Podcast Radio Cerna

Máis de mil nenos e nesas do concello de Carballo aprenderán a compostar os residuos orgánicos producidos no eido escolar. Tres colexios deste municipio súmanse ao programa de compostaxe comunitaria de ADEGA que, co apoio do concello, pretende ensinar aos máis pequenos a aproveitar os residuos orgánicos como abono. Xosé Regueira, concelleiro de promoción económica en Carballo, explica neste espazo cales son as expectativas e as vantaxes deste programa educativo, que responde tamén a unha filosofía de cambio na xestión integral do lixo.

Escoita o máis destacado na actualidade desta semana das novas acontecidas en Galiza relativas ao medio ambiente e á ecoloxía!

O fracking ou fractura hidráulica para a captación de gas natural xa está a irromper no Estado español. Numerosos permisos de investigación para a explotacións de fracking xa se están a tramitar en diversos puntos da xeografía estatal. O asunto chegou ao Congreso no día de onte a través dunha proposta de Izquierda plural na que se instaba á prohibición desta práctica. O PP votou en contra e CiU, UPyD e PNV abstivéronse. O resto de partidos votaron a favor, aínda que non resultou ser a posición maioritaria. No obstante, días antes do debate no Congresto, 20 formacións políticas e máis de 40 organizacións sociais asinaron un manifesto no que se avoga pola prohibición do fracking.

A III Edición da Limpeza simultánea de praias organizada por ADEGA terá lugar os días 6,7 e 8 de xuño por todo o litoral galego. Esa fin de semana coincide coa conmemoración mundial dos Océanos. Este ano, esta actividade de voluntariado ofrece novidades! Descúbreas neste espazo!

Recollemos neste espazo todos os acontecementos informativos máis destacados desta semana no eido ambiental galego.

A custodia do territorio xa se está a extender por toda Europa como unha ferramenta de futuro na conservación dos ecosistemas naturais a partires da vontade social e particular. O proxecto Lanlife, de Xarxa de Custodia del Territori, culmina este ano o seu programa dedicado á promover esta nova forma de conservación da biodiversidade no arco mediterráneo occidental. Neste espazo coñecemos o proxecto e os seus resultados da man da súa coordinadora no Estado español, Pilar Rodríguez.

Na Península Ibérica quedan só 4 parellas de mazarico real e están na Terra Chá. O mazarico ou zarapito real é das aves nidificantes máis ameazadas de Galiza e do resto do Estado e precisa de protección. Mentres agarda por un Plan de Recuperación, que debera de aprobar o goberno autonómico, a USC está a desenvolver unha iniciativa que cando menos intente preservar as parellas reprodutoras instaladas na comarca chairega. Neste espazo, coñecémola!

Repasa con nós as novas ambientais desta semana máis destacadas...

A Deputación e o Concello de Pontevedra asinan un acordo polo que inician os traballos para a implantación da compostaxe para a xestión da materia orgánica na capital e nos demais concellos que se queiran adherir ao proxecto. O obxectivo é acadar o 50% da compostaxe dos residuos xerados, de forma que tampouco se destinen a Sogama. Escoitamos neste espazo aos responsables do proxecto.

Os concellos galegos xa ven na compostaxe unha alternativa á xestión do lixo de Sogama. Varios deles, entre eles Allariz, impulsar proxectos baseados no tratamento da materia orgánica fóra das instalacións de Cerceda e a través de plantas de compostaxe comarcais. Neste espazo coñecemos cal vai ser a experiencia piloto deste municipio.