O concello de Meis aforrará 11.400 euros ó ano

coa sustitución de 97 luminarias convencionais por lámpadas led na parroquia de Paradela, o que reducirá o consumo e o fluxo luminoso un 50% durante 11 horas ao día.

Son os datos revelados durante a visita realizada esta mañá polo delegado territorial da Xunta en Pontevedra, Cores Tourís, ó municipio de Meis, para analizar a aplicación neste concello do Programa de Eficiencia Enerxética impulsado pola Consellería de Industria a través do Inega.

No caso de Meis, o investimento para estas actuacións é de 60.000 euros, dos cales 51.000 foron subvencionados pola administración autonómica.

Ademáis do cambio das lámpadas, procederase á colocación dun reloxo astronómico que regulará o prendido e apagado dos equipos.

Con ambas medidas, os técnicos calculan que Meis poderá conseguir un aforro enerxético no alumeado público de ata o 60%, eliminando 40 toneladas de emisión de CO2 á atmósfera.

O concello de Meis inclúse no proxecto mancomunado presentado xunto con outros municipios das comarcas de O Salnés, Caldas e Pontevedra, entre que os que se investirán 538.000 euros, dos que 457.000 serán aportados pola Xunta.

Os concellos beneficiarios son os de Vilagarcía, Catoira, Caldas, Pontecesures, Meis, Meaño, Ribadumia, Poio y Sanxenxo.

ahorro estimado entre los municipios en un año es de 96.500 euros.

Son os datos ofrecidos esta mañá en Meis, polo delegado territorial da Xunta, Cores Tourís, na visita a Paradela, acompañado polo alcalde José Luis Pérez.

Para AROUSA PONTEVEDRA DIA A DIA recolleu as declaracións Alba Piñeiro.

A presencia da muller no mundo empresarial é o que pretende destacar o simposio Móstrate, organizado pola Mancomunidade de O Salnés, presentado esta mañá en Cambados, e que se celebrará o próximo 3 de outubro ás 4 da tarde en Exposalnés.

A iniciativa reunirá a mulleres da comarca que conseguiron estar ó mando de diferentes empresas con notable éxito.

Marta Iglesias da empresa Piraguilla de A Illa de Arousa, Lorena Moldes do Restaurante Pan de Millo de O Grove, Marta Castro e a súa irmá Carmen da adega Lagar de Pintos de Ribadumia, Mª José Cacabelo de Guimatur de Cambados e Silvia Rodríguez do Pazo da Saleta de Meis, son un exemplo de elo.

Na presentación do Simposio celebrada esta mañá en Cambados nos contaban a súa experiencia Silvia Rodríguez do Pazo da Saleta e Marta Castro da adega Lagar de Pintos.

As súas impresións recolleunas para AROUSA PONTEVEDRA DIA A DIA Alba Piñeiro.

A flota do xeito arousá maniféstase ás 2 desta tarde en Rianxo pola prohibición da pesca da sardiña decretada polo goberno do estado.

A mobilización está convocada polos xeiteiros de Rianxo, pero está previsto que acudan armadores de distintos puntos da ría arousá. A frota do xeito quere así facer visible ó problema que se lle ven enriba co peche da captura da sardiña, xa que é unha especie á que se adica gran parte do sector todo o ano.

Segundo os afectados, esta resolución abócalles a amarrar as súas embarcacións.

A de hoxe será a primeira das mobilizacións que pretenden realizar de xeito diario, cada xornada nunha localidade diferente, entre elas A Illa e Cambados.

Asimesmo, solicitarán unha entrevista coa Conselleira do Mar, Rosa Quintana, para que medie no conflicto.

Nolo contaba para AROUSA PONTEVEDRA DIA A DIA, Miguel Angel Iglesias, patrón maior de Rianxo.

A Mancomunidade do Salnés puso en marcha esta mañá a VI edición del Obradoiro de Emprego de Hostelería do Salnés.

Unha iniciativa que se vai desenvolver na Lanzada durante 6 meses e na que 22 alumnos formaranse en cursos de cociña e camareiro de restaurante-bar.

O presuposto, que ascende a uns 200.000 euros, financiados pola Consellería de Emprego, é este ano algo inferior ó de edicións anteriores, o que imposibilita a inclusión do curso de camareiro de planta.

Os detalles nolos contaba en AROUSA PONTEVEDRA DIA A DIA Ramón Ginarte, xerente da mancomunidade do Salnés.

A loita contra o furtivismo está a dar bos resultados, segundo as valoracións da Consellería do Mar.

Máis de 13.200 aparellos decomisados e 77.500 kilos de marisco incautados son os resultados dos operativos desenvoltos ó longo deste ano pola Policía Autonómica e os servicios de Gardacostas da Xunta.

O vicepresidente da Xunta, Alfonso Rueda, e a Conselleira do Mar, Rosa Quintana, quixeron esta mañá amosar o seu respaldo ó traballo conxunto entre ambos servicios nun encontro celebrado a bordo do buque Irmáns García Nodal, que realiza a meirande parte dos operativos na loita contra o furtivismo, e que esta mañá permaneceu atracado no peirao de Vilagarcía.

Tanto o vicepresidente da Xunta, Alfonso Rueda, como a Conselleira do Mar, Rosa Quintana, destacaron o problema que supón o furtivismo para os recursos mariños, para o consumidor e para os propios profesionais.

