Podcast Radio Cerna

A caza do raposo volve a xerar debate social e mobilizacións de repulsa en toda Galiza. Numerosos colectivos ecoloxistas, animalistas, políticos, culturais e sociais piden a erradicación dos campionatos de caza do raposo por non ter xustificación de ningún tipo. Entre eles, ADEGA vén de solicitar a prohibición destes torneos e a toma en consideración dos efectos que poderían estar tendo sobre os aspectos ecolóxicos da especie. Tamén pide á Xunta que suspenda as competicións pendentes de celebración por motivos de seguridade cidadá.

O peche da térmica de Meirama encabeza a serie de novidades que esta semana nos deixou no eido ambiental e ecoloxista. Convidámoste a coñecelas todas!

O vexetal, as plantas, sempre estiveron presentes na Arquitectura e cada vez entra máis nas tendencias actuais. Varios arquitectos e arquitectas escribiron a obra "Arquitectura Vegetal" para rachar coa idea de que os elementos naturais e o deseño arquitectónico van por diferentes camiños. María Antonia Fernández Nieto, profesora de proxectos arquitectónicos na Universidade Francisco de Vitoria de Madrid fálanos das dimensións que o vexetal ocupa nesta disciplina.

O Plan Revitaliza da Deputación de Pontevedra cumpre 3 anos desde que se puxo en marcha coa finalidade de tratar adecuadamente o lixo orgánico da provincia e cumprir as esixencias da UE en materia de residuos. Por outra banda, preséntase como alternativa ao modelo Sogama, no que se prioriza a incineración e o vertedoiro. Tras este trienio a Deputación pontevedresa fai avaliación de resultados e analiza a evolución do proxecto.

Coñece a actualidade ambiental galega da última semana, aquí en Radio Cerna!

A consultora Sinerxia desenvolve o proxecto Ecobios de Emprego verde que intenta fomentar postos de traballo respectuosos co medio natural en 3 Reservas da Biosferas, 2 delas galegas: As Mariñas Coruñesas-Terras do Mandeo (Galiza); Eo-Oscos-Burón (Galiza-Asturias) e Monfragüe (Estremadura). O proxecto desenvolverase a través do programa Emprega Verde da Fundación Biodiversidade. Ecobios dirixirá a súa formación aos sectores produtivos de carácter ecolóxico.

A plataforma antiencoro do río Umia volve a reclamar o derrubo do encoro da Baxe para eliminar o risco ambiental e para a saúde das persoas que xera a toxicidade das augas encoradas. Desde 2006, a cianobacteria microcystis reaparece regularmente no encoro da Baxe de Caldas de Reis sen que ata o momento se teña atopado outra solución para eliminala. Desde a plataforma reclámase á Comisión de peticións europeas que retome o procedemento por infracción que se abrira en 1998 contra o Estado español polo incumprimento do proxecto de dúas directivas europeas. Aluden á falta de utilidade pública do encoro e chaman a atención, pola contra, na súa incidencia sobre a saúde das persoas.

Escoita o primeiro boletín informativo ambiental de Radio Cerna do ano 2019. Repasamos a actualidade ambiental da última semana, aquí, en Galiza.

Hoxe abordamos a segunda parte do repaso aos contidos ambientais recollidos en Cerna durante 2018, relativas ao cambio climático, auga, biodiversidade ou especies invasoras. Preme e escoita...

No derradeiro día de 2018, Radio Cerna fai repaso dos acontecementos máis relevantes do medio ambiente e da ecoloxía de Galiza que tiveron lugar durante este último ano e que foron tratados neste espazo de radio. Escoita a primeira parte do noso balanzo do ano 2018!