O Conselleiro de Educación, Xesús Vázquez Abad, confirmou esta mañá o inicio das obras de mellora no colexio Magariños de Cambados.

A actuación comezou onte e ten un prazo de execución de mes e medio, ainda que, segundo Xesús Vazquez, as obras non interfirán no desenvolvemento normal do curso escolar.

Declaracións que recollemos en AROUSA PONTEVEDRA DIA A DIA.

O Conselleiro de Educación, Xesús Vázquez Abad, supervisou esta mañá as obras de mellora da cuberta do colexio de Carril.

Unha actuación moi demandada por parte da comunidade escolar e realizada por un importe de 55.000 euros aportados pola Xunta, aos que se engaden 25.000 máis que achega o Concello para a mellora doutras instalacións no centro.

Trátase, en todo caso, dunha primeira fase de melloras do centro, xa que a Consellería de Educación ten previsto realizar outras actuación nas dependencias do centro, como é o caso da reforma dos baños.

O resultado das obras contentan ó goberno local ainda que o alcalde Tomás Fole asume que as instalacións necesitan novas melloras, debido ós moitos anos sen mantemento.

E sobre a polémica da retirada do amianto, que segundo denunciou o grupo municipal de Esquerda Unida se mantivo amontonado en contenedores, o Conselleiro dixo que o seu departamento está a espera dos informes técnicos, pero adianta que todo se fixo segundo a lei.

Impresións dunha visita que recollemos en AROUSA PONTEVEDRA DIA A DIA.

Técnicos da Xunta visitarán Vilanova a vindeira semana para ultimar o proxecto de ampliación da ponte do Terrón.

O goberno local considera esta actuación prioritaria e por tal motivo foi unha das cuestións que o alcalde, Gonzalo Durán, abordou esta semana coa Conselleira de Medio Ambiente, Territorio e Infraestructuras, Ethel Vázquez, nun encontro en Santiago.

O rexedor espera que la Consellería aporte a financiación suficiente para acabar cos problemas que provoca a ponte para os peóns, xa que nas súas beirarrúas apenas cabe unha persoa e resulta imposible que poidan circular por ellas cadeiras de rodas, o que obriga ós transeúntes a ter que atravesalo pola estrada.

Ademáis deste asunto, a Conselleira trasladoulle ó alcalde de Vilanova que no 2015 o departamento de Medio Ambiente da Xunta realizará melloras de saneamento no municipio, coa reforma dos bombeos de Rego do Alcalde ata a depuradora de Tragove, o que evitará os verquidos na praia das Patiñas.

Os contidos do encontro nolos trasladaba esta mañá o alcalde Gonzalo Durán nunha rolda de prensa que recolleu a nosa compañeira Alba Piñeiro en AROUSA PONTEVEDRA DIA A DIA

O alcalde de Cambados, Luis Aragunde responde ó PSOE e á denuncia interposta esta semana pola voceira socialista, Fatima Abal ante a Fiscalía de Delictos Económicos, na que establece que o grupo de goberno podería ter incorrido en graves "ilegalidades" con respecto ás retribucións ó persoal.

Na súa resposta, dí Aragunde que é "lexítimo" pagar ós empregados que traballan a maiores do seu horario laboral, e cualifica de "demagóxica e sensacionalista" a denuncia socialista.

O rexedor apunta que "o Concello ten unha grande actividade cultural, deportiva e social, e moitos dos actos que se celebran son fora dos días laborables, polo que moitos operarios teñen que traballar as fins de semana, en festivos ou en datas sinaladas como o Nadal, o Entroido ou a Festa do Albariño, montando infraestruturas, palcos e elementos de produción, ademais de supervisar as actividades,".

E se se trata dun grupo reducido de traballadores é porque, dí Aragunde "pola súa experiencia xa coñecen o funcionamento e a dinámica das actividades e as súas necesidades técnicas, polo que son os operarios que máis horas fan, e ós que hai que pagar polo traballo,".

En canto á situación do arqueólogo municipal, que segundo o PSOE, foi contratado de forma verbal en 2003 e cobra todos os meses 1.400 euros, a pesar de que nunca se convocou ningún expediente público de contrato.

Segundo o alcalde, o arqueólogo factura mensualmente para o concello e é un xeito moito máis económico para as arcas municipais que convocar un contrato público.

Todo elo nolo dicía en AROUSA PONTEVEDRA DIA A DIA.

Os socialistas de Vilagarcía acusan ó alcalde Tomás Fole de “xestión electoralista contra os intereses de Vilagarcía” polas recentes obras na cidade

Lembran que xa alertaron na metade da lexislatura de que o Alcalde pretendía subir impostos aos veciños para financiar as obras do último ano previo ás eleccións

O Partido Socialista de Vilagarcía, a través da súa voceira municipal Tania García, laiase, nun comunicado, do que consideran unha “evidente xestión electoralista de Tomás Fole coa política de investimentos en obras en Vilagarcía”.

