«La primavera trai flad che l'aria strembla, la scorsa serevegn, las fluras neschan e laudan il sulegl. La veta raguda il tratsch e la tiara leventa carschen, legria e cant.» (Donat Cadruvi) La primavaira è qua, era sch'ins na vesa quai anc betg en blers lieus en il Grischun. Per dasdar ils sentiments da primavaira chantan «Noss Chors» oz chanzuns da primavaira. Els chantan dal return dals utschels e da l'aura da mars. Independent sch'ins chanta uss da la «primavera», da la «prümavaira», da la «premavaira» u da la «parmavera» – tuts manegian la glisch ed il chaud empernaivel da quella bella stagiun.