textos e Escritores Galegos baixo a tutela do Director do Centro de Estudos Galegos de Kiel, o Profesor Javier Montero do Departamento de Literatura Española e Francesa.

A visita está enmarcada dentro das actividades de intercambio cultural e educativo fomentadas polo Concello e a Mancomunidade do Salnés no territorio xermano.

De todo elo nos falaban en AROUSA PONTEVEDRA DIA A DIA o alcalde e os estudiantes.

Dentro dos stands de exposición do Paseo da Calzada encóntrase tamén unha caseta da Protectora de Animais de Cambados.

A sua directora, Olga Costa, nos anunciaba esta mañá que o SEPRONA de Vilagarcía será premiado coa albariña de prata na Gala do Albariño que se celebrará mañá xoves ás 22:30 horas.

O premio foi concedido, precisamente, a solicitude da propia protectora polo labor desenvolvido polo SEPRONA na defensa dos animais.

A plantilla da Piscina municipal de Cambados iniciou este mediodía as mobilizacións para reclamar unha solución ó seu conflicto laboral.

Os traballadores convocaron este mediodía un acto de protesta de usuarios das instalacións en apoio coa situación da plantilla, coa presencia dos traballadores, que levan 3 meses sen recibir o seus salarios.

A plantilla leva varias semanas pedindo ó Concello que asuma a xestión directa do servicio.. Unha posibilidade que non entra dentro das previsións do goberno local.

Durante a concentración, o alcalde Luis Aragunde mantivo un encontro cos traballadores no que lles pediu paciencia.

En AROUSA PONTEVEDRA DIA A DIA recollemos o intercambio de impresións entre o alcalde e os traballadores.