Podcast Radio Cerna

En xeral, os ríos galegos analizados no programa de voluntariado ambiental Proxecto Ríos presentan un bo estado e ningún rexistra un mal estado de saúde. Sen embargo, aumentan os ríos coas marxes en mal estado de conservación. Se queres coñecer máis detalles do Informe anual de Proxecto Ríos, preme e escóitanos!

Neste boletín informativo semanal contámosche as novas máis destacadas no eido ambiental galego dos últimos días.

No espazo de hoxe entrevistamos a tenente alcalde do Concello de Pontevedra pola prórroga que o Ministerio de Medio Ambiente vén de outorgar á pasteira de ENCE para a súa permanencia na ría por outros 60 anos. Carme da Silva insta ao Congreso a tomar medidas.

O anuncio da prórroga de ENCE caeu como unha xarra de auga fría entre os colectivos, entidades e institucións contrarias á súa permanencia na ría máis alá de 2018 e que conforman o movemento "Ence fóra da ría para sempre". Aínda así consideran que aínda se pode facer algo para frear o que cualifican a "sentenza de morte" da ría pontevedresa. Falamos coas asociacións ADEGA, APDR e Salvemos Pontevedra.

Escoita este espazo de Radio Cerna para coñecer as novas ambientais máis destacadas desta última semana: prórroga de Ence, lei acuicultura, nova sentenza do Prestige...

Xesús Horacio García, un xeógrafo lucense, vén de gañar o I Premio Manuel de Terán pola súa tese sobre a xeomorfoloxía dos ríos galegos. É a primeira tese que se realiza sobre xeomorfoloxía fluvial en Galiza. A erosión, arrastre, sedimentos ou transporte dos ríos galegos analizados permiten predicir o comportamento dos ríos ante posibles actuacións ou intervencións humanas, por iso, o investigador galardoado insta a que a xeomorfoloxía sexa un parámetro ineludible na planificación fluvial. Os encoros, segundo o investigador, son o factor artificial que máis incide no bo estado xeomorfolóxico dos ríos.

O Proxecto Landra intenta promover iniciativas que busquen o equilibrio entre a industria e o patrimonio forestal galego. O primeiro paso foi recompilar os datos sobre o inventario da superficie con especies autóctonas e exóticas, e os datos son alarmantes. O segundo é poñer a andar un laboratorio vivinte no que se experimenten xeitos de produción sostibles e tamén rendibles. Escoitamos ao seu promotor.

Coñece con Radio Cerna a actualidade ambiental galega. Preme e escoita!

É a reserva ornitolóxica de SEO/Birdlife máis grande de todo o Estado e a primeira que abarca medio mariño. Tamén é a primeira destas características en Galiza. Trátase dun proxecto de custodia ambiental que se desenvolverá nos vindeiros anos nunha zona de especiais valores ambientais a través de actividades didácticas, de investigación ou de turismo sostible, entre outras. O representante de SEO en Pontevedra explícanos en que consiste a primeira reserva ornitolóxica custodiada de Galiza.

ADEGA falla os Premios Osíxeno e Dioxina de 2015, destinados a signifcar as mellores e as peores actuacións ambientais do pasado ano, nas categorías individual e colectiva. Nesta 15ª edición dos galardóns ambientais tamén escolle o Premio Osíxeno de Honra.