Podcast Radio Cerna

Os incendios de Australia, a transición ecolóxica, o novo goberno central ou os fitos de ADEGA durante 2019, algunhas das novas ambientais máis destacadas da última semana...

Neste primeiro boletín informativo ambiental do ano 2020 afondamos sobre apetición de Endesa do peche da central das Pontes e na suba do prezo dos combustibles e dos transportes... O cambio climático faise notar! Feliz Ano!

Nesta semana de Festas as chuvias e desbordamento de ríos foron as protagonistas e deixaron ao descuberto os lugares e zonas de inundación que foron ocupadas por un urbanismo mal planificado. Tamén se abordaron os distintos xeitos de celebrar o Nadal, desde unha perspectiva turística e consumista como a promovida por Abel Caballero, ata a máis ecolóxica, aconsellada por ADEGA. Estes e outros temas nun novo boletín informativo de Radio Cerna. Escóitao aquí!i

Esta semana deixou novidades no eido dos residuos, do clima ou da xestión litoral. Novas propostas lexislativas que afectan ao territorio e á xestión dos recursos antes do remate do ano. Desde Radio Cerna desexámosche Felices Festas!

As Pontes ou Alcoa seguen a ocupar gran parte do espazo informativo dos últimos días, ademais da outra protagonista da semana, Greta Thunberg, nomeada Persoa do Ano pola revista Time. Se queres coñecer que novidades deixou esta semana neste e noutros temas de carácter ambiental, escoita este espazo.

Neste "venres negro" do consumismo desacerbado, convidámoste a atender ás novas ambientais da nosa contorna máis inmediata. Aquí, a información máis actual sobre o medio ambiente galego.

Escoita unha nova edición de Radio Cerna na que abordamos a actualidade do medio ambiente galego.

Retomamos o boletín informativo de Radio CERNA coa información máis actual sobre o medio ambiente galego. Se queres estar ao tanto do que pasa ao teu redor, escoita!

No boletín informativo de hoxe repasamos as novas dunha semana treboenta no terreo ambiental. A paralización das obras do parque eólico do Iribio, o xuízo contra dous ex-altos cargos da Xunta pola dragaxe da ría de Ferrol ou o baleirado da lagoa de Casalonga... algúns dos asuntos de actualidade sobre os que tratamos neste espazo.

A folga das Pontes, a SOGAMA da auga ou o novo plan da Xunta contra a avespa asiática centran parte da novas ambientais da última semana. Escoita cales son as novidades!