Podcast Radio Cerna

Radio Cerna está de volta! Iniciamos esta nova etapa no repaso da actualidade ambiental de Galiza, dando conta da declaración da nova Reserva da Biosfera de Galiza, do baleirado dos encoros e do principio dos 3s da Enerxía impulsado por ADEGA. Non te perdas este boletín...

Un novo informe do IPCC advirte que a década presente é deeterminante para evitar os efectos catastróficos do cambio climático e insta ás industrias máis contaminantes e situadas no litoral a tomar medidas drácticas. A actualidade ambiental dos últimos días tamén nos deixa novas relacionadas co rexurdimento dos proxectos eólicos mariños de Iberdrola, a denuncia do Rally Hispania por parte de ADEGA e a petición do concello de Lalín de modificación da Lei de Caza para poder abater crías de xabaril e lobo. Os boletíns informativos semanais de Radio Cerna volverán con información actualizada en setembro. Saúdos ecoloxistas!

A actualidade ambiental da semana segue xirando arredor dos sectores produtivos agresivos coa natureza: mina de Touro, Alcoa, eólica, e proxectos que promove a administración pública non acordes coa mitigación do cambio climático. Escoita Radio Cerna e ponte á última na información ambiental do teu país!

Ence recibe un duro golpe da Audiencia Nacional a cal declara ilegal a prórroga da concesión da pasteira outorgada polo goberno en funcións de Mariano Rajoy. O traslado da factoría semella cada vez máis preto. No ámbito da enerxía, continúan as críticas sociais contra a vaga eólica que é incesante. Xordes novos movementos veciñais na contorna do Xurés para enfrontarse aos proxectos eólicos. Estas e outras noticias no presente boletín informativo semanal de Radio Cerna.

Novo informe negativo da Xunta aos parques eólicos do Ministerio. Desta volta, apunta contra o PE de Berdoias; ADEGA vence nos tribunais á Consellaría de Medio Rural contra os seus intentos de impedir o acceso a información ambiental sobre plantacións ilegais de eucaliptos e un novo delito ambiental protagoniza a semana: a eliminación das dunas da praia de Rodeiro (Cangas)... Se queres coñecer a actualidade ambiental galega, escoita Radio Cerna!

A paralización parcial da éolica mariña, o desmantelamento da térmica de As Pontes, ou a volta da mina de Touro, algúns dos temas ambientais da semana. Escoita o resumo da actualidade ambiental da semana en Radio Cerna.

A eólica mariña e os proxectos de Iberdrola de San Cibrao e San Brandán no mar galego tópanse de fronte coa repulsa do sector pesqueiro; o Ministerio de Transición Ecolóxica segue admitindo novos macroproxectos eólicos tamén en terra e ADIF queda exonerada de toda culpa por verter ao río Sil dous vagóns de tren o pasado verán. Estas e outras novas ambientais da semana no presente boletín informativo de Radio Cerna. Escóitao!

A piques de que se inicie a chamada "moratoria" do eucalipto, Endesa e unha comunidade de montes de Aranga promover dúas macroplantacións de varios centos de hectáreas con esta especie exótica invasora. A isto súmanse os primeiros lumes do verán que volven asolar espazos naturais protexidos, sendo o Courel desta volta un dos máis prexudicados. E seguimos falando da "lei da selva eólica" que agora se extende ao mar. O Estado pisa o acelerador da eólica mariña e Iberdrola presenta os dous primeiros proxectos de eólica mariña en Galiza. Isto e moito máis neste espazo de Radio Cerna.

Un gran clamor social pide ás administracións unha moratoria eólica, tal e como quedou refrendado na gran manifestación vivida en Santiago de Compostela o pasado 5 de xuño, con motivo do Día do Medio Ambiente. Milleiros de persoas fixeron patente o rexeitamento social á actual invasión eólica e a un modelo enerxético colonial, inxusto e insostíbel. O boletín de hoxe de Cerna recolle as reaccións políticas posteriores á marcha e dá conta de novas accións reivindicativas neste ámbito.

Mañá, no Día Mundial do Medio Ambiente, Compostela será escenario dunha gran marcha contra a invasión eólica de Galiza. No espazo de Radio Cerna de hoxe dedicamos unha especial atención á actualidade relativa ao boom eólico que xa non só se proxecto en terra, agora tamén no mar. Feliz semana do Medio Ambiente!