O marxe da polémica da expulsión do concelleiro de Esquerda Unida, o pleno de Vilagarcía deu o respaldo de toda a corporación ás demandas da comunidade educativa da Escardia, que onte acudiron ao pleno que se celebraba en Ravella.

As deficiencias do colexio do centro debatéronse a través dunha moción presentada polo BNG, que recibiu o apoio de todolos grupos municipais pero coa petición de comprensión e paciencia por parte do grupo de goberno.

Unha petición que a concelleira de Educación, Rocío Llovo, fai extensiva á recén creada Coordinadora de ANPAS de Vilagarcía, asegurando que se trata de priorizar as actuacións.

En AROUSA PONTEVEDRA DIA A DIA recollemos as palabras de Rocío Llovo.

A Alianza Social Galega, colectivo integrado por máis de 60 organizacións sociais e sindicais de todo o país, presentou esta mañá en Vilagarcía a mobilización que se desenvolverá este xoves 27 nas principais cidades de Galicia, contra as políticas de recorte e privatización do goberno do estado.

En Vilagarcía a manifestación partirá ás 8 da tarde da Avenida da Mariña.

Nolo contaba en AROUSA PONTEVEDRA DIA A DIA, Ramón Vidal Trillo, secretario comarcal de UXT.

A POXA DOS TERREOS E EQUIPAMENTO DA RESIDENCIA VALLE INCLAN DE VILANOVA SERÁ O PROXIMO 26 DE MARZO NO XULGADO DO MERCANTIL DE PONTEVEDRA.

Os bens foron valorados en 5,3 millóns de euros.

Se non hai ninguén que puxe por esta cantidade, o xulgado poderá adxudicalos directamente a quen pague un 30 % do total, é dicir, 1,6 millóns de euros.

A poxa é conclusión do proceso de liquidación a que está sometido Viaxes Silgar, a empresa que inicialmente xestionaba as instalacións, e que agora realiza a firma Nurtime.

E a pesar de que os sindicatos ven con alivio a que por fin se realice a poxa, advirten, sen embargo que a cantidade pola que se adxudicaría a residencia se non hai niguén que o faga pola totalidade, non sería suficiente para pagar as indemnizacións ás traballadoras despedidas.

Segundo os seus cálculos, a débeda total de Viaxes Silgar rolda os 5 millóns de euros.

Ademáis, os sindicatos piden ao xulgado que blinde o proceso de puxa, para que non poidan concorrer á mesma nin Francisco Rodríguez Janeiro nin Enrique Martínez, propietario e xerente respectivamente de Viaxes Silgar.

Tamén lle reclaman á Xunta que se comprometa a manter o centro aberto coas 110 prazas concertadas que ten na actualidade.

Son datos que nos ofrecía esta mañá en AROUSA PONTEVEDRA DIA A DIA o secretario comarcal da CIG, Xoan Xosé Bouzas.

O alcalde de Vilanova referíase esta mañá na rolda de prensa habitual dos venres ás investigacións xudiciais sobre posibles casos de corrupción.

Entende Gonzalo Durán que debe existir un respeto entre os tres poderes do estado,- executivo, lexislativo e xudicial- e cuestiona a presencia da Garda Civil nos rexistros de concellos e organismos públicos con axentes armados “como se delincuentes se tratara”.

En AROUSA PONTEVEDRA DIA A DIA recollemos as súas palabras

O Bloque Nacionalista Galego presenta no Parlamento Galego unha Proposición non de lei e unha serie de preguntas a debatir en Comisión en relación co concento para xestión de servizo público da Residencia Valle Inclán.

A deputada parlamentar do BNG, Montserrat Prado mantivo esta mañá un encontro coas traballadoras despedidas de Valle Inclán para presentar esta iniciativa que vai a expoñer para o seu debate na Comisión do Parlamento.

Trátase pois, dunha Proposición non de lei na que se insta á Xunta a que se comprometa a que unha vez cumprida a liquidación de Viaxes Silgar, a nova empresa adxudicataria da residencia, manteña ás 110 prazas concertadas para garantir así a actividade do centro.

Ademaís, o BNG exixe que se cumpran ás sentenzas que declaran nulos os despidos, e que a nova empresa readmita ás traballadoras nas mesmas condicións que tiñan antes, e que se lles abonen os salarios deixados de percibir e as indemnizacións estipuladas.

Nesta mesma proposición, o BNG tamén solicita o compromiso da Xunta para que non se lle adxudique ningún concerto para a xestión de servizo público de atención residencial para persoas maiores a ningunha empresa que teña como titulares ós administradores das empresas implicadas no proceso.

