A pasada semana, A Fonsagrada acolleu unha charla organizada polo BNG local coa participación de ADEGA e a FRUGA para explicar a poboación cales son as consecuencias para as poboacións locais dos proxectos mineiros "estratéxicos" ou dirixidos á explotación de ouro e outros minerais metálicos moi devecidos, hoxe en día, pola industria da electrónica. A Fonsagrada, xunto cos concellos de Baleira, Becerreá e Baralla, están a a ser obxecto de exploración na busca de ouro por parte da multinacional Golquest Ibérica.

Unha delegación galega de colectivos sociais e ecoloxistas desprázanse a Bruxelas, convidados polos Verdes-ALE e Ana Miranda (BNG) para amosar a súa repulsa á megaminaría contaminante. Os galegos e galegas pedíronlle ao Parlamento Galego que restrixise este tipo de explotacións polo seu impacto ambiental, económico e social.

Coñece as novas ambientais máis destacadas desta semana en Galiza, neste espazo CERNA que promove a entidade ecoloxista ADEGA.

Un modelo colonial da minaría é o que, segundo colectivos sociais e ecoloxistas, pretende facer o goberno da Xunta coa aprobación do Plan Galego da Minaría. Este documento, non aprobado aínda, permite a explotación mineira en calquera solo e recuncho de Galiza. ADEGA explícanos as súas impresións deste planeamento.

Manuel Casal Lodeiro, experto en internet, propón a elaboración dunha guía sobre o manexo da rede para as organizacións sen ánimo de lucro. Casal cre que esta publicación sería unha ferramenta de axuda imprescindible para obter eco social a través de internet. Só queda unha semana para apoiar esta iniciativa na plataforma verkami.

A ILP a prol a reciclaxe rexeitada polo Parlamento é o punto final da loita en Galiza contra a incineración e a favor de xestións alternativas? Non. Os grupos promotores da ILP teñen previsto tomar novas iniciativas para conseguir mudar o modelo de tratamento dos residuos en Galiza nesta longa carreira de fondo.

Foi o martes da semana pasada. A ILP a favor das 3 erres (rdución, reutilización e reciclaxe) non foi aprobada no Parlamento por mor dos votos do PP. Neste espazo escoitamos as intervencións do grupo popular nas que xustifica a súa negativa á ILP e tamén as dos demais grupos parlamentarios, que si apoiaron esta iniciativa lexislativa do pobo.

O colectivo ecoloxista ADEGA convoca unha nova edición dos Concursos de fotografía, relato e curtametraxe polo territorio. Esta terceira edición enmárcase no programa "Cultura e Territorio" que pretende poñer en valor e fomentar o coñecemento do noso patrimonio ligado ao territorio. O prazo para a presentación de orixinais rematará o 1 de novembro.

As algas son abono, alimento, cosmética e medicina. Hoxe imos coñecer as súas propiedades como alimento e medicina da man dun experto en algas, Xacobo de Toro, que vén de impartir un curso de algas no equipamento de educación ambiental de Alvarella.

Pontevedra conseguiu converter a súa política de mobilidade urbana nun referente para varios países de Europa. Vén de recibir o premio europeo Intermodes de mobilidade sostible e xa está citado a participar en diversos foros internacionais sobre mobilidade. Coñecemos cal é o segredo deste éxito co concelleiro de Infraestruturas de Pontevedra, César Mosquera.