O goberno galego presentou hai poucos días o Primeiro informe galego sobre cambio climático e, ao mesmo tempo, anunciou a paralización do plan galego contra o cambio climático. A motivación desta decisión é a crise económica, mais outros pensan, como ADEGA, que non facer nada diante deste problema sairanos máis caro a todos e todas.

Mañá terá lugar a III Feira da Sustentabilidade organizada pola Universidade da Coruña e ADEGA. Desenvolverase no Campus de Elviña, na Facultade de Económicas e durante todo o día haberá obradoiros, charlas, mercado de troco e xogos.

O Estado español conta co apoio da Comisaria europea de pesca, Sra. Damanaki, para destinar unha partida orzamentaria dos fondos europeos para subvencionar no 50% ás granxas de acuicultura industrial. Esta axuda europea seria determinante para o futuro do noso litoral, xa que dela dependería a implantación de moitas piscifactorías nas nosas cosas, co conseguinte impacto social e ambiental do que se acompañan, mesmo en espazos protexidos.

Escoita o resudo da actualidade ambiental da última semana aquí en Radio Cerna!

Fenosa-Gas natural proxecta un trasvase de auga entre o encoro das Conchas do río Limia e o encoro de Salas para aproveitar a enerxía producida a través dun ciclo reversible. Aínda que nun principio o impacto semella mínimo, non é así, segundo a SGHN. Escoitamos ao seu presidente.

Sogama e a Xunta volven apostar pola incineración dos residuos sólidos urbanos de Galiza. Propóñense crear unha nova planta incineradora ao lado da de Sogama, afondando na centralización do tratamento do lixo, na contaminación de dioxinas e furanos e na fraude económica. Hoxe coñecemos en Radio Cerna as mentiras de Sogama e as verdades da Iniciativa Lexislativa Popular que a cidadanía quere que se debata no Parlamento.

ADEGA e a Asociación Cultural O Fervedorio, de Cuntis, inician os traballos de voluntariado e custodia fluvial do río Gallo, que tentarán poñer en valor os seus elementos patrimoniais e naturais.

Coñece as novas máis destacada desta semana no ámbito ambiental galego, aquí en Radio Cerna.

A Universidade de Xaén discorre un sistema de cálculo que permite predecir en canto tempo un terreo queimado pode tardar en recuperarse, e que estratexias de recuperación se deben empregar para que esta sexa máis rápida. Tratamos este tema cun dos artífices deste sistema, Xulio Alcántara.

A asociación Monte Pindo Parque Natural consegue dotar de finanzamento ao proxecto "Antoloxía poética do Monte Pindo" que sairá á luz pública a comezos do ano que vén. A través da subscrición popular a través de internet superouso o capital mínimo necesario para editar a obra. A coordinación do traballo estivo a cargo dos escritores Francisco X. Fernández Naval e Miro Villar.