Neste sentido reclaman que “as obras, de facerse, cabe facelas con sentidiño e ben”, e indican que é preciso e urxente colocar as marcas viais nas rúas recentemente asfaltadas, como é o caso de Juan Carlos I.

Tania García quixo aproveitar tamén para valorar algúns avances que se están a coñecer, “polos medios de comunicación, Particularmente, García apunta cara a posibilidade de que se talen árbores en A Xunqueira, opción que calificou de “inaceptable”. Dí a voceira socialista que “existen solucións abondo, se é que as raíces das árbores son un problema, como é a grava compacta ou ampliar as zonas de terra, sen necesidade de poñer losetas fixas enriba das raíces. Pero non talar os árbores”.

Así nolo decía Tania García para AROUSA PONTEVEDRA DIA A DIA.

En 1921, o buque Santa Isabel, un vapor correo, foise a pique a pouco máis de 100 metros da illa de Sálvora, aínda habitada.

Era a 1.50 da madrugada cando o barco encallou nunhas rochas próximas a Sálvora e afundiuse. Os veciños da illa, e moi especialmente catro mozas que logo se converterían en heroínas, prestaron auxilio aos viaxeiros e lograron salvar unhas 56 persoas. A fazaña valeulles varias medallas ao mérito así como o recoñecemento a vila de Ribeira, concedido polo rei Alfonso XII.

O buque pasara por varios portos do Cantábrico recollendo emigrantes que se dirixían a América. O seu destino era Cádiz, de onde partían barcos máis grandes cara ao outro lado do Atlántico.

Un relato que forma parte da historia e que se revivirá o 6 de setembro na casa forestal de Noalla, a través dunha conferencia e unha exposición sobre ou afundimento do buque,

E de todo elo sabe moito o xornalista e escritor Celestino Vieitez, que será o encargado de pronunciar a conferencia.

Pois con el falamos en AROUSA PONTEVEDRA DIA A DIA

A portavoz do PSdeG-PSOE de Cambados, Fátima Abal, presentou esta mañá nos xulgados de A Parda en Pontevedra unha denuncia ante a fiscalía contra o grupo de goberno de Cambados.

Os socialistas denuncian no escrito interposto presuntas “irregularidades contables”, que pensan “son constitutivas de delito». Refírense ó cobro de complementos de produtividade e gratificacións con carácter fixo desde hai anos por parte dalgúns traballadores, e á emisión de facturas por valor de 1.445 euros ao mes a favor do arqueólogo municipal, desde hai once anos, sen que haxa unha relación contractual entre este técnico e o Concello de Cambados, O PSOE non quere tipificar que tipo de delito podería estar incorrendo o alcalde Luis Aragunde, pero están convencidos de que a súa actuación non se axusta á lei, amparándose nos informes de Intervención e ó sistemático levantamento dos reparos de Intervención por parte da alcadía.

Todo elo nolo contaba en AROUSA PONTEVEDRA DIA A DIA a portavoz do grupo municipal socialista de Cambados, Fátima Abal.

Integrantes de Xironsa estiveron nos nosos estudios para falarnos do Festival Folclórico que organizan dende hai 14 anos e que se celebra mañá 30 de agosto.

con nos estiveron a Presidenta da Asociación, Ester Casaldarnos, xunto con Nacho González, integrante do colectivo, e Minerva Vieites e Tamara Crespo, alumnas que forman parte do grupo musical.

O vicepresidente, Alfonso Rueda, e o delegado territorial da Xunta en Pontevedra, José Manuel Cores Tourís, visitaron esta mañá ao concello de Vilanova de Arousa para coñecer os investimentos realizados ao abeiro do Fondo de Compensación Ambiental na Mancomunidade do Salnés. Á visita tamén asistiron os alcaldes de Vilanova, Cambados e Ribadumia.

Escoitamos as declaracións do vicepresidente da Xunta, Alfonso Rueda durante esta visita, en AROUSA PONTEVEDRA DIA A DIA.

Con pouco marxe de manobra tralo fallo xudicial sobre a execución da sentencia de Cuca, a corporación municipal de Vilagarcía decidiu agardar á resolución do recurso presentado polas traballadoras para adoptar calqueira outra iniciativa.

Ademáis, os portavoces municipais reuniranse nos vindeiros días co comité de empresa das traballadoras para recibir a información exacta da situación do conflicto.

Nolo contaba en AROUSA PONTEVEDRA DIA A DIA, o alcalde de Vilagarcía Tomás Fole ó remate do encontro da xunta de voceiros.