Por outra banda, as traballadoras despedidas da residencia Valle Inclán seguen recibiendo ás súas sentenzas, e xa van 20 os despidos declarados nulos polos Xulgados de Pontevedra.

Sen embargo, tras ter xa os avisos na man, Enrique Martinez Nuñez segue sen readmitir ás traballadoras e sen pagar as indemnizacións estipuladas, polo que as ex-traballadoras din que volverán a manifestarse e presentarán novidades para a vindeira semana, asegurando que van a recrudecer a loita.

Ester Campoamor, representante da CIG, contábanos os últimos detalles deste conflito en AROUSA PONTEVEDRA DIA A DIA.

O Concello de Vilanova realizará unha modificación puntual das normas urbanísticas non referente á superficie do Pazo Vista Real para permitir actuacións de mellora non interior do inmoble.

Esta recalificación, que conta xa co beneplácito da Dirección Xeral de Patrimonio da Xunta, porá fin a situación de protección integral da que goza o inmoble e que impide eliminar os elementos arquitectónicos instalados pola familia Charlín cando o inmoble estaba nas súas máns.

A idea do alcalde Gonzalo Durán é poder destinar o Pazo de Vista Real, unha vez reformado , a actividades culturais e á cursos de formación para a mocidade.

Tras recibir o visto e prace de Patrimonio, os técnicos municipais están xa trabalando na proposta de recalificación para poder aprobala en pleno da corporación canto antes e posteriormente trasladar o acordo á Xunta.

En AROUSA PONTEVEDRA DIA A DIA recollíamos as declaracións que sobre todo elo realizaba esta mañá o alcalde de Vilanova, Gonzalo Durán.

As obras de reparación do tellado do colexio de San Miguel de Deiro avanzan a bo ritmo e segundo o alcalde, Gonzalo Durán, están case rematadas, para poder recuperar a actividade lectiva a mediados da semana que ven.

O investimento para a sustitución do tellado que voou polos aires cun dos temporais ronda os 90.000 euros, e o alcalde vilanovés asegura que non ten máis que alabanzas coa actitude da Consellería de Educación neste sentido.

Así o decía esta mañá o alcalde de Vilanova e tamén presidente da Mancomunidade do Salnés, nunha rolda de prensa na que tamén abordaba outros asuntos de interés da mancomunidade como a Ruta Sarmiento.

O vicepresidente da Xunta Alfonso Rueda visitou esta mañá as instalacións do Centro Comarcal de Caldas para asinar un convenio no que se cede a tituralidade do edificio ó Concello de Caldas.

O Centro Comarcal so estaba sendo utilizado pola Consellería do Medio Rural que non ocupaba a totalidade do edificio polo que se dediciu que a partir de agora estas intalacións pasen a ser de uso municipal.

Según Rueda, este acordo era necesario para poder aproveitar o centro.

Sobre as futuras posibilidades de uso,

na mesa xa hai tres opcións, como son a escola de música, un centro para maiores ou que pase a ser a nova sede de protección civil no concello.

Sen embargo, a Consellería do Medio Rural seguirá ocupando o seu espazo no edificio polo que colaborará economicamente nos gastos que se xeneren.

Escoitamos a rolda de prensa que deu o Vicepresidente Alfonso Rueda xunto co Alcalde de Caldas, Jose Manuel Rey, en AROUSA PONTEVEDRA DIA A DIA.

O xoven xornalista vilagarcián Paulo García presenta mañá ás 8 da tarde no Auditorio de Vilagarcía o seu primeiro libro “Desgaste vital”,

No acto estará acompañado pola

escritora orixinaria de Catoira, Anxos Sumai, que vén de recibir o Premio García Barros pola súa última novela, A lúa da colleita.

Paulo García Conde (Vilagarcía, 1990) está licenciado en Xornalismo pola Universidade de Santiago de Compostela. Na actualidade cursa o master de Creación Literaria Multidisciplinar na Universidade Camilo José Cela, de Madrid. Ademais da sua inclinación literaria, é coñecida, tamén, a súa participación en proxectos musicais, destacando o liderado do grupo “Myths about pandas”, de gran éxito na comarca.

Con Paulo García falabamos en AROUSA PONTEVEDRA DIA A DIA.

En AROUSA PONTEVEDRA DIA A DIA falabamos con Lorena Moldes de cómo foi o seu paso polo concurso.