A Mancomunidade do Salnés adicará o vindeiro mes de maio á promoción da pesca do cerco e os seus productos.

Para elo, dende o ente comarcal estanse a organizar as xornadas gastronómicas "Acercando" onde a través de obradoiros de cociña e chefs estudios, tentaráse amosar a tódolos públicos os beneficios saudables de peixes como a xarda, a sardiña ou o xurel.

Cada luns do mes de maio, a partir das 11:30 da maña, haberá un obradoiro de cociña dirixido a profesionais do turismo; o primeiro, o día 5, será en Meaño, na Quinta de San Amaro, o luns 12 será en Ribadumia na Bodega Lagar de Pintos, o 19 de maio no Pazo Baión en Vilanova e o último, o día 26 no Faro Punta Cabalo da Illa de Arousa.

Por outra banda, tamén haberá citas para tódolos públicos nos Chefs estudios que se farán o sábado 10 de maio na Praza de Fefiñans en Cambados da man de Pepe Solla e Ángel León, o sábado 17 de maio na Praza de Galicia en Vilagarcia a cargo de Beatriz Sotelo e Mónica Novas, e por último o venres día 23 na Praza do Corgo de O Grove cos cociñeiros Xavier Olleros, Yayo Daporta e Antonio Botana.

Ademáis das Xornadas, a Mancomunidade do Salnés xunto coas asociacións Cambados Zona Centro e Emgroves fixaron para as fins de semanas de maio, unha ruta de tapas, nas que durante os venres, sábados e domingos, 9 restaurantes de O Grove e 13 de Cambados ofrecerán unha tapa con productos do cerco ó prezo de 1 euro.

As xornadas de promoción dos productos do cerco foron presentadas esta mañá en Cambados polo xerente da Mancomunidade do Salnés, Ramón Guinarte, coa presencia dos chefs Yayo Daporta e Antonio Botana.

En AROUSA PONTEVEDRA DIA A DIA recollemos as súas declaracións.

Sen sorpresas e arroupado polos máximos responsables do PP de Galicia, Luis Aragunde, foi elexido esta fin de semana presidente do Partido Popular de Cambados por aclamación nun acto no que se deron cita máis de 400 persoas.

Entre elas, amosáronlle o seu respaldo tácito o presidente do PP de Galicia, Alberto Núñez Feijóo, o secretario xeral, Alfonso Rueda e o presidente provincial, Rafael Louzán.

O novo responsable do PP cambadés, que substitúe á fronte do partido local a Cores Tourís, asegurou que asume esta nova responsabilidad “con ilusión”, agradecendo o apoio de amigos e veciños, e co obxectivo de “seguir traballando na rúa”.

Os micrófonos de PONTEVEDRA DIA A DIA recolleron as impresións do alcalde cambadés, así como de Núñez Feijoo e de Rafael Louzan.

Con eles falaba Alba Piñeiro.

Unha decena de empresas do sector turístico do Salnés integran a Plataforma turística "Visit Arousa", que se presentou hoxe no Pazo de Rubiáns.

A súa finalidade é “vender” a comarca do Salnés como unha referencia de destino turístico de calidade. Os integrantes da plataforma son Pazo de Rubiáns, Adega Eidos, Adegas Mar de Frades, Quinta de San Amaro, Grande Hotel La Toja, Piragüilla Turismo Activo, Turismo Náutico, Mariña Vilagarcía, Arrullos da Auga e a axencia Tee Travel.

A agrupación tamén quere promover sinerxías, unións profesionais e colaboración entre empresas e membros colaboradores, establecer un calendario de actuacións, converter a plataforma nunha unidade de apoio actualizada con información sobre os seus integrantes.

En definitiva, Arousa e a comarca do Salnés "venderáse" no exterior como un lugar singular pola súa oferta relacionada co viño, a gastronomía, as praias e o mar, a Ruta da Camelia, a accesibilidade do destino, o termalismo e o turismo urbano.

Visit Arousa presentouse este mediodía no Pazo de Rubiáns coa presencia da Directora Xeral de Turismo da Xunta, Nava Castro, e do Presidente da Deputación, Rafael Louzán.

Con ambos, e tamén coa xerente da Plataforma, Mar Rodríguez, da axencia Tee Travel, falabamos en AROUSA PONTEVEDRA DIA A DIA.

O que parecía que ía ser unha certa colaboración entre o Concello de Vilanova e a CIG, a pesar das súas diferencias, no conflicto da residencia Valle Inclán truncouse esta mañá.

As ex traballadoras do xeriátrico decidiron abandonar o peche que mantiñan dende onte no salón de plenos do concello, despois de que o alcalde Gonzalo Durán non admitira a presencia das afectadas na rolda de prensa habitual dos venres.

As ex-traballadoras quixeron aproveitar a presencia dos medios de comunicación no concello e interrumpiron a comparecencia, entre berros e pancarta en man.

A situación provocou o enfado do alcalde que lles exixiu a saída do despacho onde se estaba celebrando a rolda de prensa, requerindo a presencia policial.

