Acompáñanos nesta viaxe pola actualidade do medio ambiente galego. Coñece a realidade ambiental de Galiza!

"A loita contra a avespa asiática non avanza", así é como o manifestan os apicultores que reclaman a atención da Xunta para mellorar o protocolo de control e promover un equipo de investigación que deseñe medidas efectivas contra a propagación desta praga. Xesús Asorey, secretario de AGA, explícanos como está a evoluír a loita contra a avespa invasora e as demandas dos apicultores galegos ao respecto.

ADEGA chama a atención sobre os danos colaterais que está a sufrir a avespa común e europea (crabro) por mor da loita contra a invasión da avespa asiática. O colectivo denuncia que moitas accións de eliminación de niños están a actuar contra niños de avespa autóctona ante o descoñecemento polo persoal executor das diferenzas coa avespa velutina. Demanda que se informe á cidadanía e a todo os axentes implicados na eliminación de niños para que a identificación da avespa invasora sexa correcta.

A plataforma fumigacionsnon.org e Rural contemporánea lanzan a campaña #libresdeglifosato para que a cidadanía presente mocións nos seus concellos para a prohibición do uso do glifosato na fumigación de espazos públicos. Neste espazo de Radio Cerna coñecemos a campaña e as ferramentas que nos ofrece para facer cumprir o noso dereito a non ser fumigados con este tipo de químico tóxico, que se aplica indiscriminadamente en espazos públicos, pese a ser recentemente declarado como "potencial carcinóxeno" pola Organización Mundial da Saúde.

Repasamos neste espazo a actualidade ambiental da semana en Galiza.

Este venres, ADEGA coa colaboración da Consellaría de Medio Ambiente, dará a coñecer a situación ou estado de conservación da píllara das dunas. Convoca a toda a cidadanía a asistir a unha xornada de divulgación sobre esta ave protexida que terá lugar no Centro de Visitantes do PN das Illas Atlánticas. Expertos e coñecedores da píllara estarán presentes para reflexionar e propoñer actuacións de mellora do0 estado de conservación desta ave emblemática dos areais galegos.

"Camiño do Sol" é como se chamou á marcha de persoas investidoras en enerxía fotovoltaica que chegou hai poucos días a Santiago para reivindicar un novo modelo enerxético que prime ás enerxías renovables e que non endebede aos seus investidores. Os protagonistas desta mobilización séntense estafados polo Estado que, nun principio animou á sociedade a investir en enerxía fotovoltaica, pero que nos últimos anos aprobou reformas lexislativas que están a converter en insostibles estes proxectos. En Galiza hai 2.500 familias afectadas.

Neste boletín informativo recollemos as principais novas acontecidas nesta semana no eido ambiental galego. Non o perdas!

O biólogo galego Roberto Hermiga publica un libro de curiosidades sobre morcegos que amosa o lado máis divertido e enigmático destes animais nocturnos, ademais de achegarnos á figura do científico Lazzaro Spallanzani. Neste espazo de Cerna falamos desta publicación e tamén abordamos a siutación dos morcegos en Galiza.

A ONU declarou 2015 como o Ano da Luz e das tecnoloxías relacionadas coa luz. Por iso a USC vén de realizar un curso sobre contaminación lumínica para formar a expertos na materia que deseñen baixo a óptica da sostibilidade os alumeados públicos. Salvador Bará, coordinador deste curso e profesor de física aplicada na Universidade compostelá, fala hoxe para Radio Cerna sobre a contaminación lumínica en Galiza.