Podcast Radio Cerna

Coñece a actualidade ambiental galega con Radio Cerna. Só 10 minutos de escoitas para estar ao día!

Tras 8 anos de incertidume, por fin a Xunta declara o Río Gafos de Pontevedra como Espazo Natural de Interese Local (ENIL). Esta figura de protección ambiental implicará un plan de investimentos por parte do Concello de Pontevedra para favorecer a conservación do espazo e a recuperación dos seus valores naturais. A Asociación Vaipolorío foi unha das impulsoras desta iniciativa que agora vén de acadar o seu obxectivo.

ENCE vén de recibir un "mazazo" do goberno do Estado, o cal considera que a prórroga outorgada polo goberno en funcións de Mariano Rajoy non é conforme a dereito. Así o explicita un informe do avogado do Estado e unha resolución xudicial que se suman aos argumentos contra a prórroga de APDR, o Concello de Pontevedra e Greenpeace. Este cambio de rumbo do goberno estatal é acollido con satisfacción por parte da Asociación pola Defensa de Ría (APDR), pero tamén con cautela. Aínda así define esta paso como o máis importante do Estado a favor da Ría desde que se outorgou a prórroga. Falamos co presidente de APDR, Antón Masa.

Neste espazo facemos repaso da actualidade ambiental de Galiza na que, lamentablemente, os lumes forestais volven ser o epicentro informativo. Preme para escoitar.

A pasada semana, Galiza viviu a súa primeira deseucaliptización simultánea promovida por Cousa de Raíces, a plataforma a prol do bosque galego. Con motivo do Día Mundial dos Bosques animou a sociedade galega a participar de forma colectiva e simultánea no arrincado de pés de eucalipto e doutras especies exóticas que invaden os montes galegos. Os resultados alentan a realización de novas xeiras deseucaliptizadoras. Neste espazo falamos con algunhas das comunidades de montes que participaron nesta iniciativa colectiva.

A pasada semana, Galiza viviu a súa primeira deseucaliptización simultánea promovida por Cousa de Raíces, a plataforma a prol do bosque galego. Con motivo do Día Mundial dos Bosques animou a sociedade galega a participar de forma colectiva e simultánea no arrincado de pés de eucalipto e doutras especies exóticas que invaden os montes galegos. Os resultados alentan a realización de novas xeiras deseucaliptizadoras. Neste espazo falamos con algunhas das comunidades de montes que participaron nesta iniciativa colectiva.

ADEGA-Vigo e a Comunidade de Montes de Rebordelo, do concello de Cerdedo-Cotobade, chegaron a un acordo para custodiar un total de 158 hectáreas. Este proxecto de custodia que se vén de lanzar tratará de identificar e poñer en valor os recusos naturais e ambientais dos montes de Rebordelo, así como fomentar unha xestión forestal máis sostible neste territorio. Todas as actividades que alí se desenvolvan estarán abertas ao público xeral.

Máis info: http://coutodaeirexinha.gal

O estudantado galego botouse á rúa o pasado venres, 15-M, ante o chamado de Greta Thunberg, a estudante sueca de 16 anos que está a poñer na picota á clase política e aos gobernos de todo o mundo por "non facer nada para frear a crise climática". Os "Fridays for Future" chegaron tamén a Galiza, onde houbo convocatorias de folga en varias cidades e vilas galegas. O estudantado de secundaria e universitario alenta á toda a sociedade a unirse a este movemento que reclama actuar xa!

ADEGA, xunto cos colectivos Mariña Patrimonio, Cultura do País e Patrimonio de Ancares, lanza a campaña #SalvemosCovasVale. A iniciativa, que foi presentada ao público xeral o pasado venres, trata de protexer de forma integral unhas cavidades naturais de Baralla que se atopan ameazadas por un proxecto mineiro, xa aprobado pola Xunta. ADEGA insta á Dirección Xeral de Patrimonio que rexeite a canteira e proceda a prospectar a fondo os terreos afectados polo proxecto mineiro para confirmar o interese xeolóxico, arqueolóxico, paleontolóxico e, incluso, artístico que agochan estas covas.

Queres coñecer a actualidade do ecoloxismo e o medio ambiente de Galiza? Este é o teu espazo! Preme e entérate!