Ante esa reacción do rexedor, as ex-traballadoras e as suas representantes sindicais optaron por abandonar as instalacións da Casa Consistorial e convocar unha asemblea para decidir de qué xeito continuarán a súa protesta en demanda dunha entrevista coa Conselleira de traballo e Benestar, Beatriz Mato.

O sindicato CIG recrimina ó alcalde que non fixera máis que mandar un correo electrónico nas xestións para conseguir a tan ansiada entrevista con Beatriz Mato.

En AROUSA PONTEVEDRA DIA A DIA recollímos os sons do que aconteceu.

As 39 extrabajadoras da residencia xeriátrica Valle-Inclán retomaron este mediodía o peche no salón de plenos do concello de Vilanova, pero desta volta de xeito indefinido.

As afectadas e os seus representantes sindicais manterán a medida ata conseguir a demandada entrevista coa conselleira de Traballo e Benestar, Beatriz Mato, ou coñecer a adxudicación definitiva das 110 prazas concertadas coa Xunta.

O colectivo optou por volver ó concello de Vilanova, onde xa permaneceron onte durante boa parte da mañá, ante a falta de noticias sobre as xestións comprometidas polo alcalde Gonzalo Durán para mediar ante a Conselleira de Traballo e Benestar.

A partir de hoxe o peche será indefinido, tal e como nos detallaba en AROUSA PONTEVEDRA DIA A DIA a representante da CIG Rosa Abuín, nunha conversa con Alba Piñeiro.

O concello de Vilanova xa ten ultimados vos detalles da festa dance que este ano toma o relevo da Batea Party celebrada o pasado setembro sobre a batea da que partiu a Volta Ciclista a España.

Este ano, baixo o nome de "Umbrío Sound-Electronic Night" o sábado 12 de abril a partir das 23:00 horas o parque de Vilanova acollera un festival de dj's, coincidindo cos días previos á Semana Santa.

A carpa na que se celebrará o "Umbrío Sound" vai contar coa presenza dos dj's Héctor Llamazares, Hugo Rolan, Smerz e Mathías Alvarez e o seu lugar de situación será as inmediacións da praza de abastos.

Malia que na Batea Party, celebrada o pasado mes de setembro, a afluencia non foi a esperada, o Concello quixo repetir experiencia co obxectivo de brindar unha oferta de ocio á mocidade.

O obxectivo é consolidar este evento no futuro como unha referencia da música dance na comarca do Salnés.

Decíao esta mañá a Concelleira de Cultura Nuria Morgade na rolda de prensa que recollíamos en AROUSA PONTEVEDRA DIA A DIA.

O alcalde de Vilanova, Gonzalo Durán, asegura sentirse moi preocupado pola situación de incerteza sobre o futuro da Residencia Valle Inclán.

Unha situación que o rexedor vilanovés califica de dramática e na que defende a actuación das administracións públicas e recrimina a do sindicato CIG.

Así o decía esta mañá Gonzalo Durán en rolda de prensa que recollíamos en AROUSA PONTEVEDRA DIA A DIA.

O concello de Vilagarcía reclama a Consellería de Benestar da Xunta que axilice os trámites de xestión das solicitudes da RISGA.

O goberno local decidiu enviar esta petición á Xunta a través dun comunicado, a raiz do caso da veciña do municipio, María Carrera, que onte comezou unha folga de fame nas dependencias municipais.

Así o anunciaban en rolda de prensa esta mañá o alcalde Tomás Fole, e a portavoz de goberno, Rocío Llovo, que tamén daba conta das adxudicacións acordadas na xunta de goberno.

As súas declaracións recollíamolas en AROUSA PONTEVEDRA DIA A DIA.

A veciña de Vilagarcía María Carrera iniciou esta mañá nas dependencias do concello unha folga de fame denunciando o retraso de 10 meses na tramitación da súa solicitude da RISGA.

A afectada asegura que manterá a sua protesta ata que os organismos públicos correspondentes tomen conciencia da situación que, como ela, viven milleiros de cidadáns.

Con ela falabamos en AROUSA PONTEVEDRA DIA A DIA nunha conversa con Alba Piñeiro.

Os bateeiros de Vilanova poderán empezar a usar nos vindeiros días os espacios habilitados por Portos de Galicia no peirao vilanovés para que mexiloneiros e navalleiros poidan realizar o seu traballo en mellores condicións.

O presidente do organismo autonómico, José Juan Durán, oficializou esta mañá o acondicionamento dos dous espacios que a partir de agora estarán a disposición das dúas asociacións de bateeiros que o solicitaron: San Amaro e Amevila.

Ambos colectivos poderán realizar nos novos espacios diferentes tarefas administrativas e de controis

A cambio da prestación dos locais, deberán aportar un canon anual.

Os locais que ata o de agora están ocupando viñan ocupando estas duas asociacións Portos de Galicia poráos a disposición doutros colectivos.

Nolo explicaba en AROUSA PONTEVEDRA DIA A DIA o Presidente de Portos de Galicia, José Juan Durán.