As súas declaracións recolleunas para AROUSA PONTEVEDRA DIA A DIA Alba Piñeiro.

Duas empresas da comarca do Salnés abriron xa negocio en México como resultado dos contactos realizados na viaxe empresarial promovida pola Mancomunidade do Salnés hai uns meses.

Desvelábao esta mañá o presidente da entidade mancomunal , Gonzalo Durán, que tamén anunciaba que ó longo da vindeira semana, a comarca recibirá dúas visitas que poderían xerar novas canles de negocio.

Unha delas será a presencia de representantes da asociación Luks Marbella, que aglutina a turistas rusos afincados na Costa do Sol, cos que a mancomunidade pretende establecer paquetes turísticos de fin de semana ou de estancias máis longas en Galicia, utilizando o aeroporto de Málaga como base.

E a segunda, xa cara a fin de semana, a mancomunidade agarda a visita do alcalde e membros do cabildo da localidade mexicana de Aguascalientes, irmanada co Salnés.

A delegación mexicana visita Galicia para coñecer as posibilidades de realizar intercambios comerciais nos ámbitos turístico e industrial.

A empresa metalúrxica Tune Eureka, ubicada no polígono Industrial de Bamio, recibiu esta mañá a visita do Conselleiro de Industria, Francisco Conde, que comprobou as novas instalacións desta firma líder na fabricación de bens de equipo.

A firma puxo en marcha recentemente un amplo proxecto de expansión e modernización das súas instalacións e maquinaria, cun investimento de 2 millóns e medio de euros.

En opinión do Conselleiro de Industria, trátase dun exemplo a seguir...

Decíao Francisco Conde nesta visita a Tune Eureka na que estivo acompañado polo director da firma, Manuel García e o alcalde de Vilagarcía Tomás Fole.

Declaracións que recolleu para AROUSA PONTEVEDRA DIA A DIA a nosa compañeira Alba Piñeiro.

A situación laboral da Residencia Xeriátrica Valle Inclán de Vilanova empeza a escribir outro capítulo.

I e que Nurtime, a empresa que nestes momentos se está a facer cargo da xestión do xeriátrico entrou en concurso de acreedores o pasado venres 12 de setembro.

Segundo o sindicato CIG no entramado empresarial de xestión da residencia figura agora dende o pasado maio a sociedade Euroconsultores Sociosanitarios, que actualmente é a que recibe os pagos dos residentes para que non poidan ser embargados xudicialmente da contabilidade de Nurtime.

Ademáis, o sindicato CIG alerta de que Euroconsultores, na que tamén participa Rodríguez Janeiro, antigo xerente da residencia, opta ó concurso das 50 plazas que licita a Xunta de Galicia para concurrir á xestión do centro vilanovés.

Trátase, segundo o sindicato nacionalista, dunha empresa que carece de persoal, de oficinas e de instalacións para asumir esas plazas.

Neste sentido a CIG censura a actitude da Xunta por mirar cara outro lado e permitir o seu acceso ó concurso público de adxudicación das plazas.

Son os datos revelados esta mañá por representantes da CIG e de CCOO na sede do sindicato nacionalista e que Alba Piñeiro recolleu para AROUSA PONTEVEDRA DIA A DIA.

A Asociación Cultural Nydia quere recuperar a tradición teatral co estreno de A Viaxe Eterna, es una pieza teatral breve y de fuerte contenido antibelicista, na que o protagonista nos presenta una historia cargada de guerras, traición e hipocresía. 

Unha obra totalmente xestual que se desarrollará nun novo espacio creado nas propias instalacións do colectivo na rúa López Ballesteros de Vilagarcía.

O estreno será este sábado ás 10 da noite e o prezo das entradas será entre 3 e 5 euros.

Asimesmo, a Asociación Cultural Nydia presentou esta mañá o seu novo espazo como novo centro de numerosas actividades e espectáculos de fin de semana realizados por artistas locais emerxentes.

A programación complétase con actividades para nenos os domingos ó mediodía.

Contábao esta mañá en rolda de prensa Alejandro Guanella, director de A Viaxe Eterna, que recollemos en AROUSA PONTEVEDRA DIA A DIA

Os socialistas de Cambados lamentan que o Fiscal Xefe de Pontevedra decidira o arquivo da denuncia presentada pola súa portavoz municipal, Fátima Abal, o pasado día dous de setembro do que foron conocedores hoxe mesmo.

O PSOE considera que a decisión da fiscalía foi adoptada “cunha rapidez descoñecida dunha institución xudicial sen facer tan siquera ningunha investigación sobre o denunciado”, sinalou Fátima Abal.

Igualmente a voceira socialista calificou o decreto do Fiscal Xefe como pobre na súa argumentación xa que recoñece que, “ a actuación do goberno local sin duda supone una acumulación de irregularidades puestas de manifiesto por la intervención municipal” pero ó non ser denunciadas pola funcionaria en cuestión á fiscalía entende que non existe delito.

En todo caso, e según contempla a lexislación vixente, os socialistas de Cambados anuncian que van presentar denuncia ante o Xulgado de Instrucción polos mesmos feitos postos en conocemento da Fiscalía