Podcast Radio Cerna

Repasa con Radio Cerna (ADEGA) as novas ambientais da semana. A fin do estado de alarma, a negativa de Alcoa a negociar e o futuro incerto da Mariña, un novo decreto lei sobre enerxía e unha sentenza que recoñece falsificación de documentos por parte de cargos da Xunta, aos que porén, absolve e outras novas que che achegamos neste boletín informativo semanal.

Alcoa segue no centro da actualidade. Neste conflito represéntase o conflito entre o vello e o novo modelo industrial cara ao que viran as grandes industrias contaminantes, na procura de rendibilidade e fondos públicos de apoio. ADEGA publica o informe "5 Verdades e 5 mentiras sobre Alcoa. Na procura dunha solución integral para a Mariña" e a Xunta presenta 3 iniciativas industriais de cara á economía circular, concepto que envolve os contidos deste boletín informativo.

Neste Día Mundial do Medio Ambiente, Radio Cerna dá conta dalgunhas das actividades que o movemento ecoloxista galego realizará para celebrar esta xornada na que se presentan propostas de cambio das políticas ambientais, se realizan palestras e debates ou performance na rúa. Actividades todas elas con referencias á crise actual e á necesidade de cambios radicais na nosa sociedade e con respecto á Natureza. A situación de Alcoa, outro caso destacado da semana.

Algunhas das novas da semana no plano ambiental e social: o despedimento de máis de 500 empregados da factoría de Aluminio de Alcoa, o recurso de 107 colectivos contra a continuidade de tramitacións relativas a proxectos industriais agresivos ou o impacto da Covid-19 no mar e na xeración de plástico. Isto e moito máis no boletín informativo de Radio Cerna de hoxe. Preme e escoita.

Hoxe celébrase o Día mundial da Biodiversidade no que a ONU reafirma à idea de que a solución á pandemia está na natureza. ADEGA e outras entidades ecoloxistas reforzan a tese e animan ás administracións públicas a mudar a súa actitude cara a biodiversidade. Por outra banda, denuncian o desleixo da xunta pola conservación do patrimonio natural en contraste co paternalismo demostrado para coa caza e a pesca.

A contaminación das cidades galegas descendeu a máis da metade durante o confinamento, agás en Ferrol, os mercados de alimentos na rúa comezan a súa actividade e o Defensor del Pueblo menciona á Xunta e á mina de Touro no seu informe anual. Estan son algunhas das novas ambientais da última semana que repasamos neste espazo de Radio Cerna! Escoita!

A Xunta e o goberno central afrontan a desescalada con diferentes ritmos e obxectivos, e presentan controversia sobre o momento de restablecemento dalgunhas actividades. Esta semana, estas disconformidades fixéronse máis evidentes que nunca. A Xunta ordeou a reactivación da tramitación de 1000 proxectos industriais con impacto ambiental que estaban en suspenso ou o reinicio do exercicio da pesca fluvial (da caza a semana pasada). Os colectivos ecoloxistas reaccionaron en contra. Tamén foi filmado por primeira vez un oso no Macizo Central Ourensán. ADEGA cre que a Xunta xa non ten escusas para aprobar o esquecido Plan de Recuperación do Oso pardo en Galiza.

Como cada venres, neste espazo de radio, repasamos a actualidade ambiental dos últimos días. Esta semana viviu unha celebración importante, o Día da Terra.

A crise do coronavirus dá paso ao debate social sobre o actual sistema de consumo e produción e ás desigualdades sociais. O Covid-19 xa se presenta por algúns como catalizador da creba do capitalismo e da necesidade do cambio de sistema cara a un modelo máis protector e intervencionista. Publícanse estudos que analizan a incidencia da contaminación atmosférica na incidencia da enfermidade e sobre a biodiversidade como barreira natural das enfermidades infecciosas. Namentres, a Xunta gábase de autorizar o control do xabaril en época de confinamento e os ecoloxistas pide, por enésima vez, a prohibición da caza da rula.

A crises do coronavirus estanos a deixar, ademais de leccións, moitas revelacións sobre o que para os gobernos semellan ser actividades esenciais fronte as que non. Alén do Covid-19 e das súas consecuencias no plano ambiental, esta semana a maquinaria administrativa non parou. Industria alegou contra o plan nacional de enerxía e clima e Medio Rural publicou o decreto polo que se axilizan os trámites para a corta de eucaliptos, piñeiros e acacias en solos protexidos. Se queres saber máis, preme!